လံာ်ယံးရမံယၤ 23:25 - Sgaw Karen Common Bible

²⁵ တၢ်လၢဝံတဖၣ်လၢအကတိၤလီတၢ်လၢယမံၤအပူၤစံးတ့ၢ်ဝဲန့ၣ်, ယသ့ၣ်ညါယဲလီၤ. အဝဲသ့ၣ်စံးဝဲလၢယဟ့ၣ်အီၤယတၢ်ကစီၣ် တဖၣ်လၢအတၢ်မံမီၢ်အပူၤန့ၣ်လီၤ.

လံာ်ယံးရမံယၤ 23:25 Iomraidhean Croise

လံာ်တၢ်ကဲထီၣ်အခီၣ်ထံး 37:5

ဘၣ်တနၤစီၤယိၤသးအိၣ်ဒီးအတၢ်မံမီၢ်တမံၤ, ဒီးဖဲအတဲဘၣ်အဒီပုၢ်ဝဲၢ်ခွါသ့ၣ်တဖၣ်လၢတၢ်ဂ့ၢ်န့ၣ်, အဝဲသ့ၣ်သးဟ့အီၤအါန့ၢ်အလီၢ်လီၤ.

လံာ်တၢ်ကဲထီၣ်အခီၣ်ထံး 37:9

ဒီးစီၤယိၤသးအိၣ်ဒီးအတၢ်မံမီၢ်တဂၤတမံၤဒီးတဲဘၣ်အဒီပုၢ် ဝဲၢ်ခွါသ့ၣ်တဖၣ်, “ယအိၣ်ဒီးတၢ်မံမီၢ်အဂၤတမံၤ, ဒီးလၢယတၢ်မံမီၢ်အပူၤန့ၣ်, ယထံၣ်မုၢ်, လါဒီးဆၣ်တဆံ တဖျၢၣ်သကူးလီၤအသးလၢယမဲာ်ညါန့ၣ်လီၤ.”

စံးထီၣ်ပတြၢၤ 139:2

ယဆ့ၣ်နီၤဒီးယဆၢထၢၣ်န့ၣ်နသ့ၣ်ညါလီၤ. နနၢ်ပၢၢ်ယတၢ်ဆိကမိၣ်တဖၣ်လၢအယံၤလီၤ.

စံးထီၣ်ပတြၢၤ 139:4

တချုးလၢယကတိၤတၢ်ဒံးဘၣ်န့ၣ်, နသ့ၣ်ညါတ့ၢ်လံတၢ်လၢယကစံးကတိၤန့ၣ်လီၤ.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 16:17

ယထံၣ်တၢ်ခဲလၢာ်လၢအဝဲသ့ၣ်မၤဝဲလီၤ. တၢ်တအိၣ်သဒၢလၢယမဲာ်ညါနီတမံၤဘၣ်. အဝဲသ့ၣ်အတၢ်ဒဲးဘးတဖၣ်အိၣ်သဒၢ လၢယမဲာ်အတၢ်ထံၣ်တန့ၢ်ဘၣ်.

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 27:10

အဝဲသ့ၣ်လီန့ၢ်သုဒီး ကဒုးလီၤဘၣ်သုလၢ တၢ်စိာ်ထီၣ်ကွံာ်သုဆူ တၢ်လီၢ်လၢ အယံၤဒီး သုထံသုကီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်သုဒီး သုကဘၣ်တၢ်မၤဟးဂီၤကွံာ်သုန့ၣ်လီၤ.

လံာ်ယံးရမံယၤ 27:15

ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 8:6

ယဒိကနၣ်တၢ်လီၤတံၢ်လီၤဆဲး, ဘၣ်ဆၣ်ဒီးသုတကတိၤတၢ်မ့ၢ်တၢ်တီဘၣ်. သုတသးအုးလၢသုတၢ်အၢတၢ်သီအဃိနီတဂၤဘၣ်. သုတသံကွၢ်တ့ၢ်နီတဂၤလၢ ‘မ့ၢ်ယမၤကမၣ်တၢ်မနုၤလဲၣ်’ န့ၣ်ဘၣ်. ပှၤကိးဂၤဒဲးလဲၤဒၣ်လၢအကျဲဒၣ်ဝဲ, ဒ်ကသ့ၣ် တဒုဃ့ၢ်သဖှိဃီၤဆူတၢ်ဒုးအပူၤအသိးန့ၣ်လီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 22:28

ဝံတဖၣ်ပာ်ခူသူၣ်တၢ်ဒဲးဘးတဖၣ်အံၤဒ်ပှၤကညီဖှူဝါထီၣ်က့ၤတၢ် ဒူၣ်တခါအသိးန့ၣ်လီၤ. အဝဲသ့ၣ်ထံၣ်တၢ်ထံၣ်လၢညါခီလၢ အကမၣ်တဖၣ်ဒီးကတိၤဆိတၢ်လၢတမ့ၢ်တတီတဖၣ်န့ၣ်လီၤ. အဝဲသ့ၣ်စံးလီၤအသးလၢအကတိၤတၢ်ကတိၤလၢအဟဲလၢယွၤပၢဘၣ်တၢ် ခဲလၢာ်ကစၢ်အအိၣ်န့ၣ်လီၤ. ဘၣ်ဆၣ်ယၤ, ယွၤအံၤတကတိၤတ့ၢ်ဒီးအဝဲသ့ၣ်န့ၣ်ဘၣ်.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်လူၤကၣ် 12:3

လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.