လံာ်ယံးရမံယၤ 25:21 - Sgaw Karen Common Bible

²¹ ပှၤဂီၢ်မုၢ်ခဲလၢာ်လၢ ကီၢ်အဒိၣ်, ကီၢ်မိၤအး, ဒီးကီၢ်ဧၣ်မိၣ်,

လံာ်ယံးရမံယၤ 25:21 Iomraidhean Croise

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

လံာ်ယၡါယၤ 25:10

ကစၢ်ယွၤကဒီဒၣ်အိၣ်ပှိၤကစၢၢ်စံယိၣ်လီၤ. မ့မ့ၢ်ကီၢ်မိၤအးအပှၤဂီၢ်မုၢ်န့ၣ်ကဘၣ်တၢ်ယီၢ်လီၤတံၢ်အီၤဒ် ဘုလီၢ်ဘၣ်တၢ်ယီၢ်တံၢ်အီၤလၢတၢ်အ့ၣ်တၢ်ဆံၣ်အပူၤအသိးလီၤ.

လံာ်ယံးရမံယၤ 27:2

ယကမၤနီၣ်ယိးဘိတဘိလၢ ယဂီၢ်ဒၣ်ယဲလၢ ပျံၤတၢ်ဖံးဒီးသ့ၣ် အဘိဒီးယကယိးထီၣ်အီၤလၢ ယကိာ်လိၤန့ၣ်လီၤ.

လံာ်ယံးရမံယၤ 27:3

အန့ၣ်ဝံၤဒီး ယွၤတဲဘၣ်ယၤလၢ ယကဆှၢလီၤတၢ်ကစီၣ် တမံၤဆူ စီၤပၤတဖၣ်လၢ ကီၢ်အဒိၣ်, ကီၢ်မိၤအး, ကီၢ်ဧၣ်မိၣ်, ဝ့ၢ်ထါယၢၣ်ဒီး ဝ့ၢ်စံဒိၣ်, ခီဖျိအဝဲသ့ၣ်အမီၣ်သီမီၣ်လါတဖၣ် လၢ အဟဲတ့ၢ်ဆူ ဝ့ၢ်ယရူၤရှလ့ၣ်ဒ်သိး ကထံၣ်စီၤပၤစံးဒကံယၤ အဂီၢ်န့ၣ်လီၤ.

လံာ်ယံးရမံယၤ 40:14

ဒီးစံးဘၣ်အီၤ, “မ့ၢ်နတသ့ၣ်ညါဘၣ်လၢကီၢ်ဧၣ်မိၣ်အစီၤပၤ ဘဧၤလံၣ်မၢလီၤစီၤယံးၡမၤအ့လးလၢကမၤသံနၤန့ၣ်ဘၣ်ဧါ.” ဘၣ်ဆၣ်ဒီးစီၤကဒါလယၤတနာ်ဘၣ်တၢ်အံၤဘၣ်.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 9:26

ကယဲၢ်ပှၤသ့ၣ်တဖၣ်အံၤခဲလၢာ်ဘၣ်တၢ်ကူးတရံးတ့ၢ်အီၤ, ဘၣ်ဆၣ်ဒီးအဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢ တၢ်ကူးတရံးအံၤမ့ၢ်အတၢ်ပနီၣ်န့ၣ်ဘၣ်. ပှၤဂီၢ်မုၢ်တဖၣ်အံၤဒီး အံၣ်စရ့လးအပှၤဂီၢ်မုၢ်တဖၣ်တတိၢ်န့ၢ်ဖံးဃာ်ဘၣ် ယတၢ်အၢၣ်လီၤအံၤနီတဖုနီတဂၤဘၣ်.”

လံာ်ယဃ့းစက့လး 25:1

ယွၤကတိၤတၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢပှၤဧၣ်မိၣ်ဖိ အကီၢ်ဂ့ၤဘၣ်တၢ်စံၣ်ညီၣ်န့ၣ်တက့ၢ်.

လံာ်ယဃ့းစက့လး 32:29

ကီၢ်အဒိၣ်အိၣ်ဖဲန့ၣ်ဃုာ်ဒီးအစီၤပၤတဖၣ်ဒီးအပှၤပၢတၢ်တဖၣ် န့ၣ်လီၤ. အဝဲသ့ၣ်တဖၣ်မ့ၢ်သုးဖိအဂံၢ်ဆူၣ်ဘါဆူၣ်, ဘၣ်ဆၣ် ခဲအံၤအဝဲသ့ၣ်မံလီၤလၢပှၤသံတဖၣ်အကီၢ်ပူၤဃုာ်ဒီးပှၤတဖၣ်လၢ အတဒိးဘၣ်တၢ်ကူးတရံးလၢအဘၣ်တၢ်မၤသံလၢတၢ်ဒုးအပူၤ န့ၣ်လီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 2:1

ဒီးယွၤစံးဝဲဒၣ်, “ပှၤကီၢ်မိၤအးဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤတရီတပါပှၤကီၢ်အဒိၣ်ဖိအစီၤပၤခီဖျိတၢ်ဒွဲၣ်အူ ကွံာ်အီၤတုၤအကဲထီၣ်ဖၣ်ဆါန့ၣ်လီၤ.

လံာ်ဧိၤဘါဒယၤ 1:18

စီၤယၤကိာ်အပှၤဟံၣ်ဖိကမၤအသးဒ်မ့ၣ်အူအသိး, စီၤယိၤသးအပှၤဟံၣ်ဖိဒ်မ့ၣ်အူလၣ်အသိး, ဒီးစီၤဧ့ၡီၤအပှၤဟံၣ်ဖိဒ်လီၢ်ခိၣ်ဆၢၣ်အသိးဒီးမ့ၣ်အူကအီၣ် ကွံာ်အီၤတုၤပှၤအမူ တအိၣ်တီၢ်လၢၤဘၣ်လၢစီၤဧ့ၡီၤအပှၤဟံၣ်ဖိအကျါနီတဂၤဘၣ်န့ၣ်လီၤ. အဂ့ၢ်ဒ်အံၤယၤ, ယွၤစံးတ့ၢ်လံတၢ်လံ.