လံာ်ယံးရမံယၤ 27:15 - Sgaw Karen Common Bible

¹⁵ ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 27:15 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:16

စီၤအမၤစယါမၤတံာ်တာ်ကွံာ်ဝံအတၢ်ကတိၤဒီးစံးဝဲ, “ပဒုးကဲထီၣ်နၤလၢပှၤဟ့ၣ်ကူၣ်စီၤပၤန့ၣ်, စးထီၣ်အခါဖဲလဲၣ်. ဆိကတီၢ်ကတိၤတၢ်တက့ၢ်. မ့တမ့ၢ်ယကမၢပှၤမၤသံဘၣ်နၤလီၤ.” တချုးလၢဝံဆိကတီၢ်ကွံာ်အတၢ်ကတိၤန့ၣ်, ဝံစံးဝဲဒၣ်, “ခဲအံၤယသ့ၣ်ညါလၢကစၢ်ယွၤပာ်လီၤလံအသးလၢ ကမၤဟးဂီၤကွံာ်နၤ, မ့ၢ်လၢနမၤတ့ၢ်ကယဲၢ်တၢ်ခဲလၢာ်အံၤဒီးတပာ်ကဲဘၣ်ယတၢ်ဟ့ၣ်ကူၣ် အဃိန့ၣ်လီၤ.”

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 20:6

မ့မ့ၢ်နဲဒၣ်စီၤပၣ်ၡဃူၢ်ဧၢ, နၤဒီးနဒူၣ်ဖိထၢဖိခဲလၢာ်ကဘၣ် တၢ်ဖီၣ်န့ၢ်စ့ၢ်ကီးအီၤဒီးစိာ်ကွံာ်အီၤဆူကီၢ်ဘၤဘူၤလိၣ် န့ၣ်လီၤ. ဖဲန့ၣ်, နကသံဒီးနကဘၣ်တၢ်ခူၣ်လီၤကွံာ်နၤဃုာ်ဒီး နတံၤသကိးခဲလၢာ်လၢနကတိၤလီန့ၢ်အတၢ်အါမးန့ၣ်လီၤ.”

လံာ်ယံးရမံယၤ 23:15

သတးဒီးတၢ်အံၤမ့ၢ်ယၤ, ယွၤသ့တၢ်လၢာ်, စံးတၢ်ဘၣ်ဃး ဝ့ၢ်ယရူၤၡလ့ၣ်အဝံတဖၣ်အဂ့ၢ်န့ၣ်လီၤ. ယကဟ့ၣ်အဝဲသ့ၣ်တၢ်မုၢ်တၢ်ဘိအခၣ်တဖၣ်လၢကအီၣ် ဝဲဒီးစုၣ်လၢကအီဝဲအဂီၢ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ရၤလီၤတၢ်တယူးယီၣ်ယွၤလၢထံ ကီၢ်ဒီဘ့ၣ်ညါအဃိန့ၣ်လီၤ.”

လံာ်ယံးရမံယၤ 23:21

ယွၤစံးဝဲဒၣ်, “ယတမၢလီၤဝံသ့ၣ်တဖၣ်အံၤန့ၣ်ဘၣ်. ဘၣ်ဆၣ်ဒီး, အဝဲသ့ၣ်လဲၤဝဲလီၤ. ယတဟ့ၣ်လီၤအဝဲသ့ၣ်တၢ်ကစီၣ်နီတမံၤဘၣ်. ဘၣ်ဆၣ်ဒီးအဝဲသ့ၣ်ကတိၤဒံးတၢ်လၢယမံၤအပူၤန့ၣ်လီၤ.

လံာ်ယံးရမံယၤ 23:25

တၢ်လၢဝံတဖၣ်လၢအကတိၤလီတၢ်လၢယမံၤအပူၤစံးတ့ၢ်ဝဲန့ၣ်, ယသ့ၣ်ညါယဲလီၤ. အဝဲသ့ၣ်စံးဝဲလၢယဟ့ၣ်အီၤယတၢ်ကစီၣ် တဖၣ်လၢအတၢ်မံမီၢ်အပူၤန့ၣ်လီၤ.

လံာ်ယံးရမံယၤ 27:10

အဝဲသ့ၣ်လီန့ၢ်သုဒီး ကဒုးလီၤဘၣ်သုလၢ တၢ်စိာ်ထီၣ်ကွံာ်သုဆူ တၢ်လီၢ်လၢ အယံၤဒီး သုထံသုကီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်သုဒီး သုကဘၣ်တၢ်မၤဟးဂီၤကွံာ်သုန့ၣ်လီၤ.

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 29:9

အဝဲသ့ၣ်တဲဘၣ်သုတၢ်လီတၢ်ဝ့ၤတဖၣ်လၢ ယမံၤအပူၤန့ၣ်လီၤ. ယတမၢလီၤဘၣ်အဝဲသ့ၣ်ဘၣ်. ယၤ, ယွၤသ့တၢ်လၢာ်အံၤ, ကတိၤလံတၢ်လံ.’

လံာ်ယံးရမံယၤ 38:22

လၢတၢ်ထံၣ်လၢညါ ခီအံၤအပူၤန့ၣ်, ယထံၣ်ဘၣ် လၢပိာ်မုၣ်တဖၣ် လၢအအိၣ်တီၢ်လၢ ကီၢ်ယူဒၤ အစီၤပၤအနူၢ်ပူၤန့ၣ် ဘၣ်တၢ်ဆှၢထီၣ်အီၤဆူကီၢ် ဘၤဘူၤလိၣ်အစီၤပၤ အပဒိၣ်ပပှၢ်တဖၣ် အအိၣ်န့ၣ်လီၤ. ဒီးဖဲအဝဲသ့ၣ်လဲၤတၢ်အခါ စံးကတိၤတၢ်မနုၤလဲၣ်န့ၣ်, ဒိကနၣ်တက့ၢ်. စီၤပၤအတံၤသကိး အဂ့ၤကတၢၢ်တဖၣ်ဆှၢကမၣ်အီၤ, အဝဲသ့ၣ်ထီဒါကွံာ်အဝဲအတၢ်စံၣ်ညီၣ်လံ. ဒီးခဲအံၤ, ဖဲအဝဲအခီၣ်လီၤဘျၢကွံာ်လၢ ကပံာ်အကျါန့ၣ်, အတံၤသကိးတဖၣ် ဟးသဒၣ်ကွံာ်အီၤလံ”

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.