လံာ်ယံးရမံယၤ 26:20 - Sgaw Karen Common Bible

²⁰ (ပှၤအိၣ်ဒံးဝဲ အဂၤတဂၤ, လၢအမ့ၢ်ဝဲ စီၤၡမါယၤလၢ ကံးရယး ယဧၤရံၣ်အပူၤ အဖိခွါ စီၤအူၤရံယၤ, လၢအ ကတိၤတ့ၢ်တၢ်လၢ ယွၤအမံၤအပူၤထီဒါ ဝ့ၢ်အံၤဒီးပှၤ ုကလုာ်အံၤ ဒ်သိးဒၣ်စီၤယံးရမံၤယၤ မၤတ့ၢ်ဝဲခဲအံၤန့ၣ်လီၤ.

လံာ်ယံးရမံယၤ 26:20 Iomraidhean Croise

လံာ်စီၤပၤအခီၣ်ထံးတဘ့ၣ် 18:10

လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ အဝဲအထံကီၢ်အပူၤန့ၣ်, စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး, လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:37

ပိာ်ထွဲထီၣ်အပၢ်လၢပျၢၤတဖၣ်အဒိအတဲာ်အခံန့ၣ်, စီၤယဟိၤယါကံၣ်မၤတ့ၢ်တၢ်ဒဲးဘးထီဒါယွၤန့ၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 36:19

အန့ၣ်ဒီး အဝဲသ့ၣ်စံးဘၣ်အီၤ, “နၤဒီးစီၤယံးရမံၤယၤ ကဘၣ်လဲၤဒီး အိၣ်ခူသူၣ်လီၤ. သုအိၣ်ဖဲလဲၣ်န့ၣ်, တဘၣ်ဒုးသ့ၣ်ညါပှၤနီတဂၤတဂ့ၤ.”

လံာ်စီၤယိၤၡူ 15:60

အိၣ်ဒီးကံးရယးဘဧၤလး (မ့တမ့ၢ်ကံးရယးယဧၤရံၣ်) ဒီးရးဘးန့ၣ်လီၤ. မ့ၢ်ဝ့ၢ်ခံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 18:14

ဝံၤဒီးကီၢ်ဆၢန့ၣ်လဲၤဆူအဂၤတကျိၤဒၣ်, စးထီၣ်လၢကစၢၢ်အံၤ အမုၢ်နုာ်တကပၤဒီးလီၤဆူကလံၤထံးဒီးလဲၤဆူ ဝ့ၢ်ကံးရယးဘဧၤလး (မ့တမ့ၢ်ကီၢ်ကံးရယးယဧၤရံၣ်) လၢအဘၣ်ဃးဒီးယူဒၤအဒူၣ်လီၤ. အဝဲအံၤမ့ၢ်မုၢ်နုာ်အကီၢ်ဆၢန့ၣ်လီၤ.

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:21

အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ် ဆူပှၤဂီၢ်မုၢ်အိၣ်လၢဝ့ၢ်ကံးရယးယဧၤရံၣ်အပူၤလၢအကစံးဝဲ, “ပှၤဖလ့ၡသးဖိတဖၣ်ဆှၢကဒါက့ၤ ယွၤအတၢ်အၢၣ်လီၤအီလီၤအတလါစီဆှံလံ. ဟဲဒီးဟံးန့ၢ်အီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:2

ယွၤအတၢ်အၢၣ်လီၤအီလီၤအတလါစီဆှံအိၣ်ဝဲလၢဝ့ၢ်ကံးရယးယဧၤ ရံၣ်ဖးယံာ်ညါတုၤလၢအနံၣ်ခံဆံန့ၣ်လီၤ. လၢအကတီၢ်ဖဲအံၤအပူၤအတ့ၤန့ၣ်ပှၤအံၣ်စရ့လးဖိတဖၣ် ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်လီၤ.