လံာ်ယံးရမံယၤ 29:22 - Sgaw Karen Common Bible

²² တုၤပှၤဂီၢ်မုၢ်လၢ အဘၣ်တၢ်စိာ်ထီၣ်ကွံာ်အီၤလၢဝ့ၢ်ယရူၤရှလ့ၣ် ဆူကီၢ်ဘၤဘူၤလိၣ်ဒ် ပှၤဘၣ်တၢ်စိာ်မၢကဲကုၢ်တဖၣ်သးအိၣ်ဆိၣ် အၢပှၤတဂၤန့ၣ်, အဝဲသ့ၣ်ကစံးဆၢဝဲ, ‘မ်ယွၤမၤနၤဒ်စီၤစံးဒကံယၤဒီး စီၤအၤဃာ်, ပှၤတဖၣ်လၢ ကီၢ်ဘၤဘူၤလိၣ် အစီၤပၤ, ဃိမူဒံးအီၤအသိးန့ၣ်တက့ၢ်.’

လံာ်ယံးရမံယၤ 29:22 Iomraidhean Croise

လံာ်တၢ်ကဲထီၣ်အခီၣ်ထံး 48:20

လၢတၢ်န့ၣ်အဃိ, အဝဲဒၣ်ဆိၣ်ဂ့ၤအဝဲသ့ၣ်လၢမုၢ်တနံၤန့ၣ်ဒီး စံးဝဲ, “ဖဲပှၤအံၣ်စရ့လးဖိတဖၣ်ဆိၣ်ဂ့ၤတၢ်န့ၣ်, ကသူသုမံၤတဖၣ်လီၤ. အဝဲသ့ၣ်ကစံးဝဲ, မ်ကစၢ်ယွၤဒုးလီၤဂာ် သုဒ်စီၤအ့ဖရဲၣ်ဒီးစီၤမနၤၡ့ၤအသိးန့ၣ်တက့ၢ်. လၢကျဲဒ်အံၤန့ၣ်, စီၤယၤကိာ်ပာ်ဒိၣ်ပာ်ကဲစီၤအ့ဖရဲၣ်အါန့ၢ် ဒံးစီၤမနၤၡ့ၤတက့ၢ်လီၤ.”

စံးထီၣ်ပတြၢၤ 102:8

ယဒုၣ်ယဒါတဖၣ်ကတိၤဆါယၤသ့တနံၤကျၢၤ, ဒီးပှၤလၢအဒုၣ်ဒွဲၣ်ယၤတဖၣ်သူယမံၤလၢ အတၢ်ဆိၣ်အၢအပူၤန့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ဒၤနံးယ့လး 3:21

မၤသးဒ်န့ၣ်ဒီး, အဝဲသ့ၣ်တဖၣ်ဘၣ်တၢ်စၢဃာ်အီၤအိၣ်ဃုာ်ဒီးအတၢ် ကူတၢ်သိးအလၢအပှဲၤဃုာ်ဒီးအဖျီၣ်ခံ, ဆ့ကၤ, ခိၣ်ဖၢၣ်ဒီးအဂၤခဲလၢာ်ဒီးဘၣ်တၢ်တ့ၢ်လီၤကွံာ်အီၤဆူမ့ၣ်အူကဲၤကဖး အဖၣ်ကပူၤန့ၣ်လီၤ.

လံာ်ဒၤနံးယ့လး 3:6

ပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါထီၣ်တၢ်န့ၣ်ကဘၣ် တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤတဘျီဃီန့ၣ်လီၤ.”

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.