လံာ်ယံးရမံယၤ 25:27 - Sgaw Karen Common Bible

²⁷ အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 25:27 Iomraidhean Croise

လံာ်ယၡါယၤ 51:21

သုဝဲပှၤဝ့ၢ်ယရူၤၡလ့ၣ်ဖိလၢအတူၢ်ဘၣ်ခီၣ်ဘၣ်တၢ်, သုဝဲလၢအဟးကပၤကပၤဒ် ပှၤအီမူၤသံးအသိးသ့ၣ်ဧၢ,

လံာ်ယၡါယၤ 63:6

လၢယတၢ်သးထီၣ်အပူၤန့ၣ်, ယယီၢ်တံၢ်ကွံာ်ကယဲၢ်ပှၤကလုာ် တဖၣ်ဒီးမၤသဘှံးကွံာ်အဝဲသ့ၣ်လီၤ. ယဂၢ်လီၤကွံာ်အဝဲသ့ၣ်အတၢ်မူအသွံၣ်လၢဟီၣ်ခိၣ်လိၤလီၤ.”

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 13:13

အန့ၣ်ဒီး, တဲဘၣ်အဝဲသ့ၣ်လၢယၤ, ယွၤအံၤ, ယကမၤပှဲၤပှၤဂီၢ်မုၢ်လၢထံကီၢ်အံၤအ ပူၤဒီးစပံးထံကအိမူၤအသး, ပှၤတဖၣ်လၢအမ့ၢ်စီၤပၤတဖၣ်လၢ အလီၤစၢၤလီၤသွဲၣ်လၢစီၤဒၤဝံး, ပှၤလုၢ်တၢ်အခိၣ်တဖၣ်, ဝံတဖၣ်ဒီးပှၤဂီၢ်မုၢ်လၢဝ့ၢ်ယ ရူၤၡလ့ၣ်ပူၤခဲလၢာ်န့ၣ်လီၤ.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယံးရမံယၤ 25:16

ဖဲအဝဲသ့ၣ်အီဝဲန့ၣ်, အဝဲသ့ၣ်ကလဲၤတၢ်ကနူၤကပၤဒီး ကပျုၢ်ထီၣ်ဝဲ, မ့ၢ်လၢတၢ်ဒုးလၢ ယကမၢလီၤထီဒါအဝဲသ့ၣ်အဃိန့ၣ်လီၤ.”

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 50:35

ယွၤစံးဝဲဒၣ်, “မ်တၢ်သံကဘၣ်ကီၢ်ဘၤဘူၤလိၣ်, မ်တၢ်သံကဘၣ်အပှၤဂီၢ်မုၢ်, အပှၤပၢတၢ်တဖၣ်, အပှၤလၢအကူၣ်တၢ်သ့တဖၣ် န့ၣ်တက့ၢ်.

လံာ်ယံးရမံယၤ 51:39

မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်နၤဃူၣ် 3:11

ဝ့ၢ်နံၤနဝ့ဧၢ, နဲဒၣ်စ့ၢ်ကီးနကလီၤဆူတၢ်မူၤသံမူၤဟါမၢ်တမံၤအပူၤလီၤ. နဲဒၣ်စ့ၢ်ကီးနကကျဲးစၢးဃ့ၢ်ပူၤဖျဲးလၢနဒုၣ်နဒါတဖၣ်အအိၣ်လီၤ.

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်သိၣ်လီၤသီလီၤတၢ် 32:42

ယပျၢ်တဖၣ်လီၤစီၤဒီးအဝဲသ့ၣ်အသွံၣ်, ဒီးယနးကမၤသံကယဲၢ်ပှၤလၢအထီဒါယၤန့ၣ်လီၤ. ပှၤလၢအဒုးတၢ်ထီဒါယၤန့ၣ်, ယတပျၢ်ဖျဲးဘၣ်အီၤနီတဂၤဘၣ်, ပှၤဘၣ်ဒိဘၣ်ထံးဒီးပှၤဘၣ်စၢဃာ်တဖၣ်ဒၣ်လဲာ် ကသံဝဲလီၤ.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.