လံာ်ယံးရမံယၤ 29:5 - Sgaw Karen Common Bible

⁵ ‘ဘှီထီၣ်ဟံၣ်ဧိၤဃီဧိၤတဖၣ်ဒီး သူၣ်လီၤသုအိၣ်သုဆိး အလီၢ်တက့ၢ်. သူၣ်လီၤဖျးလီၤတၤသၣ်လီၢ်တဖၣ်ဒီးအီၣ်တၢ်လၢသု သူၣ်လီၤဖျးလီၤအီၤလၢ အပူၤန့ၣ်တက့ၢ်.

လံာ်ယံးရမံယၤ 29:5 Iomraidhean Croise

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 29:28

အဝဲကြၢးဘၣ်တၢ်တြီအီၤမ့ၢ်လၢ အဝဲဒၣ်တဲဘၣ် တ့ၢ်ပှၤဂီၢ်မုၢ်လၢ ကီၢ်ဘၤဘူၤလိၣ်အပူၤလၢ, အဝဲသ့ၣ် ကမ့ၢ်ကုၢ်တဖၣ်ဖဲန့ၣ် ဖးယံာ်ဖးထၢဒီး ကြၢးဘှီထီၣ် ဟံၣ်ဧိၤဃီဧိၤ, သူၣ်လီၤအလီၢ်အိၣ်လီၢ်ဆိး, သူၣ်လီၤဖျး လီၤတၤသၣ်လီၢ်တဖၣ်, ဒီးအီၣ်တၢ်လၢ အဝဲသ့ၣ်သူၣ်လီၤ ဝဲအဃိန့ၣ်လီၤ.”

လံာ်ယံးရမံယၤ 29:6

ဆီဟံၣ်ဆီဃီဒီး မၤန့ၢ်ဖိတဖၣ်တက့ၢ်. အန့ၣ်ဝံၤဒီး ပျဲသုဖိသုလံၤ ဆီဟံၣ်ဆီဃီဒ်သိး အဝဲသ့ၣ်စ့ၢ်ကီး အဖိအလံၤ ကအိၣ်ဝဲန့ၣ်တက့ၢ်. သုကဘၣ်အါထီၣ်လၢ နီၣ်ဂံၢ်ဒီး တဘၣ်စှၤလီၤဘၣ်.

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”