လံာ်ယံးရမံယၤ 26:19 - Sgaw Karen Common Bible

¹⁹ စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယံးရမံယၤ 26:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:16

ဖဲယွၤအကလူးသါကမၤဟးဂီၤကွံာ်ဝ့ၢ်ယရူၤၡလ့ၣ်အခါန့ၣ်, ယွၤဆီတလဲကွံာ်အတၢ်ပာ်သးဘၣ်ဃးဒီးတၢ်စံၣ်ညီၣ်အပှၤဂီၢ်မုၢ် န့ၣ်, ဒီးစံးဘၣ်ကလူးလၢအမၤသံအဝဲသ့ၣ်ဒ်အံၤ, “ဆိကတီၢ်တက့ၢ်.” ကလူးန့ၣ်အိၣ်ဝဲဖဲပှၤယဘူၣ်ဖိစီၤအၤရနၤ အကြဲၢ်အကပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:20

အန့ၣ်ဒီးစီၤပၤဃံးစကံယၤဒီးစီၤအၤမိးအဖိခွါဝံယၡါယၤ ဘါထုကဖၣ်တၢ်ဆူကစၢ်ယွၤအအိၣ်ဒီးကိးထီၣ်အီၤလၢတၢ်မၤစၢၤ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယၡါယၤ 37:1

တကီၢ်ခါဖဲစီၤပၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါဒီး, အဝဲဖှီအဆ့ကၤတဖၣ်လၢတၢ်သးအုးအပူၤ, ကၤထီၣ်ဆ့ထၢၣ်တၢ်ကံးယာ်, ဒီးလဲၤဝဲဆူယွၤအတၢ်လုၢ်ဟံၣ်လီၤ.

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 26:3

ဘၣ်သ့ၣ်သ့ၣ် ပှၤဂီၢ်မုၢ်ကဒိကနၣ်ဝဲဒီး ဃၣ်ကွံာ်အသးလၢ အကျဲ အအၢအသီတဖၣ်န့ၣ်လီၤ. အဝဲသ့ၣ်မ့ၢ် မၤဝဲဒီး, ယကလဲလိာ်ကွံာ် ယတၢ်ပာ်လီၤယသးလၢ တၢ်ဟးဂီၤလၢ ယကူၣ်ထီၣ်လၢ ယကဒုးလီၤဘၣ်လၢ အဝဲသ့ၣ်အလိၤလၢ အဝဲသ့ၣ်အတၢ်မၤအအၢအသီ တဖၣ်အဃိန့ၣ်လီၤ.”

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်ဧၤမိၣ် 7:3

ယွၤလဲလိာ်က့ၤအသးဒီးစံးဝဲ, တၢ်လၢနထံၣ်တ့ၢ်န့ၣ်တမၤအသးဘၣ်.

လံာ်ဃဘးကူာ် 2:10

သုမၤဟးဂူာ်ဟးဂီၤပှၤအါကလုာ်သတးဒီး သုဟဲစိာ်တၢ်မဲာ်ဆှးလၢသုဟံၣ်ဖိဃီဖိအဂီၢ်ဒီးတၢ်လီၤပှီၢ် လၢသုတၢ်အိၣ်မူအဂီၢ်လီၤ.

လံာ်စကၤရယၤ 7:2

ပှၤဂီၢ်မုၢ်လၢဝ့ၢ်ဘ့ၤသ့လးမၢလီၤစီၤၡၤရ့စၢ်, ဒီးစီၤရ့က့ၣ်လ့မ့းဒီးအပှၤကညီတဖၣ်ဆူသ့တၢ်လၢာ်ယွၤအတၢ် လုၢ်ဟံၣ်, ဒ်သိးအကဃ့ဘါထုကဖၣ်ယွၤလၢယွၤအတၢ်ဆိၣ်ဂ့ၤအဂီၢ်,

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”