လံာ်ယံးရမံယၤ 24:8 - Sgaw Karen Common Bible

⁸ မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 24:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ယံးရမံယၤ 13:7

သတးဒီးယလဲၤကဒါက့ၤ, ဒီးတုၤယထံၣ်တၢ်လီၢ်လၢယပာ်ခူသူၣ် တ့ၢ်အီၤဒီး, ယထံၣ်ဘၣ်လၢအဝဲသ့ၣ်ဟးဂီၤကွံာ်လၢာ်လံဒီး တဂ့ၤလၢၤဘၣ်န့ၣ်လီၤ.

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:2

နာ်အခီၣ်ထံးတဖျၢၣ်အိၣ်ဒီးချၢၣ်ဒၢသၣ်လၢအဂ့ၤတဖၣ်လၢအမံဆိ ဝဲန့ၣ်လီၤ. မ့မ့ၢ်နာ်အဂၤတဖျၢၣ်န့ၣ်အိၣ်ဒီးချၢၣ်ဒၢသၣ်လၢအတဂ့ၤ တဖၣ်, တဂ့ၤဝဲၤတုၤဒၣ်လဲာ်နအီၣ်တသ့ဘၣ်န့ၣ်လီၤ.

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 43:1

ယတဲဘၣ် ပှၤဂီၢ်မုၢ်တၢ်ကိးမံၤဒဲးလၢယွၤအဝဲသ့ၣ် အကစၢ်ယွၤ မၢလီၤယၤလၢယကတဲဘၣ်အဝဲသ့ၣ်န့ၣ်ဝံၤလံ.

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.