လံာ်ယံးရမံယၤ 27:20 - Sgaw Karen Common Bible

²⁰ ဖဲစီၤပၤနဘူၤကးန့စၢ်က့ၤကိးကွံာ်စီၤယဟိၤယါကံၣ်အဖိခွါ, ကီၢ်ယူဒၤအစီၤပၤ စီၤယဟိၤယါခံၣ်ဒီး ကီၢ်ယူဒၤဒီးဝ့ၢ်ယရူၤရှလ့ၣ် အပှၤခိၣ်ပှၤနၢ်တဖၣ် ဆူကီၢ်ဘၤဘူၤလိၣ်အခါန့ၣ်, အဝဲတက့ၤစိာ် ဘၣ်တၢ်တဖၣ်န့ၣ်ဘၣ်.)

လံာ်ယံးရမံယၤ 27:20 Iomraidhean Croise

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်ယၡါယၤ 34:12

စီၤပၤလၢကပၢထံကီၢ်န့ၣ်တအိၣ်ဘၣ်နီတဂၤဘၣ်, ဒီးပှၤခိၣ်ပှၤနၢ်တဖၣ်ကသံကွံာ်ခဲလၢာ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 24:1

ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)

လံာ်ယံးရမံယၤ 27:21

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတၢ်ဘၣ်ဃးတၢ်လုၢ်ဒိၣ်ပှ့ၤဒိၣ်တဖၣ်လၢ အဘၣ်တၢ်ပာ်လီၤတဲာ် အီၤလၢ ယွၤအတၢ်လုၢ်ဟံၣ်အပူၤဒီး စီၤပၤအနူၢ်ပူၤလၢဝ့ၢ်ယရူၤရှလ့ၣ် အပူၤအဂ့ၢ်န့ၣ်တက့ၢ်.

လံာ်ယံးရမံယၤ 29:2

ယကွဲးတ့ၢ်အီၤဖဲ စီၤပၤယဟိၤယါခံၣ်, အဝဲအမိၢ်, နူၢ်ဧိၤစီၤဧိၤ အပဒိၣ်ပပှၢ်တဖၣ်, ကီၢ်ယူဒၤဒီးဝ့ၢ်ယရူၤရှလ့ၣ်အခိၣ်အနၢ်တဖၣ်ဒီး ပှၤမၤတၢ်စုသ့ခီၣ်သ့ အတၢ်မၤတဖၣ်, ဒီးပှၤမၤတၢ်ဖိလၢ အသ့လီၤဆီ တဖၣ်, ဘၣ်တၢ်စိာ်မၢကဲကုၢ်အီၤဝံၤ အလီၢ်ခံန့ၣ်လီၤ.

လံာ်ယံးရမံယၤ 35:1

ဖဲစီၤပၤယိၤၡံယၤ အဖိခွါ စီၤယဟိၤယါကံၣ်ကဲစီၤပၤ လၢကီၢ်ယူဒၤန့ၣ်, ယွၤစံးဘၣ်ယၤ,

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်မးသဲ 1:12

စးထီၣ်လၢတၢ်စိာ်မၢကဲကုၢ်လၢဘၤဘူၤလိၣ်ဝံၤအလီၢ်ခံတုၤ ယ့ၣ်ၡူးခရံာ်ဟဲအိၣ်ဖျဲၣ်ထီၣ်အဆၢကတီၢ်န့ၣ်, တၢ်ဟဲလီၤစၢၤ တဆီဘၣ်တဆီဘၣ်တၢ်ယၢၤထီၣ်အီၤဒ်အံၤလီၤ. စီၤယံးကၤနံယၤ, စီၤၡၤလတံၤအ့လး, စီၤစရူဘၤဘ့လး, စီၤအဘံဟူာ်, စီၤအ့ၤလယါကံၣ်, စီၤဧၤစၢ်, စီၤစၤဒိး, စီၤအါဃံၣ်, စီၤအ့းလံအူာ်, စီၤအလၤဧစၢ်, စီၤမးသၣ်, စီၤယၤကိာ်, စီၤယိၤသးလၢအဒိးတ့ဒိးဖျီအသးဒီးနီၢ်မၤရံလၢအဆံးစၢ်န့ၢ်ယ့ၣ်ၡူး, လၢအဘၣ်တၢ်ကိးအီၤလၢခရံာ်, ပှၤလၢယွၤဃုထၢအီၤတဂၤန့ၣ်လီၤ.

လံာ်မးသဲ 1:17

စးထီၣ်လၢစီၤအၤဘြၤဟၣ်တုၤလီၤလၢစီၤဒၤဝံးန့ၣ် တၢ်ဟဲလီၤစၢၤအိၣ်တဆံလွံၢ်စိၤ, ဒီးစီၤဒၤဝံးတုၤလီၤလၢတၢ် စိာ်မၢကဲကုၢ်ဆူဘၤဘူၤလိၣ်အဆၢကတီၢ်န့ၣ်အိၣ်ဝဲတဆံလွံၢ်စိၤ ဒီးစးထီၣ်လၢတၢ်စိာ်မၢကဲကုၢ်တုၤလၢ ယ့ၣ်ၡူးခရံာ်အိၣ်ဖျဲၣ်ထီၣ်န့ၣ်အိၣ်တဆံလွံၢ်စိၤလီၤ.