လံာ်ယံးရမံယၤ 27:17 - Sgaw Karen Common Bible

¹⁷ ဒိကနၣ်အဝဲသ့ၣ်တဂ့ၤ. ဆီၣ်လီၤသုသးလၢ ကီၢ်ဘၤဘူၤလိၣ် အစီၤပၤအဖီလာ်ဒီး သုကမူလီၤ. ဘၣ်မနုၤအဃိ ဝ့ၢ်အံၤကဘၣ် ကဲထီၣ်တၢ်ဟးဂီၤတဖၣ်အပူၣ်တပူၣ်န့ၣ်လဲၣ်.

လံာ်ယံးရမံယၤ 27:17 Iomraidhean Croise

လံာ်ယံးရမံယၤ 38:17

အန့ၣ်ဒီး ယတဲဘၣ်စီၤစံးဒကံယၤလၢ, ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒ်အံၤ, “နမ့ၢ်ဟ့ၣ်လီၤနသးဆူ ကီၢ်ဘၤဘူၤလိၣ် အစီၤပၤအပဒိၣ်ပပှၢ်တဖၣ်အစုပူၤဒီၤ, နသးသမူကပူၤဝဲဒီး ဝ့ၢ်အံၤတဘၣ်တၢ်ဒွဲၣ်အူ ထီၣ်ကွံာ်အီၤဘၣ်. နၤဒီးနဟံၣ်ဖိဃီဖိကပူၤဝဲလီၤ.

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 42:11

ဆိတ့ၢ်လၢ သုတၢ်ပျံၤဘၣ် ကီၢ်ဘၤဘူၤလိၣ်အစီၤပၤန့ၣ် တက့ၢ်. ယအိၣ်ဒီးသုဒီး ယကမၤပူၤဖျဲးသုလၢအဝဲအတၢ် စိကမီၤအပူၤန့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.