လံာ်ယံးရမံယၤ 23:39 - Sgaw Karen Common Bible

³⁹ ယကဟံးထီၣ်ကွံာ်အဝဲသ့ၣ်သပှၢ်ကတၢၢ်ဒီးကွံာ်ယံၤကွံာ်အဝဲသ့ၣ် ဒီးယၤ, အဝဲသ့ၣ်ဒီးဝ့ၢ်လၢယဟ့ၣ်လီၤတ့ၢ်အဝဲသ့ၣ် ဒီးအမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 23:39 Iomraidhean Croise

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:27

ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

တၢ်ကတိၤဒိ. 13:13

နမ့ၢ်ဂ့ၢ်လိာ်တၢ်ဟ့ၣ်ကူၣ်အဂ့ၤအဘၣ်ဒီး, နဃ့န့ၢ်တၢ်ကီတၢ်ခဲန့ၣ်လီၤ. ပိာ်ထွဲအီၤ, ဒီးနကပူၤဖျဲးလီၤ.

လံာ်ယၡါယၤ 48:15

ယမ့ၢ်ပှၤတဂၤလၢအကတိၤတ့ၢ်တၢ်ဒီးကိးတ့ၢ်အီၤလီၤ. ယဆှၢထီၣ်တ့ၢ်အီၤဒီးဟ့ၣ်တ့ၢ်အီၤတၢ်မၤနၢၤလီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 23:33

ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ယံးရမံယၤ 23:38

ဒီးအဝဲသ့ၣ်မ့ၢ်တစူၢ်ယတၢ်မၤလိာ်ဒီးသူတၢ်ကတိၤ, ယွၤအတၢ်ဝံတၢ်ယိးန့ၣ်, တဲဘၣ်အဝဲသ့ၣ်လၢ,

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 36:31

ယကစံၣ်ညီၣ်နၤ, နစၢၤနသွဲၣ်တဖၣ်, ဒီးနပဒိၣ်ပပှၢ်တဖၣ်မ့ၢ်လၢ တၢ်ဒဲးဘးတဖၣ်လၢ သုဝဲခဲလၢာ်မၤတ့ၢ်အီၤအဃိန့ၣ်လီၤ. နၤမ့ၢ်ဂ့ၤ, ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကီၢ်ယူဒၤအပှၤဂီၢ်မုၢ်မ့ၢ်ဂ့ၤ, တကနၣ်ဃုာ်ယတၢ်ဟ့ၣ်ပလီၢ်တဖၣ်နီတမံၤဘၣ်. ဒီးယကဒုးလီၤဘၣ်တၢ်တတၢးတနါလၢ ကမၤပျံၤမၤဖုးတၢ်န့ၣ်လၢ သုလိၤလီၤ.

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယံးရမံယၤ 7:14

လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 5:20

ဘၣ်မနုၤအဃိလၢနညိကွံာ်ပှၤဖးယံာ်န့ၣ်လဲၣ်. မ့ၢ်နကသ့ၣ်နီၣ်ထီၣ်ပှၤတဘျီဘျီဒံးဧါ.

လံာ်ယဃ့းစက့လး 34:11

ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုလၢယကစၢ်ဒၣ်ယဲ ယကကွၢ်ဃုယသိတဖၣ်ဒီးကဟုကယာ်အဝဲသ့ၣ်,

လံာ်ယဃ့းစက့လး 34:20

လၢတၢ်န့ၣ်အဃိ, ခဲကနံၣ်အံၤယၤ, ယွၤပၢဘၣ်တၢ်ခဲလၢာ်ကစၢ် တဲဘၣ်သုလၢ, ယကစံၣ်ညီၣ်တၢ်လၢသုဝဲသိလၢအဂံၢ်ဆူၣ်ဒီး အဂံၢ်ဘါစၢ်အဘၢၣ်စၢၤန့ၣ်လီၤ.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်ယဃ့းစက့လး 6:3

တဲဘၣ်ကီၢ်အံၣ်စရ့လးအကစၢၢ်ကလိတဖၣ်လၢကနၢ်ဟူယွၤအကလုၢ်, ကနၢ်ဟူတၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်တဲဘၣ်ကစၢၢ်ကလိတဖၣ်, တၢ်လူၢ်တဖၣ်, တၢ်တြိတဖၣ်, ဒီးတၢ်တြီၤတဖၣ်န့ၣ်တက့ၢ်. ယကမၢလီၤနးတဘ့ၣ်လၢကမၤဟးဂီၤ တၢ်လီၢ်တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ် န့ၣ်လီၤ.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.