လံာ်ယံးရမံယၤ 3:13 - Sgaw Karen Common Bible

¹³ ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:13 Iomraidhean Croise

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 57:5

ဒ်ပှၤတစူၢ်တနာ်ယွၤတဖၣ်အသိးန့ၣ်, သုအိၣ်ဃုာ်လိာ်သုသးလၢသ့ၣ် စီဆှံတဖၣ်အဖီလာ်ဖဲတၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤ န့ၣ်လီၤ. သုဟ့ၣ်လီၤသုဖိတဖၣ်ဒ်တၢ်လုၢ်တၢ်ပာ်တဖၣ်အသိးလၢလၢၢ် ပူၤလ့ပူၤတဖၣ်ဘူးဒီးထံကျိတကျိအထၣ်န့ၣ်လီၤ.

လံာ်ယံးရမံယၤ 14:10

ယွၤစံးတၢ်ဘၣ်ဃးပှၤဂီၢ်မုၢ်သ့ၣ်တဖၣ်ဒ်အံၤ, “အဝဲသ့ၣ်အဲၣ်ဒိး ထွးထီၣ်ဃ့ၢ်ကွံာ်လၢယအိၣ်, ဒီးအဝဲသ့ၣ်တပၢၤအသးလၢၤဘၣ်. လၢတၢ်န့ၣ်အဃိ, ယတဘၣ်သူၣ်ဘၣ်သးအဝဲသ့ၣ်လၢၤဘၣ်. ယကသ့ၣ်နီၣ်ထီၣ်တၢ်ကမၣ်တဖၣ်လၢအဝဲသ့ၣ်မၤတ့ၢ်ဝဲဒီးစံၣ်ညီၣ် အဝဲသ့ၣ်လၢအတၢ်ဒဲးဘးတဖၣ်အဃိန့ၣ်လီၤ.”

လံာ်ယံးရမံယၤ 14:20

ယွၤဧၢ, ပမၤတ့ၢ်တၢ်ဒဲးဘးထီဒါနၤလီၤ. ပအၢၣ်လီၤပတၢ်ဒဲးဘးဒၣ်ပဝဲတဖၣ် ဒီးပမိၢ်ပၢ်ဖံဖုလၢပျၢၤတဖၣ်အတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်ယံးရမံယၤ 3:2

ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.