လံာ်ယံးရမံယၤ 26:8 - Sgaw Karen Common Bible

⁸ ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယံးရမံယၤ 26:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 32:3

စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယံးရမံယၤ 43:1

ယတဲဘၣ် ပှၤဂီၢ်မုၢ်တၢ်ကိးမံၤဒဲးလၢယွၤအဝဲသ့ၣ် အကစၢ်ယွၤ မၢလီၤယၤလၢယကတဲဘၣ်အဝဲသ့ၣ်န့ၣ်ဝံၤလံ.

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်မးသဲ 22:6

မ့မ့ၢ်, ပှၤအိၣ်လီၤတဲာ်အဂၤတဖၣ်န့ၣ်, ဟံးဃာ်စီၤပၤအံၤအခ့အပှၤလၢအလဲၤကိးအီၤတဖၣ်, မၤမဲာ်ဆှးအဝဲသ့ၣ်ခီဖျိအဒိအီၤ တီၢ်အီၤဒီးမၤသံကွံာ်အဝဲသ့ၣ်န့ၣ်လီၤ.

လံာ်မးသဲ 27:20

ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ် တဖၣ်လွဲကညးန့ၢ်ပှၤဂီၢ်မုၢ်တဖၣ်လၢအကဃ့စီၤပံၤလး, ဒ်သိးအကပျၢ်န့ၢ်အဝဲသ့ၣ်လၢစီၤဘၤရးဘါဒီးမၤသံကွံာ် ယ့ၣ်ၡူးအဂီၢ်န့ၣ်လီၤ.

မၤတၢ် 5:33

တုၤကီၣ်ကးတဖုနၢ်ဟူတၢ်အံၤဒီး, အသးဒိၣ်ထီၣ်နးနးကလဲာ်တုၤဒၣ်လဲာ်အဲၣ်ဒိးမၤသံကွံာ်ပှၤတၢ် မၢဖိတဖၣ်န့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

လံာ်လီၣ်ဖျါ 18:24

ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.