လံာ်ယံးရမံယၤ 27:6 - Sgaw Karen Common Bible

⁶ ယမ့ၢ်ပှၤတဂၤလၢ အပာ်လီၤပှၤကလုာ်ခဲလၢာ်အံၤလၢယခ့ယပှၤ ကီၢ်ဘၤ ဘူၤလိၣ်အစီၤပၤနဘူၤကးန့ စၢ်အစိကမီၤအဖီလာ်ဒီးယဒုးမၤဒၣ်လဲာ် ဆၣ်ဖိကီၢ်ဖိအမံၤတဖၣ်လၢ အဝဲအတၢ်မၤန့ၣ်လီၤ.

လံာ်ယံးရမံယၤ 27:6 Iomraidhean Croise

လံာ်စီၤပၤခံဘ့ၣ်တဘ့ၣ် 25:28

စီၤအ့ဝလးမရိဒးမၤဘၣ်အီၤလၢတၢ်သူၣ်ကညီၤသးကညီၤအပူၤ, ဒီးဟ့ၣ်အီၤလၢတၢ်လီၢ်တတီၤလၢအလၤကပီၤဒိၣ်န့ၢ်ဒံး, အဝဲဟ့ၣ်စီၤပၤအဂၤတဖၣ်လၢအအိၣ်လၢတၢ်စိာ်မၢကဲကုၢ်အပူၤဃုာ် ဒီးအီၤလၢကီၢ်ဘၤဘူၤလိၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:23

“တၢ်အံၤမ့ၢ်ကီၢ်ပၤရၣ်အစီၤပၤဖးဒိၣ်ကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲထီၣ်တ့ၢ်ယၤလၢပှၤပၢဘၣ်တၢ်လၢဟီၣ် ခိၣ်ဒီဘ့ၣ်ညါအဖီခိၣ်ဒီးဟ့ၣ်လီၤတ့ၢ်ယၤမူဒါလၢယကဘှီထီၣ်တၢ်လုၢ် ဟံၣ်တဖျၢၣ်လၢအဂီၢ်လၢကီၢ်ယူဒၤ, ဝ့ၢ်ယရူၤရှလ့ၣ်အပူၤန့ၣ်လီၤ. ခဲအံၤ, ကယဲၢ်သုဝဲခဲလၢာ်လၢအမ့ၢ်ကစၢ်ယွၤအပှၤဂီၢ်မုၢ်တဖၣ်, လဲၤသုဝဲဖဲန့ၣ်ဒီးမ်ယွၤသုကစၢ်ယွၤအိၣ်ဒီးသုတက့ၢ်.”

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 22:25

ဒီးဟ့ၣ်လီၤနၤဆူပှၤဂီၢ်မုၢ်လၢနပျံၤအီၤ, ပှၤဂီၢ်မုၢ်လၢအသးအိၣ် မၤသံနၤအစုပူၤန့ၣ်လီၤ. ယကဟ့ၣ်လီၤနၤဆူကီၢ်ဘၤဘူၤလိၣ် အစီၤပၤနဘူၤကးန့စၢ်ဒီးအသုးမုၢ်သံၣ်ဘိတဖၣ်အစုပူၤန့ၣ်လီၤ.

လံာ်ယံးရမံယၤ 24:1

ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 28:14

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢအဝဲ ကပာ်နီၣ်ယိးဘိထးတဘိလၢ ပှၤကလုာ်ခဲလၢာ်အံၤအလိၤ, ဒီး လၢအဝဲသ့ၣ်ကမၤကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်န့ၣ်လီၤ. ယွၤစံးတ့ၢ်ဝဲလၢ အဝဲကမၢဒၣ်လဲာ်ဆၣ်ဖိကီၢ်ဖိအမံၤ တဖၣ်မၤစီၤနဘူၤကးန့စၢ်အတၢ်န့ၣ်လီၤ.”

လံာ်ယံးရမံယၤ 43:10

အန့ၣ်ဝံၤဒီး, တဲဘၣ်အဝဲသ့ၣ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤအံၤ, ယကမၢယခ့ယပှၤ ကီၢ်ဘၤဘူၤလိၣ် အစီၤပၤစီၤနဘူၤကးန့စၢ်ဟဲဆူ တၢ်လီၢ်အံၤဒီး အဝဲကပာ် အလီၢ်ပစိာ် လၢလၢၢ်တဖၣ်လၢ သုဘျၢလီၤတ့ၢ်အီၤအဖီခိၣ်ဒီး ကသလၣ်လီၤ စီၤပၤအဒဲလၢ အဖီခိၣ်န့ၣ်လီၤ.

လံာ်ယံးရမံယၤ 49:30

ဝ့ၢ်ဃါစိၢ်အပှၤဂီၢ်မုၢ်သ့ၣ်ဧၢ, ယၤ, ယွၤအံၤ, ဟ့ၣ်ပလီၢ်သုလၢ သုကဃ့ၢ်ကွံာ်ယံၤယံၤဒီးအိၣ်ခူသူၣ်လီၤ. ကီၢ်ဘၤဘူၤလိၣ်အစီၤပၤနဘူၤကးန့စၢ်ကူၣ်ထီၣ်တ့ၢ် တၢ်အၢထီဒါသုဒီးတၢ်လၢအစံးဝဲန့ၣ်မ့ၢ်ဒ်အံၤလီၤ.

လံာ်ယဃ့းစက့လး 29:12

ယကဒုးကဲထီၣ် ကီၢ်အဲၤကူပတူးလၢထံကီၢ်တဘ့ၣ်လၢအအိၣ် လီၤဃီကတၢၢ်ဟီၣ်ခိၣ်ချၢန့ၣ်လီၤ. လၢအနံၣ်လွံၢ်ဆံအတီၢ်ပူၤ ကီၢ်အဲၤကူပတူးအဝ့ၢ်တဖၣ် ကအိၣ်လၢတၢ်ဟးဂီၤအပူၤ, တၢ်ဟးဂီၤလၢကအၢဒိၣ်န့ၢ်ဒံးဝ့ၢ်အဂၤတဖၣ်တက့ၢ်န့ၣ်လီၤ. ယကဒုးကဲထီၣ် ပှၤအဲၤကူပတူးဖိတဖၣ်လၢပှၤတဖၣ်လၢ အဃ့ၢ်ပူၤဖျဲးအသးဆူထံကီၢ်အဂၤန့ၣ်လီၤ. အဝဲသ့ၣ်ကဃ့ၢ်ကွံာ်ဆူကယဲၢ်ထံကီၢ်တဖၣ်ဒီး ကအိၣ်ဆိးလၢ ပှၤဂီၢ်မုၢ်အဂၤတဖၣ်အကျါန့ၣ်လီၤ.”

လံာ်ယဃ့းစက့လး 30:24

အန့ၣ်ဝံၤဒီးယကမၤဆူၣ်ထီၣ်ကီၢ်ဘၤဘူၤလိၣ်အစီၤပၤအစုဒုၣ်တဖၣ် ဒီးပာ်လီၤယနးလၢအစုပူၤန့ၣ်လီၤ. ဘၣ်ဆၣ်ယကမၤကၢ်ကွံာ်ကီၢ်အဲၤကူပတူးအစီၤပၤအစု ဒုၣ်တဖၣ်ဒီးအဝဲကကအုကစွါဒီးသံကွံာ်လၢအဒုၣ်အဒါတဖၣ် အမဲာ်ညါန့ၣ်လီၤ.

လံာ်ဒၤနံးယ့လး 4:12

အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.