လံာ်ယံးရမံယၤ 23:21 - Sgaw Karen Common Bible

²¹ ယွၤစံးဝဲဒၣ်, “ယတမၢလီၤဝံသ့ၣ်တဖၣ်အံၤန့ၣ်ဘၣ်. ဘၣ်ဆၣ်ဒီး, အဝဲသ့ၣ်လဲၤဝဲလီၤ. ယတဟ့ၣ်လီၤအဝဲသ့ၣ်တၢ်ကစီၣ်နီတမံၤဘၣ်. ဘၣ်ဆၣ်ဒီးအဝဲသ့ၣ်ကတိၤဒံးတၢ်လၢယမံၤအပူၤန့ၣ်လီၤ.

လံာ်ယံးရမံယၤ 23:21 Iomraidhean Croise

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 27:14

ဒိကနၣ်ဝံတဖၣ်လၢ အတဲဘၣ်သုလၢ သုတဟ့ၣ်လီၤသုသးလၢ အဝဲအစုပူၤတဂ့ၤ, အကလုၢ်န့ၣ်တဂ့ၤ. အဝဲသ့ၣ်လီန့ၢ်သုလီၤ.

လံာ်ယံးရမံယၤ 27:15

ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 28:15

ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 29:9

အဝဲသ့ၣ်တဲဘၣ်သုတၢ်လီတၢ်ဝ့ၤတဖၣ်လၢ ယမံၤအပူၤန့ၣ်လီၤ. ယတမၢလီၤဘၣ်အဝဲသ့ၣ်ဘၣ်. ယၤ, ယွၤသ့တၢ်လၢာ်အံၤ, ကတိၤလံတၢ်လံ.’

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

မၤတၢ် 13:4

စီၤဘၢ်နါဘၤဒီးစီၤစီလူး, ဒ်အဘၣ်တၢ်ဆှၢအီၤလၢသးစီဆှံအသိး, လဲၤလီၤဝဲဆူကဘီသန့ဖဲဝ့ၢ်စ့းလူကံၤဒီးဒိးထီၣ်ကဘီဖဲန့ၣ် ဆူကီးကူပြူးန့ၣ်လီၤ.

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)