လံာ်ယံးရမံယၤ 25:11 - Sgaw Karen Common Bible

¹¹ ထံကီၢ်ဒီဘ့ၣ်ညါအံၤ ကအိၣ်တ့ၢ်လၢတၢ်ဟးဂီၤအပူၤ ဒီးကမ့ၢ်တၢ်ထံၣ်ဘၣ်အလီၢ်လၢအလီၤကမၢကမၣ်န့ၣ်လီၤ. ဒီးကီၢ်ယူဒၤအပှၤဂီၢ်မုၢ်ဒီး ပှၤကလုာ်တဖၣ်လၢ အအိၣ်ဘူးအိၣ်တံၢ်ဒီး အီၤကမၤကီၢ်ဘၤဘူၤလိၣ်အစီၤပၤအတၢ်မၤအနံၣ်နွံဆံန့ၣ်လီၤ.

လံာ်ယံးရမံယၤ 25:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 25:38

ယွၤလဲၤသဒၣ်ကွံာ် အပှၤဂီၢ်မုၢ်လီၤဂာ်ဒ် ခ့ယုၢ်တဒုပာ်လီၤတဲာ် ကွံာ်အလၢၢ်ကအိပူၤအသိးန့ၣ်လီၤ. တၢ်ဒုးတၢ်ယၤ အတၢ်လီၤပျံၤလီၤ ဖုးတဖၣ်ဒီး ယွၤအတၢ်သးကဲၤထီၣ်ဆူန့ၣ်, ဒုးကဲထီၣ်ထံဧိၤ ကီၢ်ဧိၤဆူ မဲးမုၢ်ခိၣ်တတီၤလံ.

လံာ်ယံးရမံယၤ 27:22

တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 28:14

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢအဝဲ ကပာ်နီၣ်ယိးဘိထးတဘိလၢ ပှၤကလုာ်ခဲလၢာ်အံၤအလိၤ, ဒီး လၢအဝဲသ့ၣ်ကမၤကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်န့ၣ်လီၤ. ယွၤစံးတ့ၢ်ဝဲလၢ အဝဲကမၢဒၣ်လဲာ်ဆၣ်ဖိကီၢ်ဖိအမံၤ တဖၣ်မၤစီၤနဘူၤကးန့စၢ်အတၢ်န့ၣ်လီၤ.”

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 4:26

ထံကီၢ်လၢဟီၣ်ခိၣ်ညၣ်ထ့ၣ်ဂ့ၤမးန့ၣ် ကဲထီၣ်တ့ၢ်မဲးမုၢ်ခိၣ်တတီၤဒီးအဝ့ၢ်တဖၣ်အိၣ်လၢ တၢ်လီၤပှီၢ်ဟးဂီၤအပူၤ မ့ၢ်လၢယွၤအတၢ်သးကဲၤထီၣ်အဃိန့ၣ်လီၤ.

လံာ်ယံးရမံယၤ 4:27

(ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 43:10

အန့ၣ်ဝံၤဒီး, တဲဘၣ်အဝဲသ့ၣ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤအံၤ, ယကမၢယခ့ယပှၤ ကီၢ်ဘၤဘူၤလိၣ် အစီၤပၤစီၤနဘူၤကးန့စၢ်ဟဲဆူ တၢ်လီၢ်အံၤဒီး အဝဲကပာ် အလီၢ်ပစိာ် လၢလၢၢ်တဖၣ်လၢ သုဘျၢလီၤတ့ၢ်အီၤအဖီခိၣ်ဒီး ကသလၣ်လီၤ စီၤပၤအဒဲလၢ အဖီခိၣ်န့ၣ်လီၤ.

လံာ်ယံးရမံယၤ 44:22

အအံၤတနံၤအံၤဒၣ်လဲာ်, သုထံသုကီၢ်အိၣ်လီၤ တဲာ်လၢ တၢ်ဟးဂူာ်ဟးဂီၤအပူၤ, ဒီးပှၤတအိၣ်ဆိးလၢ အပူၤနီတဂၤလၢၤဘၣ်. တၢ်န့ၣ်ကဲထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီၤ ပှၤဂီၢ်မုၢ်သူအမံၤဒ်တၢ်ဆိၣ်အၢတမံၤအသိး, မ့ၢ်လၢယွၤတူၢ်သု တၢ်မၤအအၢအသီဒီး တၢ်မၤလၢ အလီၤသးဘၣ်အၢတဖၣ် တကဲလၢၤဘၣ်အဃိန့ၣ်လီၤ.

လံာ်ယဃ့းစက့လး 12:19

တဲဘၣ်ပှၤဒီကလုာ်ညါ, အအံၤမ့ၢ်ယွၤပၢဘၣ်တၢ်ခဲလၢာ်ကစၢ်အတၢ် ကစီၣ်ဆူဝ့ၢ်ယရူၤၡလ့ၣ်အပှၤဂီၢ်မုၢ်လၢအအိၣ်ဆိးဒံးဒၣ်လၢအကီၢ် ပူၤအအိၣ်တက့ၢ်. အဝဲသ့ၣ်ကကနိးကစုာ်ဝဲဖဲအအီၣ်တၢ်အခါ, ဒီးကဟူးဝးဝဲလၢတၢ်ပျံၤတၢ်ဖုးအပူၤ, ဖဲအအီတၢ်အခါလီၤ. အဝဲသ့ၣ်အထံအကီၢ်ကဘၣ်တၢ်ဂုာ်န့ၢ်ဆူၣ်အီၤစီဖ့ကလ့ၤ, မ့ၢ်လၢပှၤအိၣ်ဖဲန့ၣ်ကိးဂၤဒဲးမ့ၢ်ပှၤလၢအတဒိကနၣ်တၢ်သိၣ်တၢ် သီအဃိန့ၣ်လီၤ.

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:32

ဒီးယကမၤဟးဂီၤကွံာ်သုထံဧိၤကီၢ်ဧိၤလၢာ်လၢာ်ဆ့ဆ့တုၤ ဒၣ်လဲာ်သုဒုၣ်သုဒါတဖၣ်လၢအမၤန့ၢ်အီၤန့ၣ်ကကမၢကမၣ်ဝဲလီၤ.

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်စကၤရယၤ 7:5

အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.