လံာ်ယံးရမံယၤ 26:16 - Sgaw Karen Common Bible

¹⁶ အန့ၣ်ဒီး, ပှၤခိၣ်ပှၤနၢ်တဖၣ်ဒီး ပှၤဂီၢ်မုၢ်စံးဘၣ်ပှၤ လုၢ်တၢ်အခိၣ် တဖၣ်ဒီးဝံတဖၣ်, စံးဝဲ, ပှၤတဂၤအံၤ ကတိၤတၢ်ဒီး ပှၤလၢယွၤ ပကစၢ်ယွၤအမံၤအပူၤန့ၣ်လီၤ. အဝဲတကြၢးဘၣ်တၢ်မၤသံအီၤဘၣ်.

လံာ်ယံးရမံယၤ 26:16 Iomraidhean Croise

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

စံးထီၣ်ပတြၢၤ 94:16

မ့ၢ်မတၤကဆၢထၢၣ်လၢယဂီၢ်ထီဒါ ပှၤတတီတလိၤန့ၣ်လဲၣ်. မ့ၢ်မတၤကမၤစၢၤယၤ ထီဒါပှၤမၤတၢ်အၢတဖၣ်န့ၣ်လဲၣ်

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

လံာ်ယံးရမံယၤ 26:11

အန့ၣ်ဝံၤဒီး ပှၤလုၢ်တၢ်အခိၣ်တဖၣ်ဒီး ဝံတဖၣ်စံးဘၣ်ပှၤ ခိၣ်ပှၤနၢ်တဖၣ်ဒီး ပှၤဂီၢ်မုၢ်န့ၣ်, “ပှၤတဂၤအံၤကြၢးဘၣ်တၢ် စံၣ်ညီၣ်သံအီၤမ့ၢ်လၢ အဝဲကတိၤတၢ်ထီဒါ ပဝ့ၢ်အဃိန့ၣ်လီၤ. သုနၢ်ဟူအီၤလၢ သုနၢ်ဒၣ် သုဝဲန့ၣ်လီၤ.”

လံာ်ယံးရမံယၤ 34:10

ပှၤဂီၢ်မုၢ်ခဲလၢာ်ဒီး အခိၣ်အနၢ်တဖၣ်အသးလီၤပလိာ်ဝဲလၢ ကပျၢ်ပူၤဖျဲး အကုၢ်တဖၣ်ဒီး တမၢကဲကုၢ်ကဒီးအဝဲသ့ၣ် နီတစုလၢၤဘၣ်န့ၣ်လီၤ. ဒီးအဝဲသ့ၣ်ပျၢ်ဖျဲးကွံာ်အကုၢ်တဖၣ် န့ၣ်လီၤ.

လံာ်ယံးရမံယၤ 36:19

အန့ၣ်ဒီး အဝဲသ့ၣ်စံးဘၣ်အီၤ, “နၤဒီးစီၤယံးရမံၤယၤ ကဘၣ်လဲၤဒီး အိၣ်ခူသူၣ်လီၤ. သုအိၣ်ဖဲလဲၣ်န့ၣ်, တဘၣ်ဒုးသ့ၣ်ညါပှၤနီတဂၤတဂ့ၤ.”

လံာ်ယံးရမံယၤ 36:25

စီၤအ့လနၤသၣ်, စီၤဒလါယၤ, စီၤကမၤရယၤမ့ၢ်ဃ့ကညးစီၤပၤဒ်သိး အသုတဒွဲၣ်အူကွံာ်လံာ်ထူန့ၣ်သနာ်က့, စီၤပၤတကနၣ်ဃုာ်အဝဲသ့ၣ် ဘၣ်.

လံာ်ယံးရမံယၤ 37:15

အဝဲသ့ၣ်အသးဒိၣ်ထီၣ်ယၤ နးနးကလဲာ်ဒီး မၢပှၤတီၢ်ယၤ ဒီး ဒုးဃာ်ယၤလၢ ကွီၢ်ဘျီၣ်အပှၤကွဲးလံာ်စီၤယိၤနၤသၣ်အ ဟံၣ်, ဟံၣ်လၢအဘၣ်တၢ်ဒုးကဲထီၣ်အီၤလၢ ဃိာ်တဖျၢၣ်န့ၣ်လီၤ.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

မၤတၢ် 23:29

တၢ်လၢအကြၢးဒီးတၢ်သံမ့ၢ်ဂ့ၤ, တၢ်ကဒၢနုာ်အီၤလၢဃိာ်ပူၤမ့ၢ်ဂ့ၤ, ယတထံၣ်ဘၣ်လၢအဝဲမၤဝဲနီတမံၤဘၣ်. တၢ်ကမၣ်လၢအဘၣ်တၢ်ပာ်ထီၣ်လၢအဝဲဒၣ်အလိၤန့ၣ်ဘၣ်ထွဲဒီး အဝဲသ့ၣ်အတၢ်သိၣ်တၢ်သီဒၣ်ဝဲလီၤ.

မၤတၢ် 23:9

တၢ်ကိးပသူကိးပသီသီၣ်ဒိၣ်ထီၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတနီၤလၢအဘၣ်ထွဲဒီးပှၤဖၤရံၤၡဲအကရူၢ် တဖၣ်ဂဲၤဆၢထၢၣ်, ဒီးကတိၤထီဒါတၢ်ဆူၣ်ဆူၣ်ကလဲာ်ဒီးစံးဝဲ, “ပတထံၣ်ပှၤတဂၤအံၤမၤကမၣ်တၢ်နီတမံၤဘၣ်. ဘၣ်တဘၣ်သး, မ့တမ့ၢ်မူခိၣ်ကလူး, ကတိၤတၢ်ဒီးအီၤနီၢ်နီၢ်လီၤ.”

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.