လံာ်ယံးရမံယၤ 28:4 - Sgaw Karen Common Bible

⁴ စီၤယဟိၤယါကံၣ် အဖိခွါ ကီၢ်ယူဒၤအစီၤပၤစီၤယဟိၤယါခံၣ်, ဃုာ်ဒီးကီၢ်ယူဒၤအပှၤဂီၢ်မုၢ်ခဲလၢာ်လၢ အဘၣ်တၢ်စိာ်မၢကဲကုၢ်အီၤဆူ ကီၢ်ဘၤဘူၤလိၣ်အပူၤန့ၣ် ယကဟဲက့ၤစိာ်ကဒါက့ၤစ့ၢ် ကီးအီၤန့ၣ်လီၤ. သပှၢ်ကတၢၢ်, ယကမၤဟးဂီၤကွံာ်ကီၢ်ဘၤဘူၤလိၣ် အစီၤပၤအစိကမီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 28:4 Iomraidhean Croise

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 13:19

ကီၢ်ယူဒၤကလံၤထံးအဝ့ၢ်တဖၣ်ဘၣ်တၢ်ကဝီၤဃာ်အီၤလံ. ပှၤလဲၤခီဂာ်အဝဲသ့ၣ်တသ့နီတဂၤဘၣ်. ကီၢ်ယူဒၤအပှၤဂီၢ်မုၢ် ခဲလၢာ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အပူၤလံန့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယံးရမံယၤ 22:24

ယွၤစံးဘၣ်ကီၢ်ယူဒၤအစီၤပၤစီၤယဟိယါကံၣ်အဖိခွါ စီၤယဟိယါခံၣ်, “ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိး, နမ့မ့ၢ်ဒၣ်လဲာ်တၢ်စဲပနီၣ်အပသံးတဘိလၢယစုထွဲအလိၤန့ၣ်, ယကဘ့ၣ်လီၤကွံာ်နၤ,

လံာ်ယံးရမံယၤ 24:1

ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 28:10

အန့ၣ်ဝံၤဒီး, စီၤဃနၤနယၤဟံးထီၣ်ကွံာ် နီၣ်ယိးဘိလၢ ယကိာ်အလိၤ, မၤကၢ်လီၤကလဲကွံာ်အီၤ ခဲလၢာ်,

လံာ်ယံးရမံယၤ 28:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒ်အံၤ, “ယမၤဟးဂီၤကွံာ် ကီၢ်ဘၤဘူၤလိၣ်အစီၤပၤ အစိကမီၤလံ.

လံာ်ယံးရမံယၤ 29:1

ယကွဲးဃီၤလံာ်ပရၢတဘ့ၣ်ဆူ ပှၤလုၢ်တၢ်အခိၣ်တဖၣ်, ဝံတဖၣ်, ပှၤဂီၢ်မုၢ်အခိၣ်အနၢ်တဖၣ်, ဒီးဆူပှၤအဂုၤအဂၤတဖၣ်လၢ စီၤနဘူၤကးန့စၢ်က့ၤကိးအီၤဒ်ပှၤဘၣ်တၢ်စိာ်မၢကဲကုၢ်အီၤအသိး တဖၣ်, လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အအိၣ်န့ၣ်လီၤ.

လံာ်ယံးရမံယၤ 29:2

ယကွဲးတ့ၢ်အီၤဖဲ စီၤပၤယဟိၤယါခံၣ်, အဝဲအမိၢ်, နူၢ်ဧိၤစီၤဧိၤ အပဒိၣ်ပပှၢ်တဖၣ်, ကီၢ်ယူဒၤဒီးဝ့ၢ်ယရူၤရှလ့ၣ်အခိၣ်အနၢ်တဖၣ်ဒီး ပှၤမၤတၢ်စုသ့ခီၣ်သ့ အတၢ်မၤတဖၣ်, ဒီးပှၤမၤတၢ်ဖိလၢ အသ့လီၤဆီ တဖၣ်, ဘၣ်တၢ်စိာ်မၢကဲကုၢ်အီၤဝံၤ အလီၢ်ခံန့ၣ်လီၤ.

လံာ်ယံးရမံယၤ 30:8

ယွၤသ့တၢ်လၢာ်စံးဝဲဒၣ်, “ဖဲမုၢ်နံၤအဝဲန့ၣ်ဟဲဝဲဒီး, ယကမၤကၢ်ကွံာ်နီၣ်ယိးဘိလၢ အအိၣ်လၢ အဝဲ သ့ၣ်အကိာ်လိၤဒီး သုးကွံာ် အဝဲသ့ၣ်အထးသွဲတဖၣ် ဒီး အဝဲသ့ၣ်တကဲဘၣ်လၢၤပှၤတခီဘီမုၢ် ဖိတဖၣ် အကုၢ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:13

ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”

လံာ်နၤဃူၣ် 1:13

ဒီးခဲကနံၣ်အံၤယကမၤကတၢၢ်ကွံာ်ပှၤအၤၡူၢ်ဖိသ့ၣ်တဖၣ်အစိ အကမီၤလၢသုဖီခိၣ်ဒီးမၤတဲာ်ထးသွဲတဖၣ်လၢအစၢဃာ်သုန့ၣ် လီၤ.”