လံာ်ယံးရမံယၤ 3:20 - Sgaw Karen Common Bible

²⁰ ဘၣ်ဆၣ်ဒီး, ဒ်မါတဂၤလၢအသးတတီဘၣ်အသိး, နတသးတီတ့ၢ်ဒီးယၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:20 Iomraidhean Croise

လံာ်ယၡါယၤ 24:16

လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 5:11

ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်တဖၣ် သမၢကွံာ်ယၤလၢာ်လၢာ်ဆ့ဆ့လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 3:1

ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

လံာ်ဟိၤၡ့ 5:7

အဝဲသ့ၣ်တဖၣ်အသးတတီတ့ၢ်ဒီးယွၤဘၣ်. အဝဲသ့ၣ်အဖိတဖၣ်စ့ၢ်ကီးတဘၣ်ဃးဒီးယွၤဘၣ်. လၢတၢ်န့ၣ်အဃိ, ခဲကနံၣ်အံၤအဝဲသ့ၣ်ဒီးအထံအကီၢ်တဖၣ်ကဘၣ်တၢ်မၤဟးဂီၤအီၤလၢ အဆိအချ့လီၤ.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်မၤလကံ 2:11

ပှၤကီၢ်ယူဒၤဖိတဖၣ်မၤဟးဂီၤကွံာ်အတၢ်အၢၣ်လီၤအီလီၤဒီး ကစၢ်ယွၤဒီးမၤတၢ်လၢအလီၤပျံၤဖးဒိၣ်လၢဝ့ၢ်ယရူၤၡလ့ၣ်အပူၤ ဒီးလၢထံကီၢ်ဒီဘ့ၣ်အပူၤန့ၣ်လီၤ. အဝဲသ့ၣ်မၤဘၣ်အၢဘၣ်သီတၢ်လုၢ်ဟံၣ်လၢယွၤအဲၣ်ဝဲန့ၣ်လီၤ. ပိာ်ခွါတဖၣ်ဒိးတ့ဒိးဖျီအသးဒီးပိာ်မုၣ်တဖၣ်လၢအဘါ ထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ.