လံာ်ယံးရမံယၤ 23:28 - Sgaw Karen Common Bible

²⁸ ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 23:28 Iomraidhean Croise

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

တၢ်ကတိၤဒိ. 14:5

ပှၤအုၣ်အသးလၢတၢ်နာ်န့ၢ်အီၤသ့တဲတၢ်မ့ၢ်တၢ်တီထီဘိလီၤ. မ့မ့ၢ်, ပှၤလၢတၢ်နာ်န့ၢ်အီၤတသ့ဘၣ်တဂၤတဲဒၣ်ထဲတၢ်လီတၢ်ဝ့ၤ တဖၣ်ဧိၤလီၤ.

လံာ်ယၡါယၤ 21:10

ယပှၤဂီၢ်မုၢ်အံၣ်စရ့လးဧၢ, သုဘၣ်တၢ်ယီၢ်သုဒ်ပှၤယီၢ်ဘုဟု အသိး, ဘၣ်ဆၣ်အခဲအံၤယဘိးဘၣ်သ့ၣ်ညါသုတၢ်ကစီၣ် အမုာ်လၢယနၢ်ဟူတ့ၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤ, အအိၣ်န့ၣ်လီၤ.

လံာ်ယံးရမံယၤ 23:25

တၢ်လၢဝံတဖၣ်လၢအကတိၤလီတၢ်လၢယမံၤအပူၤစံးတ့ၢ်ဝဲန့ၣ်, ယသ့ၣ်ညါယဲလီၤ. အဝဲသ့ၣ်စံးဝဲလၢယဟ့ၣ်အီၤယတၢ်ကစီၣ် တဖၣ်လၢအတၢ်မံမီၢ်အပူၤန့ၣ်လီၤ.

လံာ်ယံးရမံယၤ 42:4

ယစံးဆၢယဲ, “မ့မ့ၢ်ဒ်န့ၣ်ဒီး, ဂ့ၤလံ. ယကဃ့ထုကဖၣ်ဆူ ယွၤပကစၢ် ယွၤဒ်သုမၢတ့ၢ်ယၤအသိး, ဒီၤဖဲတၢ်လၢအဝဲစံးဝဲ တမံၤဂ့ၤတမံၤဂ့ၤန့ၣ်, ယကတဲဘၣ်သုလီၤ. ယတပာ်တဒၢ တၢ်လၢသုနီတမံၤဘၣ်.”

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယံးရမံယၤ 9:20

ယစံးတ့ၢ်ယဲ, “သုဝဲပိာ်မုၣ်သ့ၣ်ဧၢ, ဒိကနၣ်ယွၤ ဒီးပာ်သူၣ်ပာ်သးလၢအဝဲအတၢ်ကတိၤတဖၣ်န့ၣ်တက့ၢ်. သိၣ်လိသုဖိမုၣ်တဖၣ်လၢကဘၣ်ဟီၣ်ဝဲယၢၤဝဲဒ်လဲၣ်, ဒီးသုတံၤသကိးတဖၣ်လၢကဘၣ်သးဝံၣ်တၢ်သံအတၢ်သးဝံၣ်တယုၢ် ဒ်လဲၣ်န့ၣ်တက့ၢ်.

လံာ်ယဃ့းစက့လး 13:3

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဝံအမၢးတဖၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟ့ၣ်ထီၣ်တၢ်သူၣ်ဆူၣ်သးဂဲၤဒၣ်ဝဲတဖၣ်ဒီးဒုးအိၣ်ထီၣ် တၢ်ထံၣ်လၢညါခီဒၣ်ဝဲတဖၣ်န့ၣ်လီၤ.

လံာ်မးသဲ 24:45

မ့မ့ၢ်ဒ်န့ၣ်ဒီး, တၢ်အခ့အပှၤလၢအသးတီဝဲဒီးကူၣ်ဘၣ်ကူၣ်သ့, လၢအကစၢ်ဟ့ၣ်မူဟ့ၣ်ဒါအီၤလၢအဟံၣ်ဖိဃီဖိခဲလၢာ်အဖီခိၣ်, ဒ်သိးကဟ့ၣ်အီၣ်ဟ့ၣ်အီအဝဲသ့ၣ်ဘၣ်ဆၢဘၣ်ကတီၢ်န့ၣ်, မ့ၢ်မတၤတဂၤလဲၣ်.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၁ တံၤမသ့း 1:12

ယစံးဘျုးပကစၢ်ယ့ၣ်ၡူးခရံာ်, လၢအဟ့ၣ်တ့ၢ်လံယၤတၢ်ဂံၢ် တၢ်ဘါလၢယတၢ်မၤအဂီၢ်အဃိန့ၣ်လီၤ. ယစံးဘျုးအီၤလၢအပာ်ယၤလၢပှၤအကလုၢ် တီဒီးဃုထၢထီၣ်ယၤလၢယကမၤအတၢ်မၤအဂီၢ်,