လံာ်ယံးရမံယၤ 29:25 - Sgaw Karen Common Bible

²⁵ အဝဲဆှၢလီၤတ့ၢ်လံာ်ပရၢတဘ့ၣ်လၢအကစၢ် ဒၣ်ဝဲအမံၤအပူၤ, ဆူကယဲၢ်ပှၤဂီၢ်မုၢ်လၢ ဝ့ၢ်ယရူၤ ရှလ့ၣ်အအိၣ်ဒီး ဆူစီၤမၤစ့ယၤအဖိခွါ ပှၤလုၢ်တၢ်အခိၣ် စီၤစဖါနယၤအအိၣ်, ဒီးဆူပှၤလုၢ်တၢ်အခိၣ်အဂၤ တဖၣ်ခဲလၢာ်အအိၣ်လီၤ. လၢလံာ်အံၤအပူၤန့ၣ်, စီၤၡမါယၤကွဲးတၢ်ဆူ စီၤစဖါနယၤအအိၣ်ဒီးစံးဝဲဒၣ်,

လံာ်ယံးရမံယၤ 29:25 Iomraidhean Croise

လံာ်စီၤပၤခံဘ့ၣ်တဘ့ၣ် 19:14

စီၤပၤဃံးစကံယၤဟံးန့ၢ်လံာ်ပရၢန့ၣ်လၢပှၤစိာ်တၢ်ကစီၣ်တဖၣ် အအိၣ်ဒီးဖးဝဲလီၤ. ဝံၤဒီးအဝဲလဲၤထီၣ်ဆူယွၤအဟံၣ်, ပာ်ထီၣ်လံာ်ပရၢဖဲန့ၣ်လၢယွၤအမဲာ်ညါ,

လံာ်စီၤပၤခံဘ့ၣ်တဘ့ၣ် 19:9

တၢ်ကစီၣ်ဟဲတုၤဝဲဆူပှၤအၤၡူၢ်ဖိတဖၣ်အအိၣ်လၢပှၤအဲၤကူပတူး ဖိအသုးမုၢ်လၢအဘၣ်တၢ်ပၢဆှၢအီၤလၢကီၢ်ကူၤၡးအစီၤပၤတံ ရဟၤကၤ, ဟဲထီၣ်လၢကဒုးအဝဲသ့ၣ်န့ၣ်လီၤ. ဖဲစီၤပၤဖးဒိၣ်နၢ်ဟူတၢ်အံၤန့ၣ်, အဝဲဆှၢလီၤလံာ်ပရၢတဘ့ၣ် ဆူကီၢ်ယူဒၤအစီၤပၤဃံးစကံယၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:17

လံာ်ပရၢလၢစီၤပၤဖးဒိၣ်ကွဲးတ့ၢ်ဝဲန့ၣ်, မ့ၢ်တၢ်တၤတၢ်ဒီးယွၤ, အံၣ်စရ့လးအကစၢ်ယွၤန့ၣ်လီၤ. တၢ်ကွဲးစံးဝဲ, “ပှၤကလုာ်တဖၣ်အကစၢ်တဖၣ်တမၤပူၤမၤဖျဲးအဝဲသ့ၣ်အပှၤဂီၢ်မုၢ် လၢယတၢ်စိတၢ်ကမီၤအဖီလာ်ဘၣ်. ဒီးဒ်န့ၣ်အသိးစီၤဃံးစကံၤယၤမၤပူၤမၤဖျဲးအပှၤဂီၢ်မုၢ်လၢ ယစုပူၤတသ့ဘၣ်.

လံာ်စီၤနဃ့မယၤ 6:17

ဒီးလၢအကတီၢ်ဒီကတီၢ်အံၤန့ၣ်ပှၤယူဒၤဖိခိၣ်နၢ်သ့ၣ်တဖၣ်အိၣ် ဒီးအတၢ်ကွဲးလိာ်သးလံာ်ဒီးစီၤတိၤဘံယၤန့ၣ်လီၤ.

လံာ်စီၤနဃ့မယၤ 6:19

ဒီးပှၤအိၣ်လၢယမဲာ်ညါသ့ၣ်တဖၣ်တဲဘၣ်ယၤလၢတၢ်မၤအဂ့ၤသ့ၣ်တဖၣ် လၢစီၤတိၤဘံယၤမၤတ့ၢ်ဝဲအဂ့ၢ်ဒီးကတဲစ့ၢ်ကီးအီၤလၢတၢ်လၢ ယစံးတ့ၢ်သ့ၣ်တဖၣ်န့ၣ်လီၤ. ဒီးအဝဲဆှၢလီၤလံာ်တဖၣ်လၢကမၤပျံၤမၤဖုးယၤအဂီၢ်န့ၣ်လီၤ.

လံာ်စီၤနဃ့မယၤ 6:5

ဒီးစီၤစၤနဘၤလးမၢလီၤအခ့အပှၤတဂၤဃုာ်ဒီးတၢ်ကစီၣ်ယဲၢ်ဘျီ တဘျီ, ဒီးအအံၤတဘျီမ့ၢ်တၢ်ကွဲးလၢအတအိၣ်ဘၣ်ဒီးတၢ်စဲပနီၣ်ဘၣ်န့ၣ် လီၤ.

လံာ်ယံးရမံယၤ 29:1

ယကွဲးဃီၤလံာ်ပရၢတဘ့ၣ်ဆူ ပှၤလုၢ်တၢ်အခိၣ်တဖၣ်, ဝံတဖၣ်, ပှၤဂီၢ်မုၢ်အခိၣ်အနၢ်တဖၣ်, ဒီးဆူပှၤအဂုၤအဂၤတဖၣ်လၢ စီၤနဘူၤကးန့စၢ်က့ၤကိးအီၤဒ်ပှၤဘၣ်တၢ်စိာ်မၢကဲကုၢ်အီၤအသိး တဖၣ်, လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အအိၣ်န့ၣ်လီၤ.

လံာ်ယံးရမံယၤ 29:29

စီၤစဖါနယၤဖးန့ၢ် ယၤလံာ်ပရၢန့ၣ်လီၤ, အန့ၣ်ဝံၤဒီး ယွၤစံးဘၣ်ယၤလၢ,

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.