လံာ်ယံးရမံယၤ 29:11 - Sgaw Karen Common Bible

¹¹ ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်ယံးရမံယၤ 29:11 Iomraidhean Croise

လံာ်စီၤယိၤဘး 23:13

အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.

စံးထီၣ်ပတြၢၤ 33:11

ဘၣ်ဆၣ်ယွၤအတၢ်ကူၣ်ထီၣ်ဖးလီၤတဖၣ် အိၣ်ဂၢၢ်ဆိးကျၢၤလီၤစိၤလီၤထီ ဒီးအတၢ်ပာ်လီၤအသး အိၣ်ဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်ယဃ့းစက့လး 11:16

ခဲကနံၣ်အံၤ, တၢ်လၢယစံးယဲန့ၣ်, စံးဘၣ်တဲဘၣ်ပှၤတဖၣ်လၢအဘၣ် တၢ်စိာ်မၢကဲကုၢ်သကိးဒီးနၤတက့ၢ်. ယမ့ၢ်ပှၤတဂၤလၢအဆှၢလီၤအဝဲသ့ၣ်လၢကလဲၤအိၣ်လဲၤဆိးလၢပှၤ ကလုာ်လၢအယံၤတဖၣ်အကျါ, ဒီးမၤလီၤပြံလီၤပြါအဝဲသ့ၣ်လၢထံဂုၤကီၢ်ဂၤတဖၣ်အပူၤန့ၣ်လီၤ. သနာ်က့, လၢတၢ်ဆၢကတီၢ်ဒ်အံၤအပူၤန့ၣ်, ယကအိၣ်လၢအဝဲသ့ၣ် အသိးအကျါလၢထံကီၢ်တဖၣ်လၢအဝဲသ့ၣ်လဲၤတ့ၢ်လံဝဲအပူၤန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်မံကၤ 4:12

ဘၣ်ဆၣ်ဒီးပှၤကလုာ်တဖၣ်အံၤတသ့ၣ်ညါဝဲ တၢ်အိၣ်လၢယွၤအသးပူၤဘၣ်. အနၢ်တပၢၢ်ဘၣ်ဝဲလၢဘၣ်တၢ်ထၢဖှိၣ်အီၤတပူၤဃီလၢတၢ်စံၣ်ညီၣ် အဂီၢ်ဒ်ဘုကဒိၣ်လၢတၢ်စိာ်အီၤဒ်သိးတၢ်ကယီၢ်လီၤအီၤအသိးန့ၣ်ဘၣ်.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”