လံာ်ယံးရမံယၤ 29:20 - Sgaw Karen Common Bible

²⁰ ကယဲၢ်သုဝဲလၢ ယဆှၢဃီၤအီၤဆူ တၢ်စိာ်မၢကဲကုၢ် အလီၢ်လၢ ကီၢ်ဘၤဘူၤလိၣ်အပူၤသ့ၣ်ဧၢ, ဒိကနၣ်တၢ်လၢယၤ, ယွၤ, စံးဝဲန့ၣ်တက့ၢ်.’

လံာ်ယံးရမံယၤ 29:20 Iomraidhean Croise

လံာ်ယံးရမံယၤ 29:1

ယကွဲးဃီၤလံာ်ပရၢတဘ့ၣ်ဆူ ပှၤလုၢ်တၢ်အခိၣ်တဖၣ်, ဝံတဖၣ်, ပှၤဂီၢ်မုၢ်အခိၣ်အနၢ်တဖၣ်, ဒီးဆူပှၤအဂုၤအဂၤတဖၣ်လၢ စီၤနဘူၤကးန့စၢ်က့ၤကိးအီၤဒ်ပှၤဘၣ်တၢ်စိာ်မၢကဲကုၢ်အီၤအသိး တဖၣ်, လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အအိၣ်န့ၣ်လီၤ.

လံာ်ယံးရမံယၤ 29:2

ယကွဲးတ့ၢ်အီၤဖဲ စီၤပၤယဟိၤယါခံၣ်, အဝဲအမိၢ်, နူၢ်ဧိၤစီၤဧိၤ အပဒိၣ်ပပှၢ်တဖၣ်, ကီၢ်ယူဒၤဒီးဝ့ၢ်ယရူၤရှလ့ၣ်အခိၣ်အနၢ်တဖၣ်ဒီး ပှၤမၤတၢ်စုသ့ခီၣ်သ့ အတၢ်မၤတဖၣ်, ဒီးပှၤမၤတၢ်ဖိလၢ အသ့လီၤဆီ တဖၣ်, ဘၣ်တၢ်စိာ်မၢကဲကုၢ်အီၤဝံၤ အလီၢ်ခံန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယဃ့းစက့လး 11:9

ယကဟံးထီၣ်သုလၢဝ့ၢ်အပူၤဒီးဟ့ၣ်လီၤသုဆူပှၤတခီဘီမုၢ် ဖိတဖၣ်အစုပူၤလီၤ. ယစံၣ်ညီၣ်လံသုလံ,

လံာ်ယဃ့းစက့လး 3:11

ဝံၤဒီး လဲၤဆူ နပှၤထံဖိကီၢ်ဖိတဖၣ်လၢ အအိၣ်လၢတၢ်စိာ်မၢကဲ ကုၢ်အပူၤအအိၣ်, ဒီး တဲဘၣ်အဝဲသ့ၣ်လၢ, တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်အဝဲသ့ၣ်ဖဲ အဝဲသ့ၣ်ကနၣ်နၤမ့ၢ်ဂ့ၤ, တကနၣ်နၤမ့ၢ်ဂ့ၤ, ဘၣ်အခါန့ၣ်တက့ၢ်.”

လံာ်ယဃ့းစက့လး 3:15

လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.