လံာ်ယံးရမံယၤ 28:15 - Sgaw Karen Common Bible

¹⁵ ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်ယံးရမံယၤ 28:15 Iomraidhean Croise

လံာ်စီၤပၤအခီၣ်ထံးတဘ့ၣ် 22:23

ဒီးစီၤမံၤကါယၤမၤကတၢၢ်အတၢ်ကတိၤစံးဝဲ, “တၢ်အံၤမ့ၢ်တၢ်လၢအမၤတ့ၢ်အသးန့ၣ်လီၤ. ယွၤမၤလိာ်ဒ်သိးနဝံတဖၣ်အံၤကကတိၤလီန့ၢ်နၤလီၤ. ဘၣ်ဆၣ်အဝဲအနီၢ်ကစၢ်ဒၣ်ဝဲခါလီၤတ့ၢ်အကလုၢ်လၢနကထံၣ်ဘၣ်တၢ် တတၢးတနါန့ၣ်လီၤ.”

လံာ်ယံးရမံယၤ 20:6

မ့မ့ၢ်နဲဒၣ်စီၤပၣ်ၡဃူၢ်ဧၢ, နၤဒီးနဒူၣ်ဖိထၢဖိခဲလၢာ်ကဘၣ် တၢ်ဖီၣ်န့ၢ်စ့ၢ်ကီးအီၤဒီးစိာ်ကွံာ်အီၤဆူကီၢ်ဘၤဘူၤလိၣ် န့ၣ်လီၤ. ဖဲန့ၣ်, နကသံဒီးနကဘၣ်တၢ်ခူၣ်လီၤကွံာ်နၤဃုာ်ဒီး နတံၤသကိးခဲလၢာ်လၢနကတိၤလီန့ၢ်အတၢ်အါမးန့ၣ်လီၤ.”

လံာ်ယံးရမံယၤ 23:21

ယွၤစံးဝဲဒၣ်, “ယတမၢလီၤဝံသ့ၣ်တဖၣ်အံၤန့ၣ်ဘၣ်. ဘၣ်ဆၣ်ဒီး, အဝဲသ့ၣ်လဲၤဝဲလီၤ. ယတဟ့ၣ်လီၤအဝဲသ့ၣ်တၢ်ကစီၣ်နီတမံၤဘၣ်. ဘၣ်ဆၣ်ဒီးအဝဲသ့ၣ်ကတိၤဒံးတၢ်လၢယမံၤအပူၤန့ၣ်လီၤ.

လံာ်ယံးရမံယၤ 23:31

ယထီဒါစ့ၢ်ကီးဝံတဖၣ်န့ၣ်လၢအကတိၤအတၢ်ကတိၤဒၣ်ဝဲတဖၣ်ဒီး စံးဝဲလၢအဟဲလၢယအိၣ်န့ၣ်လီၤ.

လံာ်ယံးရမံယၤ 27:15

ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 28:11

ဒီးစံးတၢ်လၢပှၤဂီၢ်မုၢ်ခဲလၢာ်အမဲာ်ညါဒ်အံၤ, “ယွၤစံးတ့ၢ်ဝဲလၢ အအံၤမ့ၢ်အဝဲကမၤကၢ်ကွံာ်နီၣ်ယိးဘိလၢ စီၤပၤနဘူၤကးန့စၢ် ပာ်ထီၣ်တ့ၢ်အီၤလၢ ပှၤကလုာ်ခဲလၢာ် အကိာ်လိၤဒ်လဲၣ် အဂ့ၢ်န့ၣ်လီၤ. အဝဲကမၤတၢ်အံၤ လၢခံနံၣ်အတီၢ်ပူၤန့ၣ်လီၤ.” အန့ၣ်ဝံၤဒီး, ယဟးထီၣ်ကွံာ်လီၤ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 7:8

ကွၢ်ကွၢ်, သုပာ်သုတၢ်နာ်လၢ တၢ်ကတိၤကဘျံးကဘျၣ်တဖၣ် အပူၤလီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 13:6

အဝဲသ့ၣ်အတၢ်ထံၣ်လၢညါခီသ့ၣ်တဖၣ်န့ၣ်မ့ၢ်တၢ်လၢအတ တီဘၣ်ဒီးအတၢ်တဲဆိပာ်တၢ်တဖၣ်န့ၣ်မ့ၢ်တၢ်လီတၢ်ဝ့ၤတဖၣ်လီၤ. အဝဲသ့ၣ်စံးဝဲလၢအကတိၤယတၢ်ကစီၣ်, ဘၣ်ဆၣ်ယတမၢလီၤအဝဲသ့ၣ်ဘၣ်. အန့ၣ်ဒၣ်လဲာ်, အဝဲသ့ၣ်မုၢ်လၢ်ဝဲလၢအတၢ်ကတိၤတဖၣ်ကလၢထီၣ်ပှဲၤ ထီၣ်ဝဲန့ၣ်လီၤ.

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 22:28

ဝံတဖၣ်ပာ်ခူသူၣ်တၢ်ဒဲးဘးတဖၣ်အံၤဒ်ပှၤကညီဖှူဝါထီၣ်က့ၤတၢ် ဒူၣ်တခါအသိးန့ၣ်လီၤ. အဝဲသ့ၣ်ထံၣ်တၢ်ထံၣ်လၢညါခီလၢ အကမၣ်တဖၣ်ဒီးကတိၤဆိတၢ်လၢတမ့ၢ်တတီတဖၣ်န့ၣ်လီၤ. အဝဲသ့ၣ်စံးလီၤအသးလၢအကတိၤတၢ်ကတိၤလၢအဟဲလၢယွၤပၢဘၣ်တၢ် ခဲလၢာ်ကစၢ်အအိၣ်န့ၣ်လီၤ. ဘၣ်ဆၣ်ယၤ, ယွၤအံၤတကတိၤတ့ၢ်ဒီးအဝဲသ့ၣ်န့ၣ်ဘၣ်.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.