လံာ်ယံးရမံယၤ 25:10 - Sgaw Karen Common Bible

¹⁰ ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 25:10 Iomraidhean Croise

လံာ်နီၢ်အ့ၤစတၢ် 3:13

ပှၤဆှၢလံာ်ဖိတဖၣ်ဟံးန့ၢ်လံာ်ဘိးဘၣ်သ့ၣ်ညါဒီးဆှၢ ဝဲဆူကီၢ်ဆၣ်ကိးဘ့ၣ်ဒဲးလၢအအိၣ်လၢဘီမုၢ်အပူၤန့ၣ်လီၤ. လံာ်ဘိးဘၣ်သ့ၣ်ညါအံၤအိၣ်ဒီးတၢ်ပိာ်လီၤနဲၣ်လီၤ တဖၣ်လၢဖဲလါအးဒၢ်ထီၣ်တဆံသၢနံၤ, တနံၤဃီဧိၤန့ၣ်, ပှၤယူဒၤဖိခဲလၢာ်လၢအမ့ၢ်ပှၤသးစၢ်ဒီးပှၤသးပှၢ်, ပိာ်မုၣ်ဒီးဖိသၣ်တဖၣ်, ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢတၢ်သးကညီၤတအိၣ်ဘၣ်အပူၤ, ဒီးအတၢ်ဖိတၢ်လံၤတဖၣ်ကဘၣ်တၢ်ဟံးန့ၢ်ကွံာ်အီၤန့ၣ်လီၤ.

လံာ်နီၢ်အ့ၤစတၢ် 7:4

ယၤဒီးယပှၤဂီၢ်မုၢ်ဘၣ်တၢ်ဆါလီၤကွံာ်အီၤလၢတၢ်မၤသံ အဂီၢ်န့ၣ်လီၤ. တၢ်န့ၣ်မ့ၢ်တအၢန့ၢ်ဒံးတၢ်ဆါလီၤကွံာ် ဆူတၢ်ကဲကုၢ်အပူၤဘၣ်ဒီး, ယကအိၣ်ဘှီၣ်ကလာ်ဒီးတမၤတံာ်တာ်ဘၣ် နၤလၢတၢ်ဂ့ၢ်န့ၣ်ဘၣ်. မ့မ့ၢ်ခဲအံၤပကဘၣ်တၢ်မၤဟးဂီၤကွံာ်ပှၤတုၤ အလၢာ်တစုန့ၣ်လီၤ.”

လံာ်နီၢ်အ့ၤစတၢ် 8:11

လံာ်ပရၢတဖၣ်အံၤ, ပာ်ဖျါထီၣ်လၢစီၤပၤဟ့ၣ်တၢ်ပျဲဆူ ပှၤယူဒၤဖိလၢအအိၣ်လၢဝ့ၢ်ကိးဖျၢၣ်ဒဲးအပူၤ, ဒ်သိးကကရၢကရိထီၣ်အသးလၢတၢ်ဒီဒၣ်က့ၤအသးဒၣ်ဝဲအဂီၢ်န့ၣ်လီၤ. ပှၤတကလုာ်ဂ့ၤတကလုာ်ဂ့ၤမ့ၢ်အိၣ်လၢကီၢ်တဘ့ၣ်ဂ့ၤ တဘ့ၣ်ဂ့ၤအပူၤလၢအဟဲဒုးပှၤယူဒၤဖိ, အဝဲသ့ၣ်အဖိတဖၣ်ဒီးအပှၤပိာ်မုၣ်တဖၣ်န့ၣ်, အဝဲသ့ၣ်မၤဆၢက့ၤဝဲသ့ဒီးမၤသံကွံာ်ပှၤလၢခံ ကတၢၢ်တဂၤဒီးဟံးန့ၢ်ကွံာ်ဝဲအတၢ်ဖိတၢ်လံၤသ့န့ၣ်လီၤ.

လံာ်ယၡါယၤ 47:2

တြံးဆၢၣ်ဂူာ်လၢၢ်ဒီးဂံာ်ကိၣ်ကမူၣ်တက့ၢ်. ပဲကွံာ်နီၣ်ကျၢၢ်ဘၢမဲာ်ဒီးဘ့ၣ်ကွံာ်နကူနကၤအဂ့ၤတဖၣ်တက့ၢ်. ထဲးထီၣ်နဆ့ကၤဆူအဖီခိၣ်လၢနကခီထံကျိအဂီၢ်တက့ၢ်.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 48:33

တၢ်သူၣ်ဖှံသးညီဒီး တၢ်သူၣ်ခုသးခုဘၣ်တၢ်ဟံး ထီၣ်ကွံာ်လၢ ကီၢ်မိၤအးအဟီၣ်ခိၣ်ညၣ်ထ့ၣ်အဂ့ၤ အပူၤလီၤ. ယဒုးဆိကတီၢ် စပံးထံအတၢ်ယွၤလီၤလၢ နီၣ်စံၢ်စပံးသၣ်တဖၣ်အပူၤန့ၣ်လီၤ. ပှၤတအိၣ်နီတဂၤဘၣ် လၢကယီၢ်စပံးသၣ်ဒီး ကိးထီၣ်လၢတၢ်သးခုအပူၤန့ၣ်ဘၣ်.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်သးသယုၢ်တၢ် 5:15

တၢ်သးဖှံလၢာ်ကွံာ်လၢပတၢ်အိၣ်မူတဖၣ်အပူၤ, ဒီးတၢ်သူၣ်အုးသးအုးဟံးန့ၢ်တၢ်လီၢ်လၢ ပတၢ်ဂဲၤကလံာ်အလီၢ်တဖၣ်လီၤ.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ဟိၤၡ့ 2:11

ယကမၤကတၢၢ်ကွံာ်ကယဲၢ်အဝဲဒၣ်အမူးဧိၤပွဲဧိၤတဖၣ်လၢအမ့ၢ်, တနံၣ်တဘျီဒီးတလါတဘျီအဘူၣ်တဖၣ်ဒီးအမုၢ်အိၣ်ဘှံးနံၤအဘူၣ်တဖၣ်, ကယဲၢ်အတၢ်ဘူၣ်တၢ်ဘါအတၢ်အိၣ်ဖှိၣ်တဖၣ်န့ၣ်လီၤ.