လံာ်ယံးရမံယၤ 25:29 - Sgaw Karen Common Bible

²⁹ ယကစးထီၣ် ယတၢ်မၤဟးဂီၤတၢ်အံၤလၢ ယဝ့ၢ်ဒၣ်ယဲအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢ ကပူၤဖျဲးဒီး တၢ်စံၣ်ညီၣ်န့ၣ်ဧါ. တပူၤဖျဲးဘၣ်. အဝဲသ့ၣ်ကဘၣ်တၢ်စံၣ်ညီၣ်အီၤ, မ့ၢ်လၢယကဒုးအိၣ်ထီၣ်တၢ်ဒုးတၢ်ယၤလၢပှၤဂီၢ်မုၢ်လၢ အအိၣ်လၢ ဟီၣ်ခိၣ်ချၢခဲလၢာ်အကျါအဃိန့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံ.”

လံာ်ယံးရမံယၤ 25:29 Iomraidhean Croise

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

တၢ်ကတိၤဒိ. 11:31

ပှၤလၢအဂ့ၤတဖၣ်ဘၣ်တၢ်ဟ့ၣ်ဘျုးအီၤဖဲအံၤလၢဟီၣ်ခိၣ်ချၢလီၤ. မၤသးဒ်န့ၣ်ဒီးနာ်သပှၢ်တၢၢ်လၢပှၤတတီတလိၤဒီးပှၤတၢ်ဒဲးဘးဖိ တဖၣ်ကဘၣ်တၢ်စံၣ်ညီၣ်အီၤန့ၣ်တက့ၢ်.

တၢ်ကတိၤဒိ. 17:5

နမ့ၢ်နံၤဘၣ်ဖၣ်လဲပှၤဖှီၣ်ဖိယာ်ဖိဒီးနဒုၣ်ဒွဲၣ်ကစၢ်ယွၤလၢ အတ့လီၤအဝဲသ့ၣ်လီၤ. နမ့ၢ်သးခုလၢပှၤအဂၤတဂၤအတၢ်ဟဲဝံတဂ့ၤတဘၣ်ဒီး, နကဘၣ်တၢ်စံၣ်ညီၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယံးရမံယၤ 13:13

အန့ၣ်ဒီး, တဲဘၣ်အဝဲသ့ၣ်လၢယၤ, ယွၤအံၤ, ယကမၤပှဲၤပှၤဂီၢ်မုၢ်လၢထံကီၢ်အံၤအ ပူၤဒီးစပံးထံကအိမူၤအသး, ပှၤတဖၣ်လၢအမ့ၢ်စီၤပၤတဖၣ်လၢ အလီၤစၢၤလီၤသွဲၣ်လၢစီၤဒၤဝံး, ပှၤလုၢ်တၢ်အခိၣ်တဖၣ်, ဝံတဖၣ်ဒီးပှၤဂီၢ်မုၢ်လၢဝ့ၢ်ယ ရူၤၡလ့ၣ်ပူၤခဲလၢာ်န့ၣ်လီၤ.

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:12

ပှၤတဖၣ်လၢ အတကြၢးတၢ်စံၣ်ညီၣ်အီၤဒၣ်လဲၣ်, မ့ၢ်ဘၣ်အီၤတၢ်လၢ တၢ်စံၣ်ညီၣ်အလီခီပူၤဒီး, မ့ၢ်သုဆိကမိၣ်လၢ သုကပူၤဖျဲးဒီးတၢ်စံၣ်ညီၣ်န့ၣ်ဧါ. တပူၤဖျဲးဘၣ်. သုကဘၣ်အီတၢ်လၢလီခီန့ၣ်အပူၤလီၤ.

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 38:21

ယကမၤပျံၤမၤဖုးစီၤကိးလၢကယဲၢ်တၢ်တတၢးတနါအကလုာ် ကလုာ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံ တၢ်လံ. အဝဲအပှၤပိာ်ခွါတဖၣ်, ကယူာ်ထီၣ်အနးထီဒါလိာ်အသး တဂၤဒီးတဂၤန့ၣ်လီၤ.

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်ဧိၤဘါဒယၤ 1:16

အဂ့ၢ်ဒ်အံၤ, ဒ်သုအီတ့ၢ်တၢ်စံၣ်ညီၣ်အလီခီလၢ ယကစၢၢ်စီဆှံအလိၤအသိးန့ၣ်, ပှၤကလုာ်အိၣ်ဝးတရံးခဲလၢာ်စ့ၢ်ကီးကအီဝဲလီၤ. ကအီဝဲဒီးယူၢ်လီၤဝဲဆၢထၢၣ်တကျၢၤလၢၤဘၣ်ဒီးကဟါမၢ်ကွံာ် ဝဲဒ်ပှၤလၢအတအိၣ်တ့ၢ်ဘၣ်နီတစုအသိးန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်လူၤကၣ် 23:31

အဂ့ၢ်ဒ်အံၤ, တၢ်မ့ၢ်မၤအသးလၢသ့ၣ်သံကစဲာ်အခါဒ်အံၤဒီး ဖဲသ့ၣ်ဃ့ထီအခါတၢ်ကမၤသးဒ်လဲၣ်.”

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.