လံာ်ယံးရမံယၤ 26:10 - Sgaw Karen Common Bible

¹⁰ ဖဲကီၢ်ယူဒၤအခိၣ်အနၢ်တဖၣ် နၢ်ဟူတၢ်လၢအမၤတ့ၢ် အသးအံၤန့ၣ်, အဝဲသ့ၣ်ဟးထီၣ်ချ့ချ့လၢ စီၤပၤအနူၢ်ပူၤ ဟဲဝဲဆူယွၤအတၢ်လုၢ်ဟံၣ် ဒီးဟံးန့ၢ်တၢ်အလီၢ်တဖၣ် ဖဲယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယံးရမံယၤ 26:10 Iomraidhean Croise

လံာ်စီၤပၤခံဘ့ၣ်တဘ့ၣ် 15:35

ဘၣ်ဆၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤကွံာ်အီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံးတၢ်နၢမူဖဲန့ၣ်လီၤ. ပှၤလၢအဘှီထီၣ်ယွၤအတၢ်လုၢ်ဟံၣ်အကလံၤစိးတြဲၤန့ၣ်မ့ၢ်ဝဲစီၤ ယိၤသၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:3

ပှၤသူၣ်ထီၣ်ဘှီထီၣ်ယွၤအတၢ်လုၢ်ဟံၣ်အကလံၤစိးအတြဲၤဖးဒိၣ် န့ၣ်, မ့ၢ်ဝဲစီၤယိၤသၣ်ဒီးအဝဲမၤဂ့ၤထီၣ်လဲၢ်ထီၣ်ဝ့ၢ်အခိၣ်ဒူ လၢဝ့ၢ်ယရူၤၡလ့ၣ်အလီၢ်ကဝီၤလၢတၢ်ကီးအီၤလၢဧိၤဖ့လးန့ၣ် လီၤ.

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 26:21

ဖဲစီၤပၤယဟိၤယါ ကံၣ်ဒီးအသုးဖိတဖၣ်ဒီးအပဒိၣ်ပပှၢ်တဖၣ် နၢ်ဟူ တၢ်လၢစီၤအူၤရံယၤကတိၤတ့ၢ်ဝဲန့ၣ်, စီၤပၤကျဲးစၢးတ့ၢ် လၢကမၤသံအီၤန့ၣ်လီၤ. ဘၣ်ဆၣ် စီၤအူၤရံယၤနၢ်ဟူတ့ၢ်တၢ်အံၤ, သတးဒီး အဝဲထွးထီၣ်ဃ့ၢ်ပူၤဖျဲးကွံာ်ဝဲလၢ တၢ်ပျံၤတၢ်ဖုးအ ပူၤ ဆူကီၢ်အဲၤကူပတူးန့ၣ်လီၤ.

လံာ်ယံးရမံယၤ 26:24

ဘၣ်ဆၣ်, မ့ၢ်လၢစီၤၡ့ၤဖၣ်အဖိခွါ စီၤအဃံကၣ်အတၢ်မၤ စၢၤယၤအဃိဒီး, ယတဘၣ်တၢ်ဟ့ၣ်လီၤကွံာ်ယၤဆူပှၤဂီၢ် မုၢ်အစုပူၤလၢ တၢ်ကမၤသံယၤအဂီၢ်န့ၣ်ဘၣ်.

လံာ်ယံးရမံယၤ 34:10

ပှၤဂီၢ်မုၢ်ခဲလၢာ်ဒီး အခိၣ်အနၢ်တဖၣ်အသးလီၤပလိာ်ဝဲလၢ ကပျၢ်ပူၤဖျဲး အကုၢ်တဖၣ်ဒီး တမၢကဲကုၢ်ကဒီးအဝဲသ့ၣ် နီတစုလၢၤဘၣ်န့ၣ်လီၤ. ဒီးအဝဲသ့ၣ်ပျၢ်ဖျဲးကွံာ်အကုၢ်တဖၣ် န့ၣ်လီၤ.

လံာ်ယံးရမံယၤ 34:19

ဘၣ်ဆၣ်ဒီး အဝဲသ့ၣ်မၤဟးဂီၤကွံာ်တၢ်အၢၣ်လီၤဒီး တတိၢ်န့ၢ်ဖံးဃာ်ဘၣ်အတၢ်ဂ့ၢ်လၢတၢ်ပာ်လီၤအီၤတဖၣ်န့ၣ်လီၤ. အဃိဒီး, ယကမၤ, ပှၤဂီၢ်မုၢ်သ့ၣ်တဖၣ်အံၤဒ် တၢ်လၢအဝဲသ့ၣ် မၤတ့ၢ်ကျီၢ်ဖါအသိးန့ၣ်လီၤ.

လံာ်ယံးရမံယၤ 36:10

အန့ၣ်ဒီး, ဖဲပှၤဂီၢ်မုၢ်ခဲလၢာ် ဒိကနၣ်တၢ်အခါန့ၣ်, စီၤဘၤရူးဖးထီၣ်တၢ်လၢ လံာ်ထူအပူၤတၢ်ခဲလၢာ် လၢ ယစံးတ့ၢ်ယဲန့ၣ်လီၤ. အဝဲမၤတၢ်အံၤလၢ ယွၤ အတၢ်လုၢ်ဟံၣ်ပူၤ, ဖဲစီၤၡၤဖၣ်အဖိခွါ ကွီၢ်ဘျီၣ်အပှၤ ကွဲးလံာ် စီၤကမၤရယၤ အဒၢးပူၤန့ၣ်လီၤ. ဒၢးအဝဲအံၤ အိၣ်ဝဲလၢ ကွီၢ်ဘျီၣ်, ထးခီတတီၤ, လၢအဘူးဒီးကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယံးရမံယၤ 36:25

စီၤအ့လနၤသၣ်, စီၤဒလါယၤ, စီၤကမၤရယၤမ့ၢ်ဃ့ကညးစီၤပၤဒ်သိး အသုတဒွဲၣ်အူကွံာ်လံာ်ထူန့ၣ်သနာ်က့, စီၤပၤတကနၣ်ဃုာ်အဝဲသ့ၣ် ဘၣ်.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.