လံာ်ယံးရမံယၤ 23:10 - Sgaw Karen Common Bible

¹⁰ အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 23:10 Iomraidhean Croise

လံာ်စီၤဧ့စြၤ 10:18

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ. လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 5:18

သုဘၣ်တၢ်စံၣ်ညီၣ်ဃါမနၤလီၤ. သုမၤထူၣ်ဖျဲးကွံာ်သုသးလၢတၢ် ဒဲးဘးတဖၣ်တန့ၢ်ဘၣ်.

လံာ်ယံးရမံယၤ 12:11

အဝဲသ့ၣ်ဒုးကဲထီၣ်အီၤလၢပှၢ်မုၢ်ကနၢတတီၤ ဒီးအိၣ်သယုၢ်သညိဝဲလၢယမဲာ်ညါန့ၣ်လီၤ. ထံကီၢ်ဒီဘ့ၣ်ညါကဲထီၣ်မဲးမုၢ်ခိၣ်တတီၤဒီး ပှၤတကနၣ်ဃုာ်ဘၣ်အီၤနီတဂၤဘၣ်.

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယံးရမံယၤ 9:2

ယသးအိၣ်မးလၢယကအိၣ်ဒီးတၢ်လီၢ်တတီၤလၢမဲးမုၢ်ခိၣ်ဖဲ ယအိၣ်ယံၤကွံာ်ဒီးယပှၤဂီၢ်မုၢ်ကသ့ဝဲလီၤ. အဝဲသ့ၣ်ခဲလၢာ်တသူၣ်တီသးရၤဘၣ်. ဒီးမ့ၢ်ပှၤပူထီၣ်လီထီၣ်တၢ်တဖုန့ၣ်လီၤ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်ယိၤအ့လး 1:10

စံာ်ဧိၤပျီဧိၤတဖၣ်ဘၣ်တၢ်မၤဟးဂီၤကွံာ်အီၤ, ဟီၣ်ခိၣ်ဃ့ထီကွံာ်ဝဲ, မ့ၢ်လၢဘုဧိၤဟုဧိၤဘၣ်တၢ်မၤဟးဂီၤကွံာ်အီၤ, စပံးထံဃ့ထီကွံာ်ဝဲ, ဒီးသ့ၣ်စၤယံးအထံးတဖၣ်လီၤညွံးလီၤဘဲကွံာ်ဝဲဒၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:1

ပှၤတဂၤဂၤမ့ၢ်ဘၣ်ကဲထီၣ်ပှၤအုၣ်အသးလၢတၢ်လၢအထံၣ်ဘၣ်ဝဲမ့ၢ်ဂ့ၤ, သ့ၣ်ညါဝဲမ့ၢ်ဂ့ၤ, အဂ့ၢ်ဒီးတတဲဖျါထီၣ်ဝဲလၢကွီၢ်ဘျီၣ်ပူၤန့ၣ်, ကဘၣ်တူၢ်အတၢ်ဒဲးဘးဒၣ်ဝဲန့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.