လံာ်ယံးရမံယၤ 24:6 - Sgaw Karen Common Bible

⁶ ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 24:6 Iomraidhean Croise

လံာ်တၢ်ကဲထီၣ်အခီၣ်ထံး 44:21

ကစၢ်ဧၢ, နမၢပဟဲကိးတ့ၢ်အီၤဖဲအံၤ, ဒ်သိးနထံၣ်အီၤကသ့ အဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 34:15

ယွၤကွၢ်လီၤပှၤတီပှၤလိၤဒီး ဒိကနၣ်အတၢ်ကိးထီၣ်အီၤန့ၣ်လီၤ.

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 12:15

ဘၣ်ဆၣ်ဒီးဖဲယဟံးထီၣ်ကွံာ်အဝဲသ့ၣ်ဝံၤအလီၢ်ခံန့ၣ်, ယသးကညီၤဘၣ်က့ၤအဝဲသ့ၣ်, ဒီးယကဟဲစိာ်က့ၤပှၤ တကလုာ်ဘၣ်တကလုာ်စုာ်စုာ်ဆူအလီၢ်အိၣ်လီၢ်ဆိးဒၣ်ဝဲဒီး အထံအကီၢ်ဒၣ်ဝဲန့ၣ်လီၤ.

လံာ်ယံးရမံယၤ 16:15

အခိၣ်တလိာ်, အဝဲသ့ၣ်ကဆိၣ်လီၤအသး လၢယမံၤအပူၤဒ်ယမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်လၢက လံၤစိးတခီဒီးလၢထံကီၢ်အဂၤတဖၣ်ဖဲယမၤပြံမၤပြါအဝဲသ့ၣ်န့ၣ်လီၤ. ယကဆှၢကဒါက့ၤအဝဲသ့ၣ်ဆူအထံအကီၢ်ဒၣ်ဝဲ, ကီၢ်တဘ့ၣ်လၢယဟ့ၣ်လီၤ တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 31:28

ုဒီး ဒ်ယအံးထွဲကွၢ်ထွဲအီၤလၢ ယကထဲးထီၣ်အီၤ, မၤလီၤပှီၢ်အီၤ, မၤလီၤတဲာ်ကွံာ်အီၤ, မၤဟးဂီၤအီၤဒီး မၤနးမၤဖှီၣ်အီၤအသိးန့ၣ်, ယကအံးထွဲကွၢ်ထွဲအီၤလၢ ယကသူၣ်လီၤဖျးလီၤအီၤဒီး သူၣ်ထီၣ်ဘှီထီၣ်အီၤန့ၣ်လီၤ.

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယံးရမံယၤ 33:7

ယကဒုးဘီၣ်ထီၣ်ညီထီၣ် ကီၢ်ယူဒၤဒီး ကီၢ်အံၣ်စရ့လး ဒီး ယကသူၣ်ထီၣ် ဘှီထီၣ်က့ၤ အဝဲသ့ၣ်ဒ်အအိၣ်ပာ်စၢၤတ့ၢ် လၢညါအသိးန့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 39:12

လဲၤဒီး ဃုထံၣ်န့ၢ် စီၤယံးရမံယၤဒီး ကွၢ်ထွဲအီၤဂ့ၤဂ့ၤတက့ၢ်. တဘၣ်မၤဆူးမၤဆါအီၤတဂ့ၤ. ဒီးတၢ်လၢအသးလီဝဲန့ၣ် မၤန့ၢ်အီၤခဲ လၢာ်တက့ၢ်.”

လံာ်ယံးရမံယၤ 42:10

‘သုသးမ့ၢ်အိၣ်လၢ သုကအိၣ်ဆိးဘၣ်ဒံးလၢ ကီၢ်အံၤ အပူၤဒီး, ယကမၤထီၣ်သု, ဒီးတမၤလီၤပှီၢ်သုဘၣ်. ယကသူၣ်လီၤဒီး ယတထဲးလီၤကွံာ်ဘၣ်သုဘၣ်. တၢ်ဟးဂီၤလၢ ယဒုးဘၣ်သုန့ၣ် ဒုးသးအုးတ့ၢ်ယၤဒိၣ်မးလီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်သိၣ်လီၤသီလီၤတၢ် 11:12

ယွၤ, သုကစၢ်ယွၤအံးထွဲကွၢ်ထွဲကီၢ်အံၤဒီးကွၢ်လီၤအီၤ စးထီၣ်လၢနံၣ်အခီၣ်ထံးတုၤလၢနံၣ်အကတၢၢ်န့ၣ်လီၤ.

၁ ပ့းတရူး 3:12

အဂ့ၢ်ဒ်လဲၣ်န့ၣ်, ကစၢ်အံးက့ၤကွၢ်က့ၤပှၤအတီအလိၤ ဒီးဒိကနၣ်အဝဲသ့ၣ်အတၢ်ထုကဖၣ်တဖၣ်လီၤ. မ့မ့ၢ်ပှၤလၢအမၤတၢ်အၢတၢ်သီတဖၣ်န့ၣ်, အဝဲထီဒါအီၤလီၤ” (စံး ၃၄:၁၂-၁၆).