လံာ်ယံးရမံယၤ 22:22 - Sgaw Karen Common Bible

²² နပှၤခိၣ်ပှၤနၢ်တဖၣ်ကဘၣ်တၢ်အူဒံဖျိးကွံာ်အီၤ လၢကလံၤ, နသိၣ်နမှံၤတဖၣ်ကဘၣ်တၢ်မၤန့ၢ်အီၤဒီးစိာ်ကွံာ်အီၤ ဒ်တၢ်ဒုးတၢ်ယၤအကုၢ်အပှၤတဖၣ်, နဝ့ၢ်ကဘၣ်တၢ်မၤမဲာ်ဆှးအီၤဒီးကဲထီၣ် တၢ်မဲာ်ဆှးအလီၢ်, မ့ၢ်လၢကယဲၢ်တၢ်အၢတၢ်သီခဲလၢာ် လၢနမၤတ့ၢ်တဖၣ်အဃိန့ၣ်လီၤ.

လံာ်ယံးရမံယၤ 22:22 Iomraidhean Croise

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယံးရမံယၤ 10:21

ယစံးဆၢယဲ, “ပခိၣ်ပနၢ်တဖၣ်မ့ၢ်ပှၤဟးဂီၤဖိလီၤ. အဝဲသ့ၣ်တဃ့ယွၤလၢကပၢကဆှၢအီၤအဂီၢ်ဘၣ်. လၢတၢ်အံၤအဃိ, အဝဲသ့ၣ်ဃၣ်ကွံာ်ဝဲ ဒီးပပှၤဂီၢ်မုၢ်တဖၣ်လီၤမုၢ်ပြံပြါဝဲဒၣ်န့ၣ်လီၤ.

လံာ်ယံးရမံယၤ 12:10

ပှၤတခီဘီမုၢ်ဖိအါဂၤမၤဟးဂီၤကွံာ်ယစပံးအလီၢ်လံ. အဝဲသ့ၣ်ယီၢ်တံၢ်လီၤယစံာ်ပျီတဖၣ်လံ. ဒီးအဝဲသ့ၣ်ဒုးကဲထီၣ်ယထံကီၢ်လၢအဃံလၤန့ၣ်ဆူမဲးမုၢ်ခိၣ်တတီၤလံ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 2:37

သုကဃၣ်ကွံာ်သုသးလၢကီၢ်အဲၤကူပတူး, သုကဆုးလီၤသုခိၣ် လၢတၢ်မဲာ်ဆှးအပူၤန့ၣ်လီၤ. ယၤ, ယွၤအံၤယညိ ကွံာ်တ့ၢ်ပှၤတဖၣ်လၢသုနာ်န့ၢ်အီၤ, ဒီးသုတမၤန့ၢ်ဘၣ်တၢ်နီ တမံၤလၢအဝဲသ့ၣ်အအိၣ်ဘၣ်.”

လံာ်ယံးရမံယၤ 2:8

ပှၤလုၢ်တၢ်အခိၣ်တဖၣ်တသံကွၢ်ဘၣ်ဝဲလၢ, ကစၢ်ယွၤအိၣ်ဖဲလဲၣ်, န့ၣ်ဘၣ်. ယပှၤလုၢ်တၢ်အခိၣ်ဒၣ်ယဲတဖၣ်တသ့ၣ်ညါယၤဘၣ်. ပှၤပၢတၢ်တဖၣ်ပူထီၣ်တၢ်ထီဒါယၤလီၤ. ဝံတဖၣ်ကတိၤထီၣ်တၢ်လၢဘဧၤလးအမံၤအပူၤ ဒီးဘူၣ်ထီၣ်ဘါထီၣ်တၢ်ဂီၤတၢ်ဖှီၣ်လၢ အတဂိာ်တသီၣ်ဘၣ်တၢ်တဖၣ်န့ၣ်လီၤ.

