လံာ်ယံးရမံယၤ 3:2 - Sgaw Karen Common Bible

² ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယံးရမံယၤ 3:2 Iomraidhean Croise

လံာ်တၢ်ကဲထီၣ်အခီၣ်ထံး 38:14

လၢတၢ်န့ၣ်အဃိ, နီၢ်တၤမၢ်လဲလိာ်ကွံာ်မုၣ်ကမဲအကူအသိးတဖၣ် လၢအကူဝဲသိးဝဲ, မၤဘၢအမဲာ်ဒီးနီၣ်ကျၢၢ်ဘၢမဲာ်, ဒီးဆ့ၣ်နီၤဝဲဖဲဝ့ၢ်အံန့ၢ်, အခီပညီထံထီၣ်ပၢၢ်ခံပူၤ, ဝ့ၢ်တဝ့ၢ်လၢအအိၣ်ဖဲကျဲလဲၤဆူဝ့ၢ်တံးမနၤအကျဲစၢၤအဖီ ခိၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ညါတ့ၢ်ဝဲဒၣ်လၢခဲအံၤစီၤ ယူဒၤအဖိခွါသဒါစီၤၡ့ၤလၤဒိၣ်ထီၣ်လံ, ဒီးအန့ၣ်ဒၣ်လဲာ်တၢ်တဟ့ၣ်ဒံးအီၤလၢကဒိးတ့ဒိးဖျီအသးဒီး စီၤၡ့လၤဘၣ်.

လံာ်စီၤပၤအခီၣ်ထံးတဘ့ၣ် 11:3

စီၤၡလိၤမိၤဒိးတ့ဒိးဖျီတ့ၢ်အသးဒီးစီၤပၤအဖိမုၣ်တဖၣ် အဂၤနွံကယၤဒီးအိၣ်စ့ၢ်ကီးဒီးအသံၣ်မါအဂၤသၢကယၤန့ၣ်လီၤ. အဝဲသ့ၣ်ဒုးဃၣ်ယံၤကွံာ်အီၤလၢကစၢ်ယွၤအအိၣ်,

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

တၢ်ကတိၤဒိ. 23:28

အဝဲသ့ၣ်အိၣ်ခိးနၤဒ်တမျိၤတမျာ်တဖၣ်အသိးဒီးဒုးကဲထီၣ်ပှၤ အါဂၤလၢပှၤအသးတတီန့ၣ်လီၤ.

တၢ်ကတိၤဒိ. 7:11

အဝဲမ့ၢ်ပိာ်မုၣ်တဂၤလၢအမဲာ်ကဲၤဒီးတၢ်မဲာ်ဆှးတအိၣ်ဘၣ်, ထီဘိလဲၤဝ့ၤဝီၤတၢ်လၢကျဲမုၢ်တဖၣ်အဖီခိၣ်,

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 2:23

နတမၤဘၣ်အၢဘၣ်သီတ့ၢ်နသးဘၣ်, ဒီးနတဘူၣ်ထီၣ်ဘါထီၣ်တ့ၢ် ဘဧၤလးနီတစုဘၣ်န့ၣ်နစံးနဲကသ့ဒ်လဲၣ်. နမၤတ့ၢ်တၢ်ဒဲးဘးလၢ တြီၤပူၤဒ်လဲၣ်န့ၣ်, ကွၢ်တက့ၢ်. ကွၢ်တၢ်လၢနမၤတ့ၢ်တဖၣ်န့ၣ်တက့ၢ်. နလီၤဂာ်ဒီးကီၤလၤအူးမိၢ်အမံၤတဒုလၢအသးကတၢထီၣ်, ဃ့ၢ်ထူၣ်ဖျဲးအသး,

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:21

တၢ်ကလုၢ်တမံၤဘၣ်တၢ်နၢ်ဟူတ့ၢ်အီၤ လၢတၢ်လူၢ်တဖၣ်အဒီခိၣ်လီၤ. မ့ၢ်ကီၢ်အံၣ်စရ့လးအပှၤဂီၢ်မုၢ်အတၢ်ဟီၣ်တၢ်ယၢၤဒီးအတၢ်ဃ့သ ကွံၢ်ကညးတၢ်, မ့ၢ်လၢအဝဲသ့ၣ်အိၣ်မူတ့ၢ်လၢတၢ်ဒဲးဘးအပူၤ, ဒီးသးပ့ၤနီၣ်တ့ၢ်ယွၤ, အဝဲသ့ၣ်အကစၢ်ယွၤ အဃိန့ၣ်လီၤ.

လံာ်ယံးရမံယၤ 3:9

ဒီးအဝဲတမဲာ်ဆှးလ့ၤတက့ၤဘၣ်န့ၣ်လီၤ. အဝဲမၤဘၣ်အၢတ့ၢ်ထံ ကီၢ်, မၤတ့ၢ်တၢ်မၤကမၣ်မုၣ်ကမၣ်ခွါခီဖျိအဘူၣ်ထီၣ်ဘါထီၣ် လၢၢ်ဧိၤလ့ဧိၤဒီးသ့ၣ်ဧိၤဝၣ်ဧိၤတဖၣ်န့ၣ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယဃ့းစက့လး 16:16

နသူနတၢ်ကူတၢ်သိးတနီၤလၢနကကယၢကယဲနတၢ်ဘူၣ်တၢ်ဘါ အလီၢ်တဖၣ်အဂီၢ်, ဒီးဒ်ပှၤဃဲသဲမုၣ်တဂၤအသိး, နဟ့ၣ်လီၤနသးဆူပှၤကိးဂၤဒဲးအအိၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်လူၤကၣ် 16:23

လၢပျုၤပူၤဖဲအဝဲဒၣ်ဘၣ်တူၢ်တၢ်နးမးန့ၣ်, အဝဲကွၢ်ထီၣ်တၢ်ဒီးထံၣ်စီၤအၤဘြၤဟၣ်လၢအယံၤ, အိၣ်ဒီးစီၤလါစရူးလၢအကပၤလီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.