လံာ်ယံးရမံယၤ 25:31 - Sgaw Karen Common Bible

³¹ ဒီးတၢ်အသီၣ်ကဟူကဒါက့ၤ တုၤလၢဟီၣ်ခိၣ် အကတၢၢ်န့ၣ်လီၤ. ယွၤအိၣ်ဒီး အကွီၢ်ထီဒါပှၤကလုာ်တဖၣ်လီၤ. အဝဲကဟဲစိာ်ပှၤဂီၢ်မုၢ်ခဲလၢာ်ဆူ ကွီၢ်ဘျီၣ်ပူၤ ဒီးစံၣ်ညီၣ်ပှၤအအၢအသီတဖၣ်လၢ တၢ်သံန့ၣ်လီၤ. ယွၤကတိၤလံတၢ်လံၤ.”

လံာ်ယံးရမံယၤ 25:31 Iomraidhean Croise

လံာ်ယၡါယၤ 33:3

ဖဲနဒုးတၢ်လၢပဂီၢ်န့ၣ်, ပှၤကလုာ်တဖၣ်ဃ့ၢ်ကွံာ်ဝဲလၢတၢ်ဒုး တၢ်ယၤအတၢ်သီၣ်တၢ်သဲအဃိန့ၣ်လီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 34:8

ခဲအံၤကမ့ၢ်တၢ်ဆၢကတီၢ်လၢယွၤကအုၣ်က့ၤခီၣ်က့ၤဝ့ၢ်စံယိၣ် ဒီးဟ့ၣ်ကၣ်အဒုၣ်အဒါတဖၣ်န့ၣ်လီၤ.

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယံးရမံယၤ 2:35

သုစံးသုဝဲလၢ, ယတၢ်ကမၣ်တအိၣ်ဘၣ်. သပှၢ်ကတၢၢ်ယွၤတသးဒိၣ်လၢၤယၤဘၣ်န့ၣ်လီၤ. ဘၣ်ဆၣ်ဒီးယၤ, ယွၤအံၤကစံၣ်ညီၣ်သု, မ့ၢ်လၢသုသမၢသုဝဲလၢသုမၤတ့ၢ် တၢ်ဒဲးဘးအဃိန့ၣ်လီၤ.

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 38:22

ယကစံၣ်ညီၣ်အီၤလၢတၢ်ဆူးတၢ်ဆါဒီးတၢ်ဂၢ်သွံၣ်ဂၢ်စီၤန့ၣ်လီၤ. ဒီးယကလူလီၤမူခိၣ်အထံယွၤဆူၣ်ဃုာ်ဒီးသူၣ်အိၣ်ဒီးမ့ၣ်အူဒီးကး ကလူလီၤဂၢ်လီၤအသးလၢအလိၤ, ဒီးလၢအသုးမုၢ်ဒီးပှၤကလုာ် တဖၣ်လၢအိၣ်လၢအဝဲအအိၣ်တခီအလိၤန့ၣ်လီၤ.

လံာ်ဟိၤၡ့ 12:2

ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.