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 4:30

ဝ့ၢ်ယရူၤၡလ့ၣ်ဧၢ, နဘၣ်တၢ်စံၣ်ညီၣ်ဃါမနၤလီၤ. နကူထီၣ်ကၤထီၣ်လၢတၢ်ဂီၤဆှုၣ်ကလာ်ဘၣ်မနုၤအဃိလဲၣ်. နတကယၢကယဲနသးလၢတၢ်မျၢ်ပလဲ, ခဲၣ်နမဲာ်ချံတဖၣ်ဘၣ်မနုၤအဃိ လဲၣ်. နမၤဃံမၤလၤနသးကလီကလီလီၤ. ပှၤလၢအအဲၣ်နၤတဖၣ်ညိကွံာ်တ့ၢ်လံနၤ ဒီးသးအိၣ်မၤသံနၤလီၤ.

လံာ်ယံးရမံယၤ 5:13

အဝဲသ့ၣ်စံးတ့ၢ်ဝဲလၢဝံတဖၣ်တမ့ၢ်တၢ်နီတမံၤဘၣ်, မ့ၢ်ဒၣ်ကလံၤပီၤဒီးအတၢ်ကစီၣ်လၢယွၤအအိၣ်တ အိၣ်နီတမံၤဘၣ်.

လံာ်ယံးရမံယၤ 7:19

ဘၣ်ဆၣ်ဒီး, မ့ၢ်ယမ့ၢ်နီၢ်နီၢ်ပှၤတဂၤလၢအဝဲသ့ၣ်မၤဘၣ်ဒိဘၣ်ထံးဝဲန့ၣ်ဧါ. တမ့ၢ်ဘၣ်. အဝဲသ့ၣ်မၤဘၣ်ဒိဘၣ်ထံးလီၤဒၣ်အသး ဒၣ်ဝဲဒီးမၤမဲာ်ဆှးလီၤက့ၤအသးဒၣ်ဝဲတခီန့ၣ်လီၤ.

လံာ်ဟိၤၡ့ 12:1

တၢ်ခဲလၢာ်လၢကီၢ်အံၣ်စရ့လးအပှၤဂီၢ်မုၢ်မၤဝဲစးထီၣ် လၢဂီၤတုၤလၢဟါန့ၣ်မ့ၢ်တၢ်လၢအဘျုးတအိၣ်ဘၣ်ဒီးတၢ်ဟးဂီၤ န့ၣ်လီၤ. တၢ်လီတၢ်ဝ့ၤဒီးတၢ်စုဆူၣ်ခီၣ်တကးအတၢ်ဖံးတၢ်မၤတဖၣ် အါထီၣ်ဝဲလၢအဝဲသ့ၣ်အကျါလီၤ. အဝဲသ့ၣ်မၤလံာ်ဃံၤဃာ်ဒီးကီၢ်အၤ ၡူၢ်ဒီးမၤတၢ်ကူၣ်ဖံးကူၣ်မၤဒီးကီၢ်အဲၤကူပတူးန့ၣ်လီၤ.

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ဟိၤၡ့ 4:19

အဝဲသ့ၣ်ကဘၣ်တၢ်စိာ်ကွံာ်အီၤလၢကလံၤဒီးအဝဲ သ့ၣ်ကဒိးဘၣ်တၢ်မဲာ်ဆှးလၢအတၢ်တစူၢ်တနာ်ယွၤအတၢ်လုၢ်တၢ်ပာ် တဖၣ်အဃိန့ၣ်လီၤ.

လံာ်စကၤရယၤ 11:17

ပှၤကွၢ်သိလၢအတဂိာ်တသီၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲဒၣ်လဲၤသဒၣ်ကွံာ်အသိတဖုလီၤ. တၢ်ဒုးတၢ်ယၤကမၤဟးဂီၤကွံာ်အတၢ်စိတၢ်ကမီၤလီၤ. အစုဒုၣ်ကသံတခီပၤ, ဒီးအမဲာ်ချံထွဲကဘျီၣ်ကွံာ်ဝဲဒၣ်န့ၣ်လီၤ.”

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.