လံာ်ယံးရမံယၤ 25:12 - Sgaw Karen Common Bible

¹² တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 25:12 Iomraidhean Croise

လံာ်စီၤပၤခံဘ့ၣ်တဘ့ၣ် 24:1

ဖဲစီၤယဟိၤယါကံၣ်မ့ၢ်စီၤပၤအခါန့ၣ်ကီၢ်ဘၤဘူၤလိၣ်အစီၤပၤ နဘူၤကးန့စၢ်ဟဲနုာ်လီၤဒုးကီၢ်ယူဒၤ, ဒီးလၢသၢနံၣ်အတီၢ်ပူၤန့ၣ်စီၤယဟိၤယါကံၣ်ဘၣ်တၢ်မၢဆူၣ်အီၤ လၢကအိၣ်လၢအဝဲအတၢ်ပၢအဖီလာ်န့ၣ်လီၤ. အန့ၣ်ဝံၤဒီးအဝဲပူထီၣ်တၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:22

ဖဲကီၢ်ပၤရၣ်အစီၤပၤကိရ့ၣ်ပၢတၢ်အခီၣ်ထံးတနံၣ်အပူၤန့ၣ်, ယွၤမၤလၢထီၣ်ပှဲၤထီၣ်တၢ်လၢအစံးဘၣ်တ့ၢ်ဝဲခီဖျိဝံယံးရမံ ယၤန့ၣ်လီၤ. အဝဲထိၣ်ဟူးထိၣ်ဂဲၤစီၤကိရ့ၣ်အသးလၢကထုးထီၣ်ရၤလီၤတၢ်မၤ လိာ်လၢလာ်အံၤဒီးဆှၢလီၤအီၤခီဖျိတၢ်ကွဲးဒ်သိးကဘၣ်တၢ်ဖး သီၣ်ထီၣ်အီၤဒိၣ်ဒိၣ်လၢတၢ်လီၢ်တပူၤလၢ်လၢ်, လၢအဝဲအဘီအမုၢ်အပူၤအဂီၢ်န့ၣ်လီၤ.

စံးထီၣ်ပတြၢၤ 137:8

ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ. ပှၤလၢအဟ့ၣ်ကၣ်က့ၤနၤလၢ တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 15:6

နံးမရံအထံကျိဖိလီၤသံးကွံာ်ဝဲ, တပံၢ်လၢအကပၤတဖၣ် ဃ့ထီကွံာ်ဝဲဒီးတၢ်အလါဟ့တအိၣ်တီၢ်နီတမံၤလၢၤဘၣ်.

လံာ်ယၡါယၤ 20:1

လၢကီၢ်အၤၡူၢ်အစီၤပၤဖးဒိၣ်စၤရကိၣ်အကလုၢ်န့ၣ်, ကီၢ်အၤၡူၢ်အသုးမုၢ်အသုးခိၣ်ကျၢၢ်လဲၤထီၣ်ဒုးပှၤဖလ့ၡသးဖိ အဝ့ၢ်အၤစဒိာ်န့ၣ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယံးရမံယၤ 23:2

တၢ်အံၤမ့ၢ်ယွၤ, အံၣ်စရ့လးအကစၢ်ယွၤစံးတၢ်ဘၣ်ဃးပှၤ ပၢတၢ်တဖၣ်လၢကြၢးကဟုကယာ်အပှၤဂီၢ်မုၢ်အဂ့ၢ်န့ၣ်လီၤ. “သုတကဟုကယာ်ယပှၤဂီၢ်မုၢ်ဘၣ်. သုမၤလီၤပြံလီၤပြါကွံာ် အဝဲသ့ၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ်လီၤ. ခဲအံၤယကစံၣ်ညီၣ်သုလၢတၢ်အၢတၢ်သီလၢသုမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 25:14

ယကမၤဘၣ်က့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤတ့ၢ်ဝဲ အဃိ, ဒီးပှၤကလုာ်အါကလုာ် ဒီးစီၤပၤဖးဒိၣ်တဖၣ် ကဒုးကဲထီၣ်အဝဲသ့ၣ်လၢကုၢ်တဖၣ် န့ၣ်လီၤ.”

လံာ်ယံးရမံယၤ 27:22

တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယဃ့းစက့လး 35:9

ယကဒုးအိၣ်သယုၢ်လီၤဃီနၤတစိၤသးဒီးပှၤတအိၣ်ဆိးကဒီး ဘၣ်လၢနဝ့ၢ်ပူၤနီတဂၤလၢၤဘၣ်. အန့ၣ်တစုသုကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ဃဘးကူာ် 1:17

မ့ၢ်အဝဲသ့ၣ်အကသူအနးတဖၣ်တထံၣ်ဃီဒီး မၤဟးဂီၤပှၤကလုာ်တဖၣ်လၢတၢ်သူၣ်ကညီၤသးကညီၤတအိၣ် အပူၤန့ၣ်တဘိယူာ်ဃီဧါ.