လံာ်ယံးရမံယၤ 27:19 - Sgaw Karen Common Bible

¹⁹ (မ့ၢ်လၢ ယွၤစံးတ့ၢ်ဝဲလၢ, ထူၣ်တဖၣ်, ထံဒၢတိၢ်ဖးဒိၣ်, လ့ၣ်တဖၣ် ဒီးယွၤအတၢ်လုၢ်ဟံၣ် အတၢ်လုၢ်ဒိၣ်ပှ့ၤဒိၣ် အဂၤတနီၤကဘၣ်တၢ် ပာ်တ့ၢ်အီၤဖဲဝ့ၢ်ပူၤအဃိ,

လံာ်ယံးရမံယၤ 27:19 Iomraidhean Croise

လံာ်စီၤပၤအခီၣ်ထံးတဘ့ၣ် 7:23

စီၤဃူရၣ်အဘံမၤန့ၢ်ထံဒၢတိၢ်ဘီဖးဒိၣ်ဖျၢၣ်သလၢၣ်တဖျၢၣ်လၢ အယိာ်အိၣ်ဝဲယဲၢ်ပျၢ်, အဒိၣ်တူာ်အိၣ်ဝဲအပျၢ်တဆံ, ဒီးအခိၣ်ထိးဝးတရံးအတၢ်ထိၣ်အိၣ်ဝဲအပျၢ်သၢဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:27

စီၤဃူရံၣ်အဘံမၤစ့ၢ်ကီးဝဲလ့ၣ်အဆိတဆံလၢတိၢ်ဘီလၢတဆိ စုာ်စုာ်အထီမ့ၢ်ဝဲလွံၢ်ပျၢ်, အဒီၣ်ဃီၤမ့ၢ်ဝဲလွံၢ်ပျၢ်ဒီးအကစီၤထီၣ်မ့ၢ်ဝဲ သၢပျၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:13

ပှၤဘၤဘူၤလိၣ်ဖိတဖၣ်မၤကၢ်လီၤကလဲကွံာ်ထူၣ်တိၢ်ဘီတဖၣ်, ဒီးလ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်အပူၤ, ဃုာ်ဒီးထံဒၢတိၢ်ဘီဖးဒိၣ်, ဒီးအဝဲသ့ၣ်က့ၤစိာ်တိၢ်ဘီခဲ လၢာ်ဆူဝ့ၢ်ဘၤဘူၤလိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:17

ထူၣ်ခံထူၣ်န့ၣ်လီၤဂာ်လိာ်အသးလီၤ. တထူၣ်စုာ်စုာ်န့ၣ်အထီ အိၣ်ဝဲတဆံဃိးပျၢ်အိၣ်ဒီးတိၢ်ဘီအခိၣ်ထိးတခါလၢအထိးနါ, လၢအထီဝဲသၢပျၢ်န့ၣ်လီၤ. ဝးတရံးတၢ်အခိၣ်ထိးတခါစုာ်စုာ် အလိၤန့ၣ်, တိၢ်ဘီအတၢ်ထ့ဃ့အသးလၢအဘၣ်တၢ်ကယၢကယဲ အီၤဒီးတိၢ်ဘီသလဲသၣ်တဖၣ်အိၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.