လံာ်ယံးရမံယၤ 27:13 - Sgaw Karen Common Bible

¹³ ဘၣ်မနုၤအဃိ နဲဒၣ်ဒီးနပှၤဂီၢ်မုၢ် ဘၣ်သံလၢ တၢ်ဒုးတၢ်ယၤအပူၤမ့ၢ်ဂ့ၤ, လၢတၢ်သၣ်ဝံၤလီၤဒိအဃိမ့ၢ်ဂ့ၤ, လၢတၢ်ဆူးတၢ်ဆါ အဃိမ့ၢ်ဂ့ၤန့ၣ်လဲၣ်. တၢ်န့ၣ်မ့ၢ်တၢ်လၢယွၤစံးတ့ၢ်ဝဲလၢ အကမၤအသးဒီး ပှၤတကလုာ်ဂ့ၤတကလုာ်ဂ့ၤလၢ အတဆီၣ်လီၤ ဘၣ်အသးလၢ ကီၢ်ဘၤဘူၤလိၣ်အစီၤပၤအဖီလာ်န့ၣ်လီၤ.

လံာ်ယံးရမံယၤ 27:13 Iomraidhean Croise

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 38:2

ယွၤစံးတ့ၢ်ဝဲဒၣ်, “မတၤဂ့ၤမတၤဂ့ၤလၢ အအိၣ်ဆိးလၢ ဝ့ၢ်အံၤအပူၤန့ၣ် ကသံလၢတၢ်ဒုးအပူၤ မ့တမ့ၢ်, လၢ တၢ်သၣ်ဝံၤလီၤဒိအဃိ မ့တမ့ၢ်, လၢတၢ်ဆူးတၢ်ဆါအဃိန့ၣ်လီၤ. ဘၣ်ဆၣ်ဒီး မတၤဂ့ၤမတၤဂ့ၤလၢ အဟးထီၣ်ဒီး ဟ့ၣ်လီၤအသးဆူ ပှၤဘၤဘူၤလိၣ်ဖိ အစုပူၤန့ၣ် တဘၣ်တၢ်မၤသံကွံာ်ဘၣ်. အစှၤကတၢၢ်အသးသမူ ကပူၤဖျဲးဝဲလီၤ.”

လံာ်ယံးရမံယၤ 38:20

ယစံးယဲ, “နတဘၣ်တၢ်ဟ့ၣ်လီၤကွံာ် နၤဆူအဝဲသ့ၣ်အစုပူၤဘၣ်. ယဃ့ကညးနၤလၢ နကစူၢ်ယွၤအတၢ်ကစီၣ်န့ၣ်လီၤ. အန့ၣ်ဒီး, တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ နဂီၢ်, ဒီးနသးသမူကပူၤဝဲလီၤ.

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.