လံာ်ယံးရမံယၤ 23:12 - Sgaw Karen Common Bible

¹² ကျဲတဖၣ်လၢအဝဲသ့ၣ်ပိာ်ဝဲန့ၣ်ကဒုးလီၤတလံာ်တၢ်ဒီးကခံးဝဲလီၤ. ယကဒုးဘၣ်တိၢ်အဝဲသ့ၣ်အခီၣ်ဒီးကလီၤဃံၤဝဲလီၤ. ယကဟဲစိာ်တၢ်တတၢးတနါလၢအဝဲသ့ၣ်အဖီခိၣ်ဒီးတၢ်စံၣ်ညီၣ် အဝဲသ့ၣ်အဆၢကတီၢ်ဟဲဝဲလံ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 23:12 Iomraidhean Croise

လံာ်စီၤယိၤဘး 18:18

အဝဲကဘၣ်တၢ်ဟီထီၣ်ကွံာ်အီၤလၢပှၤမူအကီၢ်ဒီးကဘၣ်တၢ် ဟီထီၣ်ကွံာ်အီၤလၢတၢ်ကပီၤဆူတၢ်ခံးတၢ်နၤအပူၤန့ၣ်လီၤ.

စံးထီၣ်ပတြၢၤ 35:6

မ်အကျဲခံး ဒီးဒုးလီၤတလံာ်တၢ်, ဒီးမ်ယွၤအကလူးလူၤအီၤတက့ၢ်.

စံးထီၣ်ပတြၢၤ 73:18

မ့ၢ်မးကနပာ်အဝဲသ့ၣ်လၢတၢ်လီၤတလံာ်အလီၢ်တဖၣ်, နကဒုးလီၤအဝဲသ့ၣ်ဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 82:5

သုတနူၤပၢၢ်နၢ်ဘှါတၢ်မးလဲၣ်, သုသးတဆးမးလဲၣ်. သုဟးဂီၤလၢာ်လၢာ်ဆ့ဆ့ ဒီးတၢ်တီတၢ်လိၤလီၤမၢ်ကွံာ်လၢ ဟီၣ်ခိၣ်ချၢလံ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယံးရမံယၤ 11:23

ယပာ်လီၤတၢ်ဆၢကတီၢ်အကတီၢ်လၢယကဟဲစိာ်တၢ်တတၢးတနါ လၢဧၤနသိးအပှၤဂီၢ်မုၢ်အဖီခိၣ်, ဒီးဖဲတၢ်ဆၢကတီၢ်န့ၣ်ဟဲတုၤ ဝဲဒီး, အဝဲသ့ၣ်တအိၣ်လီၤတဲာ်နီတဂၤဘၣ်.”

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 48:44

ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်မံကၤ 7:4

ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.