လံာ်ယံးရမံယၤ 28:9 - Sgaw Karen Common Bible

⁹ မ့မ့ၢ်, ဝံတဂၤလၢအကတိၤဆိပာ်လၢ တၢ်ဃူတၢ်ဖိးကမၤ အသးအဂ့ၢ်န့ၣ်, တၢ်သ့ၣ်ညါနီၣ်အီၤဒ်အမ့ၢ်ဝံတဂၤလၢ ယွၤမၢလီၤအီၤနီၢ်နီၢ်ကသ့ဝဲ ဖဲဝံအဝဲန့ၣ် အတၢ်ကတိၤဆိပာ်တဖၣ် လၢထီၣ်ပှဲၤထီၣ်ဝဲန့ၣ်လီၤ.”

လံာ်ယံးရမံယၤ 28:9 Iomraidhean Croise

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယံးရမံယၤ 14:13

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, နသ့ၣ်ညါလၢဝံတဖၣ်တဲဘၣ်ပှၤဂီၢ် မုၢ်လၢတၢ်ဒုးတၢ်ယၤဒီးတၢ်သၣ်ဝံၤလီၤဒိတအိၣ်လၢၤဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စံးဝဲ, နအၢၣ်လီၤတ့ၢ်လၢ, သပှၢ်ကတၢၢ်လၢပထံပကီၢ်အပူၤအံၤန့ၣ်, ကအိၣ်ထဲတၢ်ဃူတၢ်ဖိးဧိၤန့ၣ်လီၤ.”

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယံးရမံယၤ 8:11

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. ‘တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယဃ့းစက့လး 33:33

ဘၣ်ဆၣ်တုၤနတၢ်ကတိၤတဖၣ်လၢထီၣ်ပှဲၤထီၣ်ဝဲ, ကလၢထီၣ် ပှဲၤထီၣ်ဝဲသပှၢ်ကတၢၢ်န့ၣ်, အန့ၣ်တစု, အဝဲသ့ၣ်ကသ့ၣ်ညါ ဝဲလၢဝံတဂၤအိၣ်ဝဲလၢအဝဲသ့ၣ်အကျါန့ၣ်လီၤ.”

လံာ်သိၣ်လီၤသီလီၤတၢ် 18:21

ဖဲဝံတဂၤအတၢ်ကစီၣ်တမံၤတဟဲဘၣ်လၢယွၤအအိၣ်ဘၣ်န့ၣ်, သုကအဲၣ်ဒိးသ့ၣ်ညါလၢသုတဲအီၤကသ့ဒ်လဲၣ်န့ၣ်လီၤ.

လံာ်သိၣ်လီၤသီလီၤတၢ် 18:22

ဝံတဂၤမ့ၢ်ကတိၤတၢ်လၢယွၤအမံၤအပူၤဒီးတၢ်လၢအဝဲစံးန့ၣ် မ့ၢ်တလၢထီၣ်ပှဲၤထီၣ်ဘၣ်ဒီး, တၢ်န့ၣ်တမ့ၢ်ဘၣ်ယွၤအတၢ်ကစီၣ်ဘၣ်. ဝံန့ၣ်ကတိၤလံတၢ်လၢအစိ ကမီၤဒၣ်အဖီခိၣ်, ဒီးသုတဘၣ်ပျံၤအီၤန့ၣ်ဘၣ်.