လံာ်ယံးရမံယၤ 29:23 - Sgaw Karen Common Bible

²³ တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 29:23 Iomraidhean Croise

လံာ်တၢ်ကဲထီၣ်အခီၣ်ထံး 31:50

ဒီးစီၤလၤစံးဘၣ်ကဒီးဝဲ, “နမ့ၢ်မၤအၢမၤသီယဖိမုၣ်တဖၣ် မ့ၢ်ဂ့ၤ, နမ့ၢ်ဟံးန့ၢ်ပှၤပိာ်မုၣ်အဂၤတဖၣ်မ့ၢ်ဂ့ၤ, ယမ့ၢ်တသ့ၣ်ညါနာ်သက့ သ့ၣ်နီၣ်ထီၣ်လၢကစၢ်ယွၤကွၢ်လီၤပှၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:12

နီၢ်တၤမၢ်စံးဝဲဒၣ်, “တသ့ဘၣ်. မၤဆူၣ်မၤနၢၤယၤဒ်သိးယကမၤ တၢ်လီၤရၢၢ်လီၤစၢၢ်တမံၤန့ၣ်တဂ့ၤ. တၢ်န့ၣ်မ့ၢ်တၢ်ဒဲးဘးလၢအလီၤပျံၤဒိၣ်မးလီၤ.

တၢ်ကတိၤဒိ. 5:21

ယွၤထံၣ်တၢ်လၢနမၤအီၤကိးမံၤဒဲးလီၤ. အဝဲခိးကွၢ်နကျဲတဖၣ်လီၤ.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယံးရမံယၤ 16:17

ယထံၣ်တၢ်ခဲလၢာ်လၢအဝဲသ့ၣ်မၤဝဲလီၤ. တၢ်တအိၣ်သဒၢလၢယမဲာ်ညါနီတမံၤဘၣ်. အဝဲသ့ၣ်အတၢ်ဒဲးဘးတဖၣ်အိၣ်သဒၢ လၢယမဲာ်အတၢ်ထံၣ်တန့ၢ်ဘၣ်.

လံာ်ယံးရမံယၤ 23:14

မ့မ့ၢ်ယထံၣ်ဘၣ်တ့ၢ်ဝ့ၢ်ယရူၤၡလ့ၣ်အဝံတဖၣ်မၤတၢ်အၢဒိၣ်န့ၢ် တၢ်အံၤဒၣ်လဲာ်န့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီးကတိၤတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်မၤစၢၤပှၤဂီၢ်မုၢ်လၢကမၤကမၣ်တၢ်အဂီၢ်, တုၤဒၣ်လဲာ်ပှၤတဆိကတီၢ်လၢတၢ်မၤတၢ်အၢတၢ်သီနီတဂၤ လၢၤဘၣ်န့ၣ်လီၤ. လၢယဂီၢ်န့ၣ်, အဝဲသ့ၣ်ခဲလၢာ်အၢဝဲသီဝဲ ဒ်သိးဝ့ၢ်စဒိၣ်ဒီးဝ့ၢ်ဂမိရၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်ယံးရမံယၤ 23:21

ယွၤစံးဝဲဒၣ်, “ယတမၢလီၤဝံသ့ၣ်တဖၣ်အံၤန့ၣ်ဘၣ်. ဘၣ်ဆၣ်ဒီး, အဝဲသ့ၣ်လဲၤဝဲလီၤ. ယတဟ့ၣ်လီၤအဝဲသ့ၣ်တၢ်ကစီၣ်နီတမံၤဘၣ်. ဘၣ်ဆၣ်ဒီးအဝဲသ့ၣ်ကတိၤဒံးတၢ်လၢယမံၤအပူၤန့ၣ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 29:21

ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤတ့ၢ်တၢ် ဘၣ်ဃးစီၤကိၤလါယၤအဖိခွါ စီၤအၤဃာ်ဒီးစီၤမၤစ့ယၤအဖိခွါ စီၤစံးဒကံယၤ, ပှၤတဖၣ်လၢအတဲဘၣ်သုလၢ တၢ်လီတၢ်ဝ့ၤ တဖၣ်လၢ ယွၤအမံၤအပူၤ, အဂ့ၢ်န့ၣ်လီၤ. ယွၤစံးတ့ၢ်ဝဲလၢ သါကဟ့ၣ်လီၤကွံာ်အဝဲသ့ၣ်ဆူကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်စိတၢ်ကမီၤအပူၤဒီး အဝဲကမၤသံကွံာ် အဝဲသ့ၣ်လၢ သုမဲာ်ညါန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 5:8

ဒ်ကသ့ၣ်ဖါတံၢ်တဖၣ်လၢတၢ်ဒုးအီၣ်အဆၣ်လၢအီၣ်လၢအီဒီး အသးကတၢထီၣ်အသိးန့ၣ် အဝဲသ့ၣ်တဂၤစုာ်စုာ်လူၤတၢ်ကလုာ်ကလိၤဒီး ပှၤလၢအဃၢၤအမါတဖၣ်န့ၣ်လီၤ.

လံာ်ယံးရမံယၤ 7:11

မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:10

ဒီးအဝဲသ့ၣ်စံးဆၢဝဲဒၣ်, “ပအၢၣ်လီၤအီလီၤပသးဒီးနၤလီၤ. ယွၤမ့ၢ်ပှၤအုၣ်အသးလၢပဘၢၣ်စၢၤလီၤ.”