လံာ်ယံးရမံယၤ 22:30 - Sgaw Karen Common Bible

³⁰ “ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 22:30 Iomraidhean Croise

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

စံးထီၣ်ပတြၢၤ 94:20

စံၣ်ညီၣ်ကွီၢ်လၢအတတီတလိၤတဖၣ်န့ၣ်, ရ့လိာ်အသးဒီးနၤဘၣ်ကသ့ဝဲဧါ. ပှၤလၢအကူၣ်မၤနၢၤတၢ်န့ၣ် ဘၣ်တၢ်မၤတံာ်တာ်အီၤလၢတၢ်သိၣ်တၢ်သီလီၤ.

လံာ်ယံးရမံယၤ 10:21

ယစံးဆၢယဲ, “ပခိၣ်ပနၢ်တဖၣ်မ့ၢ်ပှၤဟးဂီၤဖိလီၤ. အဝဲသ့ၣ်တဃ့ယွၤလၢကပၢကဆှၢအီၤအဂီၢ်ဘၣ်. လၢတၢ်အံၤအဃိ, အဝဲသ့ၣ်ဃၣ်ကွံာ်ဝဲ ဒီးပပှၤဂီၢ်မုၢ်တဖၣ်လီၤမုၢ်ပြံပြါဝဲဒၣ်န့ၣ်လီၤ.

လံာ်ယံးရမံယၤ 2:37

သုကဃၣ်ကွံာ်သုသးလၢကီၢ်အဲၤကူပတူး, သုကဆုးလီၤသုခိၣ် လၢတၢ်မဲာ်ဆှးအပူၤန့ၣ်လီၤ. ယၤ, ယွၤအံၤယညိ ကွံာ်တ့ၢ်ပှၤတဖၣ်လၢသုနာ်န့ၢ်အီၤ, ဒီးသုတမၤန့ၢ်ဘၣ်တၢ်နီ တမံၤလၢအဝဲသ့ၣ်အအိၣ်ဘၣ်.”

လံာ်ယံးရမံယၤ 22:2

ဒီးဖဲန့ၣ်မၢယတဲဘၣ်စီၤပၤ, အပဒိၣ်ပပှၢ်တဖၣ်, ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢကဒိကနၣ်တၢ်လၢယွၤစံးတ့ၢ်ဝဲန့ၣ်လီၤ.

လံာ်ယံးရမံယၤ 29:32

အဝဲအစၢၤအသွဲၣ်တဖၣ် တဘၣ်အိၣ်လၢသုကျါနီတဂၤဘၣ်. အဝဲတအိၣ်မူထံၣ်ဘၣ်တၢ်အဂ့ၤ တဖၣ်လၢ ယကမၤအီၤလၢ ယပှၤဂီၢ်မုၢ်အဂီၢ်ဘၣ်, မ့ၢ်လၢအဝဲတဲဘၣ် အဝဲသ့ၣ်လၢကပူ ထီၣ်တၢ်ထီဒါယၤအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 36:30

လၢတၢ်န့ၣ်အဃိအခဲအံၤ, ယၤ, ယွၤအံၤ, စံးဘၣ်နၤ, စီၤပၤယဟိၤယါကံၣ်, လၢနစၢၤနသွဲၣ်တအိၣ်လၢၤဘၣ်နီတဂၤ လၢကပၢဘၣ်စီၤဒၤဝံးအဘီအမုၢ်န့ၣ် နီတစုဘၣ်. နစိၣ်ကဘၣ်တၢ်ကွံာ်လီၤကွံာ်အီၤလၢ တၢ်လီၢ်ဖဲလၢ တၢ်ကိၢ်ကဘၣ်အီၤလၢ မုၢ်ဆါခီဒီး ပစီၤပၤထံလီၤသကၤကဘၣ်အီၤလၢ မုၢ်နၤခီန့ၣ်လီၤ.

လံာ်ယံးရမံယၤ 52:10

ဖဲဝ့ၢ်ရံးဘလးန့ၣ်, အဝဲမၤသံကွံာ် စီၤစံးဒကံယၤအဖိခွါ တဖၣ်လၢ အမဲာ်ညါဒၣ်ဝဲ, ဒီးအဝဲမၢသံစ့ၢ်ကီးကီၢ်ယူဒၤ ပဒိၣ်ပပှၢ်တဖၣ်န့ၣ်လီၤ.