လံာ်ယံးရမံယၤ 27:22 - Sgaw Karen Common Bible

²² တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 27:22 Iomraidhean Croise

လံာ်စီၤပၤခံဘ့ၣ်တဘ့ၣ် 25:13

ပှၤဘၤဘူၤလိၣ်ဖိတဖၣ်မၤကၢ်လီၤကလဲကွံာ်ထူၣ်တိၢ်ဘီတဖၣ်, ဒီးလ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်အပူၤ, ဃုာ်ဒီးထံဒၢတိၢ်ဘီဖးဒိၣ်, ဒီးအဝဲသ့ၣ်က့ၤစိာ်တိၢ်ဘီခဲ လၢာ်ဆူဝ့ၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်စီၤဧ့စြၤ 1:11

တၢ်အဃၢၤအဃိၢ်ခဲလၢာ်လၢထူဒီးစ့န့ၣ်မ့ၢ်ဝဲယဲၢ်ကထိလွံၢ် ကယၤဒီးတၢ်အဂုၤအဂၤလၢစီၤၡ့ၡဘးစၢ်ဟဲက့ၤစိာ်ဝဲဖဲအဝဲဒီး ပှၤဘၣ်တၢ်စိာ်မၢကဲကုၢ်အဂၤတဖၣ်ဟးထီၣ်လၢကီၢ်ဘၤဘူၤလိၣ်ဒီး ဟဲက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 7:19

နကဘၣ်ဟ့ၣ်ကယဲၢ်တၢ်အဃၢၤအဃိၢ်လၢတၢ်ဟ့ၣ်လီၤနၤဆူကစၢ် ယွၤဒ်သိးကဘၣ်တၢ်သူအီၤလၢတၢ်လုၢ်ဟံၣ်အတၢ်ဖံးတၢ်မၤတဖၣ် အဂီၢ်လၢဝ့ၢ်ယရူၤၡလ့ၣ်အပူၤန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်ယံးရမံယၤ 27:21

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတၢ်ဘၣ်ဃးတၢ်လုၢ်ဒိၣ်ပှ့ၤဒိၣ်တဖၣ်လၢ အဘၣ်တၢ်ပာ်လီၤတဲာ် အီၤလၢ ယွၤအတၢ်လုၢ်ဟံၣ်အပူၤဒီး စီၤပၤအနူၢ်ပူၤလၢဝ့ၢ်ယရူၤရှလ့ၣ် အပူၤအဂ့ၢ်န့ၣ်တက့ၢ်.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 32:5

စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ် ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 34:2

ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 34:5

နကသံဘၣ် မုာ်မုာ်ခုၣ်ခုၣ်ဒီး ဒ်ပှၤဂီၢ်မုၢ်ဆိၣ်ကဲၤ တၢ်နၢမူဖဲ အဝဲသ့ၣ် ခူၣ်လီၤကွံာ်ပၢ်ဖးဒိၣ်လၢပျၢၤ တဖၣ်ပှၤတဖၣ်လၢ အမ့ၢ်တ့ၢ်စီၤပၤ တဖၣ်လၢနမဲာ် ညါအသိးန့ၣ်, အဝဲသ့ၣ်ကဆိၣ်ကဲၤတၢ်နၢမူလၢ နဂီၢ် လၢကျဲဒ်န့ၣ်အသိးစ့ၢ်ကီးလီၤ. အဝဲသ့ၣ်ကဟီၣ်တၢ်ယၢၤ တၢ်လၢနဃိဒီး စံးဝဲလၢ ပစီၤပၤအံၤသံလံ, န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.