လံာ်ယံးရမံယၤ 23:33 - Sgaw Karen Common Bible

³³ ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ယံးရမံယၤ 23:33 Iomraidhean Croise

လံာ်စီၤပၤခံဘ့ၣ်တဘ့ၣ် 23:27

ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ယၡါယၤ 13:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်, လၢစီၤအၤမိာ်အဖိခွါစီၤယၡါယၤဒိးန့ၢ်ဘၣ်ဝဲလၢကစၢ်ယွၤ အအိၣ်န့ၣ်လီၤ.

လံာ်ယၡါယၤ 14:28

အအံၤမ့ၢ်တၢ်ကစီၣ်လၢတၢ်တဲဖျါအီၤဖဲစီၤပၤစီၤအၤဃးသံ ဝဲအနံၣ်န့ၣ်လီၤ.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 17:15

ပှၤဂီၢ်မုၢ်စံးဘၣ်ယၤ, “တၢ်မၤပျံၤမၤဖုးတဖၣ်လၢယွၤမၢလီၤ အီၤထီဒါပှၤန့ၣ်, မ့ၢ်အအိၣ်ဖဲလဲၣ်. မ်အဝဲကမၤလၢပှဲၤတၢ်သ့ၣ် တဖၣ်န့ၣ်ခဲအံၤတက့ၢ်.”

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 12:21

ယွၤကတိၤတၢ်ဒီးယၤလီၤ. အဝဲစံးဝဲ, “ပှၤကညီလၢအသံသ့ဧၢ, ဘၣ်မနုၤအဃိ ကီၢ်အံၣ်စရ့လးအပှၤဂီၢ်မုၢ်စံးဝံၤစံးက့ၤတၢ်ကတိၤဒိလၢ အစံးဝဲ, တၢ်ဆၢကတီၢ်လဲၤပူၤကွံာ်ဒီးတၢ်တဲဆိပာ်စၢၤ တဖၣ်တမၤအသးနီတမံၤ, န့ၣ်လဲၣ်.

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်နၤဃူၣ် 1:1

တၢ်အံၤမ့ၢ်တၢ်ကစီၣ်လၢအဘၣ်ဃးဒီးဝ့ၢ်နံၤနဝ့အဂ့ၢ်လီၤ. ဒီးမ့ၢ်တၢ်ကွဲးနီၣ်ကွဲးဃါပှၤအ့လကိၤၡးဖိစီၤနၤဃူၣ် အတၢ်ထံၣ်လၢညါခီန့ၣ်လီၤ.

လံာ်ဃဘးကူာ် 1:1

အအံၤမ့ၢ်တၢ်ကစီၣ်လၢယွၤလီၣ်ဖျါတ့ၢ်ဆူဝံဃဘးကူာ်န့ၣ်လီၤ.

လံာ်စကၤရယၤ 9:1

အအံၤမ့ၢ်ယွၤအတၢ်ကစီၣ်လီၤ. အဝဲခါလီၤအကလုၢ်လၢတၢ်စံၣ်ညီၣ်ကီၢ်ဃၤဒြး, ဒီးဝ့ၢ်ဒၤမ့းစ့းအဂီၢ်လီၤ. တမ့ၢ်ထဲလၢကီၢ်အံၣ်စရ့လးအဒူၣ်တဖၣ်ဧိၤဘၣ် ဃးဒီးယွၤဘၣ်. မ့မ့ၢ်စူၤရံအဝ့ၢ်ခိၣ်ဘၣ်ဃးစ့ၢ်ကီးဒီးယွၤလီၤ.

လံာ်မၤလကံ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤဝံမၤလကံဒ်သိးကတဲ ဘၣ်ပှၤအံၣ်စရ့လးဖိန့ၣ်လီၤ.