လံာ်ယံးရမံယၤ 29:17 - Sgaw Karen Common Bible

¹⁷ ယွၤသ့တၢ်လၢာ်စံးဝဲ, ယဒုးလီၤဘၣ်တၢ်ဒုး တၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါ လၢ အဝဲသ့ၣ်အလိၤဒီး ယကဒုးကဲထီၣ်အဝဲသ့ၣ် ဒ်သိးချၢၣ်ဒၢသၣ်တဖၣ်လၢ အအုၣ်ကဲၣ်ဆိးတုၤ ပှၤအီၣ်အီၤတသ့ဘၣ်န့ၣ်လီၤ.

လံာ်ယံးရမံယၤ 29:17 Iomraidhean Croise

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 29:18

ယကလူၤအဝဲသ့ၣ်လၢ တၢ်ဒုးတၢ်ယၤ, တၢ်သၣ်ဝံၤ လီၤဒိ, ဒီးတၢ်ဆူးတၢ်ဆါဒီး ကယဲၢ်ပှၤကလုာ်လၢ ဟီၣ်ခိၣ်ချၢကဘၣ် တၢ်မၤပျံၤမၤဖုးအီၤလၢ တၢ်လၢ အဝဲသ့ၣ်ထံၣ်ဘၣ်ဝဲအဃိန့ၣ်လီၤ. တပူၤလၢ်လၢ် ဖဲယမၤလီၤပြံလီၤပြါအဝဲသ့ၣ်န့ၣ် ပှၤဂီၢ်မုၢ်ကကမၢကမၣ်ဒီး အိၣ်ဒီးတၢ်ပျံၤတၢ်ဖုးလၢ တၢ်လၢအမၤတ့ၢ်အသးဒီး အဝဲသ့ၣ်အဃိန့ၣ်လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်ဒီး သူအဝဲသ့ၣ်အမံၤဒ် တၢ်ဆိၣ်အၢ တမံၤအသိးန့ၣ်လီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 43:11

စီၤနဘူၤကးန့ စၢ်ကဟဲဒီး မၤနၢၤကီၢ်အဲၤကူပတူးန့ၣ်လီၤ. ပှၤဂီၢ်မုၢ်တဖၣ်လၢ ကဘၣ်တၢ်စံၣ်ညီၣ်ဃါ မနၤလၢ ကဘၣ်သံလၢ တၢ်ဆူးတၢ်ဆါအဃိန့ၣ် ကသံလၢ တၢ်ဆူးတၢ်ဆါ, ပှၤတဖၣ်လၢ ကဘၣ်တၢ်စံၣ်ညီၣ်ဃါ မနၤလၢ တၢ်စိာ်မၢကဲကုၢ်ကဘၣ် တၢ်စိာ်မၢကဲကုၢ်ကွံာ်အီၤ, ဒီး ပှၤတဖၣ်လၢ ကဘၣ်တၢ်စံၣ်ညီၣ်ဃါမနၤလၢ ကဘၣ်သံ လၢ တၢ်ဒုးအပူၤန့ၣ်, ကဘၣ်တၢ်မၤသံအီၤလၢ တၢ်ဒုးအပူၤန့ၣ်လီၤ.

လံာ်ယံးရမံယၤ 52:6

နံၣ်တနံၣ်ဃီန့ၣ်, ဖဲလါလွံၢ်လါတလါ, လါထီၣ်ခွံသီတသီအနံၤ န့ၣ်, တၢ်သၣ်ဝံၤလီၤဒိနးမးမၤအသးဒီး တၢ်အီၣ်လၢပှၤဂီၢ်မုၢ် ကအီၣ်တအိၣ်လီၤတဲာ်နီတမံၤလၢၤဘၣ်.

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

လံာ်လူၤကၣ် 21:23

ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.