လံာ်ယံးရမံယၤ 22:7 - Sgaw Karen Common Bible

⁷ ယဆှၢလီၤပှၤကညီတဖၣ်လၢကမၤဟးဂီၤကွံာ်အီၤန့ၣ်လီၤ. အဝဲသ့ၣ်ခဲလၢာ်ကဟဲစိာ်အကွါတဖၣ်, ကကူာ်လီၤကွံာ်အသ့ၣ်ဆှိ အ့ရ့းအထူၣ်အဃံအလၤတဖၣ်, ဒီးကွံာ်လီၤကွံာ်အီၤဆူမ့ၣ်အူ အပူၤန့ၣ်လီၤ.

လံာ်ယံးရမံယၤ 22:7 Iomraidhean Croise

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယံးရမံယၤ 15:8

လၢသုထံသုကီၢ်အပူၤန့ၣ်, မုၣ်ကမဲတဖၣ်အိၣ်အါန့ၢ်ဒံးမဲးဧိၤ ဟီၣ်ဧိၤတဖၣ်လၢပီၣ်လဲၣ်နံၤတက့ၢ်န့ၣ်လီၤ. ယမၤသံကွံာ်သုပှၤပိာ်ခွါသးစၢ်တဖၣ်ဖဲအသးအနံၣ်အလါအ ဂ့ၤကတၢၢ်အခါဒီးဒုးကွၢ်အမိၢ်တဖၣ်လၢတၢ်နးတၢ်ဖှီၣ်န့ၣ်လီၤ. သတူၢ်ကလာ်ယတီၢ်အဝဲသ့ၣ် လၢတၢ်ကိၢ်တၢ်ဂီၤဒီးတၢ်ပျံၤတၢ်ဖုးန့ၣ်လီၤ.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤမၢလီၤပှၤတကလုာ်လၢ အဟဲလၢကီၢ်အယံၤလၢကဒုးသုးအဂီၢ်လီၤ. မ့ၢ်ပှၤတကလုာ်လၢအဂံၢ် ဆူၣ်ဘါဆူၣ်ဒီးအိၣ်တ့ၢ်ဝဲလၢပျၢၤလံၤလံၤ, ပှၤတကလုာ် လၢသုတသ့ၣ်ညါနၢ်ပၢၢ်အကျိာ်ဘၣ်န့ၣ်လီၤ.

လံာ်စကၤရယၤ 11:1

ကီၢ်လဘၤနိၣ်ဧၢ, အိးထီၣ်နတြဲၤတဖၣ်ဒ်သိးမ့ၣ်အူကအီၣ်ကွံာ်နသ့ၣ်ဆှိအ့ရ့း တဖၣ်တက့ၢ်.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.