လံာ်ယံးရမံယၤ 23:9 - Sgaw Karen Common Bible

⁹ ယသးဘၣ်တၢ်မၤလီၤသဘှံးအီၤ ဒီးယကနိးကစုာ်ယဲလီၤ. အဂ့ၢ်ဒ်အံၤ, လၢယွၤအဃိ, ဒီးလၢအကလုၢ်ကထါစီဆှံအဃိန့ၣ်, ယလီၤဂာ်ဒ်ပှၤတဂၤလၢအအီမူၤသံးအသိး, ဒ်ပှၤတဂၤလၢအအီစပံးထံအါကဲၣ်ဆိးအသိးန့ၣ်လီၤ.

လံာ်ယံးရမံယၤ 23:9 Iomraidhean Croise

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 29:9

လဲၤစၢ်ခီလၢတၢ်သးတဆးအပူၤတက့ၢ်. လဲၤစၢ်ခီလၢတၢ်မဲာ်ဘျီၣ်အပူၤတက့ၢ်. စပံးထံတအိၣ်ဘၣ်ဒီးမူၤ စၢ်ခီတက့ၢ်. မ့ၢ်တအီနီတလီၤစီၤဒၣ်လဲာ်ဟးကနူၤကပၤနဲဒၣ်တက့ၢ်.

လံာ်ယၡါယၤ 51:21

သုဝဲပှၤဝ့ၢ်ယရူၤၡလ့ၣ်ဖိလၢအတူၢ်ဘၣ်ခီၣ်ဘၣ်တၢ်, သုဝဲလၢအဟးကပၤကပၤဒ် ပှၤအီမူၤသံးအသိးသ့ၣ်ဧၢ,

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 36:16

တုၤအဝဲဖးထီၣ်ဝဲဝံၤဒီး, အဝဲသ့ၣ်ကွၢ်လိာ်အမဲာ် တဂၤဒီးတဂၤ လၢတၢ်ပျံၤတၢ်ဖုအပူၤဒီး စံးဘၣ်စီၤ ဘၤရူး, “ပကဘၣ်ပာ်ဖျါတၢ်ဂ့ၢ်အံၤ ဆူစီၤပၤအအိၣ်လီၤ.”

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်သးသယုၢ်တၢ် 3:15

ကယဲၢ်တၢ်လၢအဟ့ၣ်ယၤလၢတၢ်အီၣ်တၢ်အီအဂီၢ်န့ၣ်မ့ၢ်ထဲ တၢ်တူၢ်ဘၣ်ခီၣ်ဘၣ်အခၣ်တဖၣ်လီၤ.

လံာ်ယဃ့းစက့လး 13:3

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဝံအမၢးတဖၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟ့ၣ်ထီၣ်တၢ်သူၣ်ဆူၣ်သးဂဲၤဒၣ်ဝဲတဖၣ်ဒီးဒုးအိၣ်ထီၣ် တၢ်ထံၣ်လၢညါခီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.