လံာ်ယံးရမံယၤ 22:8 - Sgaw Karen Common Bible

⁸ တၢ်န့ၣ်အလီၢ်ခံ, ပှၤတခီဘီမုၢ်ဖိအါဂၤကလဲၤခီဂာ်တၢ်ဒီး သံကွၢ်လိာ်သးတဂၤဒီးတဂၤ, ဘၣ်မနုၤအဃိလၢယၤ, ယွၤအံၤ, ယမၤဘၣ်တ့ၢ်ဝ့ၢ်ဖးဒိၣ်အံၤလၢတၢ်ဒ်သိးအံၤတမံၤလဲၣ်န့ၣ်လီၤ.

လံာ်ယံးရမံယၤ 22:8 Iomraidhean Croise

လံာ်ယံးရမံယၤ 16:10

ဖဲနတဲဘၣ်အဝဲသ့ၣ်တၢ်အံၤခဲလၢာ်ဒီး, အဝဲသ့ၣ်ကသံကွၢ်နၤလၢ ဘၣ်မနုၤအဃိယပာ်လီၤတ့ၢ်ယသးလၢယကစံၣ်ညီၣ်အဝဲ သ့ၣ်ဆါဆါထဲအံၤညါလဲၣ်န့ၣ်လီၤ. အဝဲသ့ၣ်ကသံကွၢ်ဝဲလၢမ့ၢ် အဝဲသ့ၣ်မၤသရူးကမၣ်ဘၣ်တၢ်မနုၤလဲၣ်ဒီးအဝဲသ့ၣ် မၤတ့ၢ်တၢ်ဒဲးဘးမနုၤထီဒါယွၤ, အဝဲသ့ၣ်အကစၢ်ယွၤလဲၣ်န့ၣ်လီၤ.

လံာ်ယံးရမံယၤ 40:2

သုးခိၣ်ဖးဒိၣ်သုးကစီၤယံၤယၤဒီးစံးဘၣ်ယၤ, “ယွၤနကစၢ်ယွၤမၤပျံၤမၤဖုးတ့ၢ်ထံကီၢ်အံၤလၢတၢ်ဟးဂူာ်ဟး ဂီၤန့ၣ်လီၤ.

လံာ်ယံးရမံယၤ 40:3

ဒီးအခဲအံၤ, အဝဲမၤတ့ၢ်လံတၢ်လၢအစံးဘၣ်တ့ၢ်ဝဲလၢအကမၤဝဲ န့ၣ်လီၤ. တၢ်ခဲလၢာ်အံၤမၤအသးမ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါယွၤဒီးတစူၢ်တ့ၢ်အီၤဘၣ်အဃိန့ၣ်လီၤ.

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 14:23

အန့ၣ်ဒီးသုကသ့ၣ်ညါလၢတၢ်ခဲလၢာ်လၢယမၤတ့ၢ်အီၤန့ၣ်အိၣ်ဒီး အတၢ်ဂ့ၢ်တၢ်ခၢးလၢအဂ့ၤဝဲန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:23

ဒီးပှၤကလုာ်တဖၣ်ကသ့ၣ်ညါဝဲလၢ, ပှၤအံၣ်စရ့လးဖိတဖၣ်ဘၣ် လဲၤဆူတၢ်စိာ်မၢကဲကုၢ်အလီၢ်, မ့ၢ်လၢတၢ်ဒဲးဘးတဖၣ်လၢ အဝဲသ့ၣ်မၤတ့ၢ်ထီဒါယၤအဃိန့ၣ်လီၤ. ယကဃၣ်ကွံာ်ယသးလၢ အဝဲသ့ၣ်အအိၣ်ဒီးပျဲအဝဲသ့ၣ်အဒုၣ်အဒါတဖၣ်မၤနၢၤမၤဃၣ်အဝဲသ့ၣ် ဒီးမၤသံကွံာ်အဝဲသ့ၣ်လၢတၢ်ဒုးအပျီပူၤန့ၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ဒၤနံးယ့လး 9:7

နဲဒၣ်, ယွၤဧၢ, နမၤတၢ်အဘၣ်တဘိယူၢ်ဃီ, ဘၣ်ဆၣ်ဒီးပဒုးလီၤဘၣ်တၢ်မဲာ်ဆှးလၢပဖီခိၣ်ဒၣ်ပဝဲတဘိယူၢ်ဃီလီၤ. တၢ်အံၤတီဒီးပဝဲကိးဂၤဒဲးလၢအအိၣ်လၢကီၢ်ယူဒၤဒီးဝ့ၢ်ယရူၤ ၡလ့ၣ်အပူၤ, ဒီးကယဲၢ်ပှၤအံၣ်စရ့လးဖိခဲလၢာ်လၢနမၤလီၤ ပြံလီၤပြါအီၤဆူထံကီၢ်အဘူးအယံၤတဖၣ်အဂီၢ်လၢအဝဲသ့ၣ် တတီဘၣ်ဒီးနၤအဃိန့ၣ်လီၤ.