လံာ်ယံးရမံယၤ 25:22 - Sgaw Karen Common Bible

²² စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 25:22 Iomraidhean Croise

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 23:15

တၢ်ဆၢကတီၢ်တခါန့ၣ်ဘူးထီၣ်လံဖဲဝ့ၢ်ထါယၢၣ်ကဘၣ်တၢ် သးပ့ၤနီၣ်အီၤအနံၣ်နွံဆံပှဲၤသိး, စီၤပၤတဂၤအတၢ်အိၣ်မူ အဆၢကတီၢ်လီၤ. ဖဲနံၣ်တဖၣ်န့ၣ်ပူၤကွံာ်ဒီး, ဝ့ၢ်ထါယၢၣ်ကလီၤဂာ်ဒီးပှၤဃဲသဲမုၣ်တဂၤလၢတၢ်သးဝံၣ်အပူၤ,

လံာ်ယၡါယၤ 23:4

ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

လံာ်ယံးရမံယၤ 27:3

အန့ၣ်ဝံၤဒီး ယွၤတဲဘၣ်ယၤလၢ ယကဆှၢလီၤတၢ်ကစီၣ် တမံၤဆူ စီၤပၤတဖၣ်လၢ ကီၢ်အဒိၣ်, ကီၢ်မိၤအး, ကီၢ်ဧၣ်မိၣ်, ဝ့ၢ်ထါယၢၣ်ဒီး ဝ့ၢ်စံဒိၣ်, ခီဖျိအဝဲသ့ၣ်အမီၣ်သီမီၣ်လါတဖၣ် လၢ အဟဲတ့ၢ်ဆူ ဝ့ၢ်ယရူၤရှလ့ၣ်ဒ်သိး ကထံၣ်စီၤပၤစံးဒကံယၤ အဂီၢ်န့ၣ်လီၤ.

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ယဃ့းစက့လး 27:27

ကယဲၢ်နပနံၣ်တၢ်ကၤတၢ်အတၢ်ထူးတၢ်တီၤကယဲၢ်ပှၤဒိး ကဘီလၢနပှၤကဘီဖိအကျါနကဘီအပှၤစုသ့တဖၣ်ဒီး နပှၤမၤကူၣ်မၤကၤတဖၣ်ကယဲၢ်ပှၤသုးဖိလၢ ကဘီဖီခိၣ်ခဲလၢာ်န့ၣ် ဟါမၢ်ကွံာ်ဝဲခဲလၢာ် လၢပီၣ်လဲၣ်အပူၤဖဲနကဘီဟးဂီၤကွံာ်ဝဲန့ၣ်လီၤ.

လံာ်ယဃ့းစက့လး 28:1

ယွၤကတိၤတ့ၢ်တၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, တဲဘၣ်ဝ့ၢ်ထါယၢၣ်အပှၤပၢတၢ်လၢ, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အီၤန့ၣ်တက့ၢ်. လၢတၢ်ပာ်ထီၣ်ထီသးအပူၤန့ၣ်, နစံးလီၤနသးလၢ နမ့ၢ်ယွၤတဂၤန့ၣ်လီၤ. နစံးလၢ, ဒ်ယွၤတဂၤအသိးန့ၣ် နဆ့ၣ်နီၤလၢ လီၢ်ပစိာ်တဖျၢၣ်အဖီခိၣ်, ဘၣ်တၢ်ကဝီၤဃာ်အီၤလၢ ပီၣ်လဲၣ်တဖၣ်န့ၣ်လီၤ. နကပာ်မၤနသး ဒ်ယွၤတဂၤအသိး, ဘၣ်ဆၣ်တမ့ၢ်ဘၣ်. နမ့ၢ်ဒၣ်ပှၤတဂၤလၢ အသံသ့, ဒီးတမ့ၢ်ဘၣ်တၢ်စီတၢ်ဆှံဘၣ်.

လံာ်ယဃ့းစက့လး 28:20

ယွၤစံးဘၣ်ယၤ,

လံာ်ယဃ့းစက့လး 28:21

“ပှၤကညီလၢသံသ့ဧၢ, စံးလၢဝ့ၢ်စံဒိၣ်ကြၢးဘၣ်တၢ်စံၣ်ညီၣ်တက့ၢ်. တဲဘၣ်ပှၤဂီၢ်မုၢ်ဖဲန့ၣ်တဖၣ်လၢ, တၢ်လၢယၤ, ယွၤပၢဘၣ်တၢ် ခဲလၢာ်ကစၢ်တဲဝဲဘၣ်ဃးဒီးအဝဲသ့ၣ်အဂ့ၢ်န့ၣ်တက့ၢ်. ဝ့ၢ်စံဒိၣ်ဧၢ, ယမ့ၢ်နဒုၣ်နဒါလီၤ. ပှၤဂီၢ်မုၢ်ကစံးထီၣ်ပတြၢၤယၤလၢတၢ်လၢယမၤနၤသ့ၣ်တဖၣ်အဃိလီၤ. အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဖဲယပာ်ဖျါထီၣ်ယသးလၢ, ယစီဝဲဆှံဝဲထဲလဲၣ်ခီဖျိယစံၣ်ညီၣ်ပှၤလၢအအိၣ်ဆိးလၢ နပူၤတဖၣ်အဃိန့ၣ်လီၤ.

လံာ်ယဃ့းစက့လး 29:18

အဝဲစံးဝဲဒၣ်, “ပှၤကညီလၢအသံသ့ဧၢ, ကီၢ်ဘၤဘူၤလိၣ်အစီၤပၤနဘူၤကး န့စၢ်ဒုးလံတၢ်ဒီးဝ့ၢ်ထါယၢၣ်လံန့ၣ်လီၤ. အဝဲမၢအပှၤသုးဖိတဖၣ် စိာ်တၢ်အဃၢတုၤဒၣ်အခိၣ်တဖၣ်လ့ၤဝဲဒီးအဖံဘၣ်ခိၣ်တဖၣ် တီၣ်ထီၣ်ဒီးသွဲးဝဲဘၣ်ဆၣ် စီၤပၤမ့ၢ်ဂ့ၤအဝဲအသုးမ့ၢ်မ့ၢ်ဂ့ၤ တမၤန့ၢ်တၢ်နီတမံၤလၢ အတၢ်မၤကိၢ်ကိၢ်ဂီၤဂီၤတဖၣ်အံၤအဃိဘၣ်.

လံာ်ယဃ့းစက့လး 32:30

ကယဲၢ်အပဒိၣ်ဖးဒိၣ်တဖၣ်လၢကလံၤစိးအိၣ်ဖဲန့ၣ်ဒီးပှၤစံဒိၣ်ဖိတဖၣ် စ့ၢ်ကီးန့ၣ်လီၤ. တဘျီန့ၣ်အဝဲသ့ၣ်အစိကမီၤရၤလီၤတၢ်မၤပျံၤ မၤဖုးဘၣ်ဆၣ်ခဲအံၤအဝဲသ့ၣ်လဲၤလီၤလၢတၢ်လီၤမဲာ်ဆှးအပူၤ ဃုာ်ဒီးပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤဒီးမံလီၤတ့ၢ် လၢတၢ်အိၣ်ဘှံးအပူၤတအိၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. အဝဲသ့ၣ်ဒိးဘၣ်တၢ်မဲာ်ဆှးတမံၤဃီဒ်သိးဒၣ်ပှၤတဖၣ် လၢအလဲၤလီၤတ့ၢ်ဆူတၢ်သံအကီၢ်ပူၤန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.