လံာ်ယံးရမံယၤ 26:2 - Sgaw Karen Common Bible

² ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယံးရမံယၤ 26:2 Iomraidhean Croise

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 19:14

တုၤနုၤတစုယဟးထီၣ်လၢတိဖ့း, တၢ်လီၢ်ဖဲယွၤမၢတ့ၢ်ယၤလၢ ယကလဲၤစံးဘၣ်တဲဘၣ်အတၢ်ကစီၣ်အဂီၢ်လီၤ. ယလဲၤဒီး ဆၢထၢၣ်လၢယွၤအတၢ်လုၢ်ဟံၣ်အဂၢၤအပူၤဒီးတဲဘၣ်ပှၤဂီၢ်မုၢ် ခဲလၢာ်လၢ,

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 25:2

ယစံးဘၣ်ပှၤဂီၢ်မုၢ်လၢ အအိၣ်လၢ ကီၢ်ယူဒၤဒီးဝ့ၢ်ယရူၤရှလ့ၣ်ခဲလၢာ်,

လံာ်ယံးရမံယၤ 28:5

ဝံၤဒီး, လၢပှၤလုၢ်တၢ်အခိၣ်တဖၣ်ဒီး ပှၤခဲလၢာ်လၢအဆၢထၢၣ်လၢယွၤအတၢ်လုၢ်ဟံၣ်ပူၤ အမဲာ်ညါ န့ၣ်, ယစံးဘၣ်စီၤဃနၤနယၤ,

လံာ်ယံးရမံယၤ 36:10

အန့ၣ်ဒီး, ဖဲပှၤဂီၢ်မုၢ်ခဲလၢာ် ဒိကနၣ်တၢ်အခါန့ၣ်, စီၤဘၤရူးဖးထီၣ်တၢ်လၢ လံာ်ထူအပူၤတၢ်ခဲလၢာ် လၢ ယစံးတ့ၢ်ယဲန့ၣ်လီၤ. အဝဲမၤတၢ်အံၤလၢ ယွၤ အတၢ်လုၢ်ဟံၣ်ပူၤ, ဖဲစီၤၡၤဖၣ်အဖိခွါ ကွီၢ်ဘျီၣ်အပှၤ ကွဲးလံာ် စီၤကမၤရယၤ အဒၢးပူၤန့ၣ်လီၤ. ဒၢးအဝဲအံၤ အိၣ်ဝဲလၢ ကွီၢ်ဘျီၣ်, ထးခီတတီၤ, လၢအဘူးဒီးကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယံးရမံယၤ 42:4

ယစံးဆၢယဲ, “မ့မ့ၢ်ဒ်န့ၣ်ဒီး, ဂ့ၤလံ. ယကဃ့ထုကဖၣ်ဆူ ယွၤပကစၢ် ယွၤဒ်သုမၢတ့ၢ်ယၤအသိး, ဒီၤဖဲတၢ်လၢအဝဲစံးဝဲ တမံၤဂ့ၤတမံၤဂ့ၤန့ၣ်, ယကတဲဘၣ်သုလီၤ. ယတပာ်တဒၢ တၢ်လၢသုနီတမံၤဘၣ်.”

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်ယံးရမံယၤ 7:27

လၢတၢ်န့ၣ်အဃိ, စီၤယံးရမံယၤဧၢ, နကဘၣ်စံးဘၣ်တဲဘၣ် ယပှၤဂီၢ်မုၢ်လၢတၢ်ကတိၤသ့ၣ်တဖၣ်အံၤခဲလၢာ်လီၤ. ဘၣ်ဆၣ်ဒီး, တမ့ၢ်အဝဲသ့ၣ်ကဒိကနၣ်နၤဘၣ်. နကကိးထီၣ်အဝဲသ့ၣ်, ဘၣ်ဆၣ်ဒီးတမ့ၢ်အဝဲသ့ၣ်ကစံးဆၢနၤဘၣ်.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ယဃ့းစက့လး 33:7

ခဲကနံၣ်အံၤ, ပှၤကညီလၢအသံသ့ဧၢ, ယဒုးကဲထီၣ်နၤပှၤခိးကွၢ်တၢ်ဖိတဂၤလၢအံၣ်စရ့လး အပှၤကလုာ်အဂီၢ်န့ၣ်လံ. နကဘၣ်တဲဘၣ်အဝဲသ့ၣ် လၢတၢ်ဟ့ၣ်ပလီၢ်တဖၣ်လၢယဟ့ၣ်လီၤနၤန့ၣ်လီၤ.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 19:47

ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ်အပူၤကိးနံၤဒဲးလီၤ. ပှၤလုၢ်တၢ်အခိၣ်အဒိၣ်တဖၣ်, ပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, ဒီးပှၤဂီၢ်မုၢ်အခိၣ်အနၢ်တဖၣ်သးအိၣ်မၤသံအီၤလီၤ.

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

လံာ်ယိၤဟၣ် 8:2

ပှၤဂီၢ်မုၢ်ခဲလၢာ်ဟဲအိၣ်ဝးတရံးအီၤ, ဒီးအဝဲဆ့ၣ်နီၤဒီးသိၣ်လီၤသီလီၤအဝဲသ့ၣ်န့ၣ်လီၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

မၤတၢ် 5:25

အကတီၢ်ဖဲန့ၣ်ပှၤတဂၤဟဲတုၤဒီး စံးဘၣ်အဝဲသ့ၣ်, “ခဲအံၤပှၤတဖၣ်လၢသုဖီၣ်ဒုးဃာ်အီၤလၢဃိာ်ပူၤန့ၣ်, အိၣ်ဆၢထၢၣ်လၢတၢ်လုၢ်ဟံၣ်ပူၤဒီးသိၣ်လီၤသီလီၤတၢ်လီၤ.”

မၤတၢ် 5:42

ဒီးကိးနံၤဒဲးလၢတၢ်လုၢ်ဟံၣ်ပူၤဒီးလၢဟံၣ်တဖၣ်အပူၤစ့ၢ်ကီးန့ၣ်, အဝဲသ့ၣ်သိၣ်လီၤသီလီၤဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ခရံာ်, ဒီးတဆိတ့ၢ်ဝဲနီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.

လံာ်လီၣ်ဖျါ 22:19

ဒီးပှၤတဂၤဂၤမ့ၢ်ထုးစှၤလီၤတၢ်တမံၤမံၤလၢလံာ်တဘ့ၣ် အံၤအပူၤန့ၣ်, ကစၢ်ယွၤကဟံးထီၣ်ကွံာ်အတၢ်တိာ်ပာ်လၢ အဂီၢ်, ဘၣ်ဃးဒီးသ့ၣ်မူအသၣ်ဒီးဝ့ၢ်စီဆှံလၢအဘၣ် တၢ်ပာ်ဖျါအီၤလၢလံာ်တဘ့ၣ်အံၤအပူၤလီၤ.