လံာ်ယံးရမံယၤ 27:5 - Sgaw Karen Common Bible

⁵ “လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယံးရမံယၤ 27:5 Iomraidhean Croise

လံာ်တၢ်ကဲထီၣ်အခီၣ်ထံး 1:25

မၤသးဒ်န့ၣ်ဒီးကစၢ်ယွၤတ့လီၤအဝဲသ့ၣ်ခဲလၢာ်ဒီးအဝဲအသးခု သးမုာ်လၢတၢ်လၢအထံၣ်ဘၣ်ဝဲအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:42

ဒီးမ့ၢ်ဟဲလၢကဘူၣ်ထီၣ်ဘါထီၣ်နၤအဂီၢ်ဒီးဘါထုကဖၣ်တၢ်လၢ ယွၤအတၢ်လုၢ်ဟံၣ်အံၤအပူၤန့ၣ်,

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤနဃ့မယၤ 9:22

နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

စံးထီၣ်ပတြၢၤ 102:25

လၢပျၢၤန့ၣ်နတ့ဟီၣ်ခိၣ်ဒီးလၢနစုဒၣ်နဲန့ၣ် နဒုးကဲထီၣ်မူခိၣ်လီၤ.

စံးထီၣ်ပတြၢၤ 96:5

အဂ့ၢ်ဒ်အံၤ, ကယဲၢ်ပှၤကလုာ်တဖၣ်အကစၢ်ခဲလၢာ် မ့ၢ်တၢ်ဂီၤတၢ်ဖီၣ်တဖၣ်ဧိၤန့ၣ်လီၤ. မ့မ့ၢ်ယွၤတ့လီၤမူခိၣ်လီၤ.

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယံးရမံယၤ 27:4

ယွၤသ့တၢ်လၢာ်, အံၣ်စရ့လး အကစၢ်ယွၤ, တဲဘၣ်ယၤလၢ ယကမၤလိာ်အဝဲသ့ၣ်ဒ်သိး အကတဲဘၣ် အစီၤပၤတဖၣ်လၢ ယွၤစံးတ့ၢ်ဝဲဒ်အံၤ,

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ယံးရမံယၤ 51:15

ယွၤတ့လီၤ ဟီၣ်ခိၣ်လၢအစိကမီၤဒၣ်ဝဲလီၤ. လၢအတၢ်ကူၣ်သ့ဒၣ်ဝဲန့ၣ်, အဝဲတ့လီၤပာ်လီၤဟီၣ်ခိၣ်ဒီး သလၣ်ထီၣ်မူခိၣ်အလီၢ်တဖၣ်လီၤ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 17:24

ကစၢ်ယွၤလၢအတ့လီၤပာ်လီၤဟီၣ်ခိၣ်ဒီးတၢ်အိၣ်လၢ အပူၤခဲလၢာ်န့ၣ်, မ့ၢ်မူခိၣ်ဒီးဟီၣ်ခိၣ်အကစၢ်, ဒီးတအိၣ်တဆိးလၢတၢ်လုၢ်ဟံၣ်လၢပှၤကညီဘှီအီၤလၢ အစုပူၤဘၣ်န့ၣ်လီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်သိၣ်လီၤသီလီၤတၢ် 2:21

အဝဲသ့ၣ်အနီၢ်ထီဝဲထဲသိးသိးဒီးပှၤဧနးဖိတဖၣ်န့ၣ်လီၤ. အဝဲသ့ၣ်အိၣ်ဖဲန့ၣ်အါအါဂီၢ်ဂီၢ်ဒီးမ့ၢ်ပှၤဖးဒိၣ်တကလုာ် လီၤ. ဘၣ်ဆၣ်ဒီးယွၤမၤဟးဂီၤကွံာ်အဝဲသ့ၣ်ဒီးလၢတၢ်န့ၣ်အဃိ, ပှၤဧၣ်မိၣ်ဖိတဖၣ်, ဟံးန့ၢ်ကွံာ်အဝဲသ့ၣ်အကီၢ်ဒီးနုာ်လီၤအိၣ် ဆိးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.

လံာ်သိၣ်လီၤသီလီၤတၢ် 4:17

ဆၣ်ဖိကီၢ်ဖိမ့ၢ်ဂ့ၤ, ထိၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 4:32

ဃုကွၢ်တၢ်မၤအသးလၢအလဲၤပူၤကွံာ်, တချုးဒံးဘၣ်လၢသုအိၣ်ဖျဲၣ်ထီၣ်ဒံးအကတီၢ်ဘၣ်, ဃုကွၢ်ကဒါက့ၤအီၤတုၤဆူတၢ်ဆၢကတီၢ်, ဖဲကစၢ်ယွၤတ့လီၤပှၤကညီလၢဟီၣ်ခိၣ်ချၢန့ၣ်တက့ၢ်. ဃုကွၢ်ဟီၣ်ခိၣ်ဒီဘ့ၣ်ညါတက့ၢ်. မ့ၢ်တၢ်အဒိၣ်အမုၢ်ထဲသိးအံၤတမံၤမံၤမၤတ့ၢ်အသးလၢညါတဘျီ ဘျီဧါ. မ့ၢ်ပှၤတဂၤဂၤနၢ်ဟူဘၣ်တ့ၢ်တၢ်ဒ်သိးအံၤတမံၤမံၤန့ၣ်တစုစု ဧါ.

လံာ်သိၣ်လီၤသီလီၤတၢ် 4:35

ယွၤဒုးနဲၣ်တ့ၢ်တၢ်အံၤမ့ၢ်ဒ်သိးကအုၣ်အသးလၢသုမဲာ်ညါလၢထဲ အဝဲတဂၤဧိၤမ့ၢ်ကစၢ်ယွၤဒီးကစၢ်အဂၤတအိၣ်ဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 9:29

နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.

ကလီးစဲ 1:16

ခီဖျိခရံာ်န့ၣ်ယွၤတ့လီၤတၢ်ခဲလၢာ်လၢအအိၣ်လၢမူခိၣ်ဒီးလၢ ဟီၣ်ခိၣ်, တၢ်လၢပထံၣ်အီၤသ့ဒီးတၢ်လၢပထံၣ်အီၤတသ့ဘၣ် တဖၣ်အိၣ်ဃုာ်ဒီးတၢ်စိတၢ်ကမီၤဘၣ်ဃးဒီးသူၣ်ဒီးသးတဖၣ်, ကစၢ်တဖၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်န့ၣ်လီၤ. ယွၤတ့လီၤတၢ်ခဲလၢာ်ခီဖျိခရံာ်ဒီးလၢခရံာ်အဂီၢ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

လံာ်လီၣ်ဖျါ 4:11

“ပကစၢ်ဒီးကစၢ်ယွၤဧၢ, နကြၢးဝဲဘၣ်ဝဲ လၢနကဒိးန့ၢ်ဘၣ်တၢ်လၤကပီၤ, တၢ်ယူးယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤပာ်လီၤတၢ်ခဲလၢာ်, ဒီးလၢနတၢ်ဘၣ်နသးအဃိ အဝဲသ့ၣ်ဘၣ်တၢ်ဟ့ၣ်အီၤ တၢ်အိၣ်မူဒီးတၢ်မူန့ၣ်လီၤ.”