လံာ်ယံးရမံယၤ 27:16 - Sgaw Karen Common Bible

¹⁶ အန့ၣ်ဝံၤဒီး, ယတဲဘၣ်ပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်လၢ တၢ်လၢယွၤစံးတ့ၢ်ဝဲဒ်အံၤ, “ဒိကနၣ်ဝံတဖၣ်လၢ, အစံးဘၣ် သုလၢတယံာ်လၢၤဘၣ်န့ၣ် ယွၤအတၢ်လုၢ်ဟံၣ် အတၢ်လုၢ်ဒိၣ် ပှ့ၤဒိၣ်တဖၣ် ကဘၣ်တၢ်ဟဲက့ၤစိာ်ကဒါက့ၤအီၤလၢကီၢ်ဘၤဘူၤ လိၣ်လီၤ, အကလုၢ်န့ၣ်တဂ့ၤ. အဝဲသ့ၣ်လီန့ၢ်ဒၣ်သုလီၤ.

လံာ်ယံးရမံယၤ 27:16 Iomraidhean Croise

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်ယံးရမံယၤ 27:10

အဝဲသ့ၣ်လီန့ၢ်သုဒီး ကဒုးလီၤဘၣ်သုလၢ တၢ်စိာ်ထီၣ်ကွံာ်သုဆူ တၢ်လီၢ်လၢ အယံၤဒီး သုထံသုကီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်သုဒီး သုကဘၣ်တၢ်မၤဟးဂီၤကွံာ်သုန့ၣ်လီၤ.

လံာ်ယံးရမံယၤ 27:14

ဒိကနၣ်ဝံတဖၣ်လၢ အတဲဘၣ်သုလၢ သုတဟ့ၣ်လီၤသုသးလၢ အဝဲအစုပူၤတဂ့ၤ, အကလုၢ်န့ၣ်တဂ့ၤ. အဝဲသ့ၣ်လီန့ၢ်သုလီၤ.

လံာ်ယံးရမံယၤ 28:3

လၢခံနံၣ်အတီၢ်ပူၤန့ၣ်, ယကဟဲက့ၤစိာ်ကဒါက့ၤ ယွၤအတၢ်လုၢ်ဟံၣ် အတၢ်လုၢ်ဒိၣ်ပှ့ၤဒိၣ်ခဲလၢာ်လၢ စီၤပၤနဘူၤကးန့စၢ် က့ၤစိာ်ကွံာ်ဆူ ကီၢ်ဘၤဘူၤလိၣ်န့ၣ်ဆူတၢ်လီၢ်အံၤလီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.